[الجنان-2009]

هذا ايميل وصلني وحبيت الكل يقراه
7
7
7
السلام عليكم إخواني وخواتي...

تكفووون اللي توصله رسالتي يمرررها على أكبر قدر ممكن وينزلها بالمواقع ويوحد الدعاء على اللي مايخافون ربهم ويتاجرووون بعرض الإنسان وشرفه ويحرق دم أهله عليه ..
ببدا لكم بالحادثه وهي صارت بالمنطقه اللي أنا ساكنه فيها ..)الطايف( وهو حدث في إحدى الأسواق التجاريه الكبيره عندنا..

طلعت بنت مع أمها للسوق والبنت في العشرينات من عمرها ومو من البنات اللي مو مستتره عشان نقول يستاهل مايجيها أو ملفته للنظر..

المهم كانوا بالدور الثاني ولقوا عند الكراسي حرمه كبيره بسنها لدرجه إنها كانت على عكاز ونادت البنت وأمها وقالت إنها تعبانه وماتقدر تنزل مع الدرج وماتعرف تستخدم الليفت (الأصنصير( وقالت لهم ياليت تفتحونه لي قامت الأم وقالت لبنتها أفتحيه لها ودخليها فيه راحت البنت وفتحته للعجوز_ الله يحرقها بها اليوم _ وقالت العجوز بس أنا ماأعرف لانزلت إني أفتحه .

قالت الأم خلاص بنتي تنزلك وتطلع لي.. قامت البنت ونزلت هالعجوز _الله ينتقم منها _

المهم الأم تنتظر بنتها ترجع ومارجعت إلى إن مر من الوقت ساعه وأكثر وراحت تدور عليها ومالقتها قامت الأم تصيح في السوووق وجو رجال الأمن اللي متواجدين على الأبواب وسألوها وش فيها قالت لهم بنتي نزلت مع عجوز كبيره بالسن بالليفت توصلها تقول إنها ماتعرف تستخدمه ومارجعت ..

قالوا لها حنا جتنا عجوز كبيره بسنها وفاتحه الليفت وتصيح تقول بنتي أغمى عليها وتعالوا ساعدوني الله يخليكم وصلوها معي السياره وشلناها وطلعناها ووقفت سياره عند الباب فيها اثنين شباب وساعدونا وراحوا..

الأم قامت تصيح وتقول هذي بنتي..

وجت الشرطه بس بعد مافات الأوان طلعت العجوز وحده ماتخاف ربي متجرده من الإنسانيه وماعندها ضمير وتتاجر بأعراض الناس والعياذ بالله كانت تصيد البنات وتجيبهم للشباب وهالبنت ضحيه بعد ماركبت معها الليفت رشت العجوز عليها حاجه خلتها تدوخ وتفقد الوعي ..

والله العالم بحال البنت ألحين وإلا وين أراضيها .. والأم الله يلطف بحالها بالعنايه المركزه..

تكفووون يابنات أنتبهوا وياأمهااات أحرصوا على بناتكم وعلى أنفسكم حتى المحلات إذا دخلتوها لاتدخلون لأخر المحل إلا إذا كان في المحل زباين كثير شفتوا كيف كان مخططهم من كان يتوقع هالعجوز إنها تتاجر بأعراض البنات جت المسكينه تكسب فيها خير مادرت إنها تكسب في نفسها الهلاك..
الله يرد البنت لأهلها ويشفي أمها ..
الله ياواحد ياقادر على كل شي إنك تكشف هالعصابه وتفضحهم وترجع هالمسكينه لأهلها وتنتقم على هالعجوز وتوقعها بشر أعمالها يارب إنك قادر على كل شي يارب من أراد بنا سوء أو بأحد من المسلمين إنك ترد كيده في نحره يارب تسلط عليهم من يكشف عنهم ويوقع بهم يارب إنك القادر على كل شي ياحافظ إحفظ لنا بناتنا وأبنائنا من كل شر..آآآآميـن يااااااااارب..
تكفووون أدعوا عليهم بكل وقت وأدعوا للمسكينه ولأهلها وحاولوا تنشرونها بالقروبات وبالمنتديات وتناقلوها علشان الناس تاخذ حذرها

’’ منقول ,,

[أبعـــاد]

يارب سترك ..

وأنصح كل من يخرج من البيت أن يقرأ دعاء الخروووج فسبحان الله كالحصن على الإنسان حتى يعود لأنه يكون في حفظ الله ..

القصة جداً مؤثرة ورحم الله حال تلك الأم المسكينة وحفظ الله الفتاة من أيدي العابثين وأعادها سالمة لأهلها

تشكرين أختي على الخبر المفجع

[شهله]

حسبي الله عليها هالعجوووز

الله يرد هاالبنت الى امها يارب

[nsmah]

الله يعينها ويعين أهلها
أكيد بيلاقوا جزاهم عند رب العالمين
الله يستر علينا وعلى بنات المسلمين
الشباب كلهم أصبحوا هايجين- إلا من رحم الله-

[همي قرآني]

حسبي الله ونعم الوكيل
ومشكوره على التنبيه

[أم أرجوان]

ياوجع قلبي ,الله يخزي كل مفسد يلعب بأعراض المسلمين الله يرد كيدهم بنحورهم ويحمي بنات المسلمين

[بنت_الامارات]

حسبي الله ونعم الوكيل فيها
الله يرد البنت لاهلها ويقوم امها بالسلامه يارب

[( عذبة الروح )]

حسبي الله ونعم الوكيل فيهم
اللهم أسترنا فوق الأرض وتحت الأرض ويوم العرض
أوصيكم بأذكار الصباح والمساء ودعاء الخروج . وأستودعوا الله أولادكم .

[الجنان-2009]

جزاكم الله خير أخواتي اللي ردوا
أحب أضيف إني قرأت هذا الموضوع وتفاجأت كيف خططوا وخطفوا البنت من غير ما يشك فيهم أحد
لذلك لازم انبه على كل ولي أمر سواء أم أو أب إنه مايخلي بناته او حتى زوجته او إخته تروح بروحها
لازم يكون معها أحد من خواتها واذا ما عندها احد لا تدخل المحل اذا ما فيه زبائن
وما أقول الا الله يسترنا دنيا وآخرة ويمنعننا من الشر .. آمين

[دانة الريم]

لا حول ولا قوة الا بالله العلي العظيم
قسم بالله اني تاثرت باللي قاعدة اقراه
ناس قامت ماتحس ماشي ضمير وخوف من رب العباد
لكن الله ينتقم كل من يفضح ويعبث باعراض المسلمين
اللهم اجعل كيدهم في نحورهم
والله يرد البنت سالمة يارب العالمين ويقوم امها بالسلامة
والله لا يوفقهم لا بالدنيا ولا بالآخرة ...
سلمتي عالموضوع المحزن والمخوف ..