[حلا-12]

السلام عليكم ورحنة الله وبركاته
بسم الله الرحمن الرحيم

اخواتي الجميلات......
حبيت اكتب هذا الموضوع لهدف التذكير والتوعية والسبب هو اني لاحظت قسم العناية بالبشرة كل مواضيعه عن البياض وكيف تصيري بيضااااااااااااااااااااء على قولتكم
ماشفت موضوع يخلو من كلمة بيضاااااااااااء وبياااااااااااااض >>> اهم شي المد الواااجب
وحدة تحلف انها جربت الخلطة الفلانية وصارت بيضااااااااااااااااااااء والثانية تبكي نفسها تصير بيضاااااااااء
يعني باختصار فعلا ذابحين نفسكم على البياااااااااااااض وصار هو كل همكم في الحياة خلاص فعلا لحس مخكم
ارحموا نفسكم
شوفوا ياقمورات انا بوضح لكم مع انه الموضوع مش في صالحي لاني بيضا لكن لازم ااوضح لكم
ممكن الوحدة يكون جسمها فيه مناطق غامقة ومناطق فاتحة وممكن تكون متضايقة من سواد المنطقة الحساسة او اي مكان داكن ونفسها تبيضه لغرض انه يصير لون بشرتها موحد وهذا طبعا لاباس به
اما النوع الثاني منكم الله يهديهم يبغوا بياض من غير داعي ولكل الجسم يعني يبغوا لون افتح من الي ربنا اعطاهم اياه

وانا بصراحة مع اني ماجربت ولا خلطة لكن بمجرد قرآتي لمواضيع الخلطات والله احس باحباط يعني من جد كانها طبخة مو خلطة شي فعلا متعب انا اقرأ فقط وتعبت انتوا ماشاء الله الله يعطيكم العافية ماتتعبوا عيني عليكم بااااااااردة اللهم لاحسد
مامليتوا؟
كل هذا لمين؟
بتقولوا لازواجكم صح؟
طيب بعضكم بنات ماتزوجوا لمين يعني لعريس الغفلة صح؟
طيب انا ابغى اريحكم من وجع الراس وبعطيكم نصايح بإذن الله انكم راح تحصلوا على الي اهم واحلى من البياض الا وهو رااااااااااااااااحة الباااااااااااااال
احب اطمنكم بكلماتي واقول لكم حبيباتي انه رجالكم وازواجكم ليسوا بحاجة الى البياض
وفعلا والله لو كل وحدة تسأل نفسها ليش انا ابغى اصير بيضاااااااااااء قسم بالله ماراح تلقى اجابة مقنعة ولاشافية لهذا السؤال غير انك انتي بس نفسك فيه يعني مجرد طمع او انه بالاصح وبدون زعل عقدة نقص!
زوجك ماراح يموت لو كنتي سمرا ولا خضرا وهو اكيد ماتزوجك الا بعد ماشافك الشوفة الشرعية ورضى بيك كما انتي فلا تشيلي هم عزيزتي لو كان فيكي حبوب عالجيها او حروق او بهاق هذي هي العيوب فقط اما السمار واللون الحنطي عمره ماكان عيب وانتوا عارفين حبيباتي واحب اقولكم حاجة في اذنكم بس لا يكون زوجك جنبك ويسمع........
ترا الرجال عقولهم صغيرة
اي والله عقولهم صغيرة يعني بالله لميس تبع سنوات الضياع بيضا؟اليسا وهيفا وميريام فارس بيض؟
لا والله كله لعب في التصوير وفوتوشوب واضاءات وزحححححححمة
والرجال بطبيعته عينه فارغة وهذا شي معروف في كل مكان وكل زمان اذا دينه وعقله مامنعوه من الحرام محد راح يمنعه صدقيني
والله لابياض ولاشقار مامنعوه من انه يروح لغيرك اذا ماكان هو من نفسه يتقي الله فيكي ومقتنع تماما بك
لكن اخبريني كيف يكون مقتنع بكي اذا كنتي انتي اصلا غير مقتنعة بنفسك؟؟؟؟؟؟؟؟؟؟
وكل ماشفتي وحدة بيضا سبقتيه في مدحها وتغزلتي فيها بالله ايش يقول عنك لمن يشوفك متجننة ومتقطعة عالبياض ويشوفك طووووول وقتك تبحثي عن خلطات وتسوي خلطات كله عشان البياض؟ راح يقول غير واثقة من نفسها غير راضية بنفسها وعندها عقدة نقص اكيد راح يحس انك مو شي والله الجمال والبياض مو كل شي
والدليل انه كتير سمعنا عن ازواج خانوا زوجاتهم مع الشغالات
يعني بالله الخدامة حلوة؟قلتلكم عيونهم فااااااااااااارغة مايمليها غير التراب وانا مو مقطع قلبي ومحزني غيركم لاني بشوفكم من جد يعني تتعبوا نفسكم والله الوقت الي تضيعيه في الخلطات والكلام الفاضي تقدري تستغليه في انك تخلي زوجك مايشوف غيرك في الكون اثقلي عليه خليكي وااااااااااااثقة من نفسك قدامه وراضية بلونك
حتى لو تبغي تموتي عالبياض لاتبيني قدامه ونصيحة لوجه الله لاتمدحي ولا

[ريـــــــشة شاعر7]

يعطيك العافيه كلام سليم وصحيح
الحمد لله غيرنا يتمنى انه بس يكون سليم من الأمراض الجلدية

الحمد لله على نعمة الصحه والعافية

[رحمآك ربي ~]

الله يسعدك ويعطيك العافيه

معلوماتك قيمه

[تفاحة وردي]

جزاك الله خيير الموضوع مره حلو