[خلووووود الخالد]

اعذروني

فــ.....مسائي هذه الليلة كئيب .!!

:

:

دمع غشاني مثل وبل السحابة = وضاقت عليّه دنيتي والرحيبة
ولا ادري وش اللي يافهـــد بس جابه = دمعي واعــرفه( كــايد ) اللي يجـيبه
هـم ٍ عريض وضيعتني شعابه = يعوي عليّه وين مارحت ذيبه
ذيب ٍ جريــح مـكـشـــرن لي بنابه = ينهب فقلبي والمـشــــــاعر نهيبة
كني كسير الرجل في وسط غابه = وحوله سباع الارض جوعى قريبة
ولاّ سجين ٍ بين هم وكآبه = جدران سجنه بادرات ٍ كئيبة
يموت من همه ولا احد ٍ درى به = مصيبة ٍ ياكبرها من مصيبة
ولايتيم ٍ ما رحموه القرابه = مـحد ٍ يراعي له ولا احد شقي به
والناس دونه سكر الكل بابه = يتيم جوعان ٍ عظامه رطيبه
بيني وبين اللي مضوا به تشابه = كل ٍ يموت فحـســرته مادري به
دمع ٍ غشاني مثل وبل السحابة = دمعي واعرفه (كــايد) اللي يجيبه

:

:

:

[وفااا]

!!

!!!

!!!!

!!!!!!
أول شيــئ صـــــح لســــــــــانـــك .. ويســلم لنــا هالنبــض الــراقــي ..

تسعــدنــي مُعــانقتـــكِ بهــذا المتصــفح .. الحــزين .. الحـــزين .. وكــلي شــوق إليكِ ..

لمـــاذا كــل هــذا الحــزن غــاليتــي ..
دمــع ٍ غشــاني مثــل وبــل الســحابـه .. .. .. دمعــي واعــرفــه كــايد اللــي يجيــبه

يســلم راســـج يالغــاليــه..

اللــه يفــرج همــك ويسعــدك يــارب دنيـــا وأخـــره ..

لا تغيبــن عنــا خـــــلــود ..

[الملتزم]

خلود-- صح السانكي ------------والله يعطيكي العافيه ---------------------وسلمة قلبك من الحزن



اكيد دمعة -----------فرححححححححححححححححححح



يـــــــــــــــــــــــا رب افرجهااااااااااااااااا

[عبدالعزيز 6]

المشاركة الأصلية كتبت بواسطة خلووووود الخالد [SIZE="4"]اعذروني فــ.....مسائي هذه الليلة كئيب .!! : : دمع غشاني مثل وبل السحابة = وضاقت عليّه دنيتي والرحيبة ولا ادري وش اللي يافهـــد بس جابه = دمعي واعــرفه( كــايد ) اللي يجـيبه هـم ٍ عريض وضيعتني شعابه = يعوي عليّه وين مارحت ذيبه ذيب ٍ جريــح مـكـشـــرن لي بنابه = ينهب فقلبي والمـشــــــاعر نهيبة كني كسير الرجل في وسط غابه = وحوله سباع الارض جوعى قريبة ولاّ سجين ٍ بين هم وكآبه = جدران سجنه بادرات ٍ كئيبة يموت من همه ولا احد ٍ درى به = مصيبة ٍ ياكبرها من مصيبة ولايتيم ٍ ما رحموه القرابه = مـحد ٍ يراعي له ولا احد شقي به والناس دونه سكر الكل بابه = يتيم جوعان ٍ عظامه رطيبه بيني وبين اللي مضوا به تشابه = كل ٍ يموت فحـســرته مادري به دمع ٍ غشاني مثل وبل السحابة = دمعي واعرفه (كــايد) اللي يجيبه : : :

خـــلود الخالد


صح لساااانك مليوووون ع هالرائعه اختي


ولكن لماذا الحـــزن

لو كانت فرح كان فرحنا نحن ايضاً


ازال الله عنك الهـــم والحـــزن اختي


ارق التحايا

[عبدالرحمن الحربي]

هلا أختي خلود


مشاركة بسيطة جدا لا ترتقي إلى حسك المرهف ولكن مشاركة أخوية

أخوك عبدالرحمن الحربي

[الدكتور فهد بن سعود العصيمي]

يا مرحبا باللي عزيز جنابه================ناداني الليلة وانا جيت أجيبه
ياخلود حنا لك ترا اليوم لابة===============حيث ان هرجك فيه حاجة مريبة
يا خلود لو بعض العرب صك بابه===========حنا بنفزع بالخطا والمصيبة
البعض كنه عايش بوسط غابة=============يهدم ويظلم مار ربي حسيبه
قولي لهم يا خلود ماهي طلابه============والدمع هلي به وهاتي سريبه
به بيننا بعض المواقف تشابه=============ياخلود مع بعض الوجوه الكئيبة
والله ما حنا بعصر الصحابة==============لا يلحقك يا خلود شك وريبة!!
بعض الأصابع شكلها لو تشابه===========به فرق واضح بينها بالقضيبة

[haneen2006]

صح لساانك ياخلوود علي هالقصيده
لاكن قدرتي في هالقصيده انك توصلي لنا احساسك
اسال الله العظيم رب العرش العظيم ان يفرج همك
واستعيني بمالك الملوك

[خلووووود الخالد]

المشاركة الأصلية كتبت بواسطة الدكتور فهد بن سعود العصيمي يا مرحبا باللي عزيز جنابه================ناداني الليلة وانا جيت أجيبه ياخلود حنا لك ترا اليوم لابة===============حيث ان هرجك فيه حاجة مريبة يا خلود لو بعض العرب صك بابه===========حنا بنفزع بالخطا والمصيبة البعض كنه عايش بوسط غابة=============يهدم ويظلم مار ربي حسيبه قولي لهم يا خلود ماهي طلابه============والدمع هلي به وهاتي سريبه به بيننا بعض المواقف تشابه=============ياخلود مع بعض الوجوه الكئيبة والله ما حنا بعصر الصحابة==============لا يلحقك يا خلود شك وريبة بعض الأصابع شكلها لو تشابه===========به فرق واضح بينها بالقضيبة

:

:

:

الله يحيي من لفاني جــــوابه = ومواقفــه ماهي علينا غــــريبة ..!!
ارسل علينا عقب شاف الكتابة = هذا فهد ما خاب من يعتزي به
ناديته بصوتي ورد الاجــابه = والذيب يسمع ذيب عالي قنيبه
هليت دمعي لين طيّر صوابه = من يوم هليت المدامع ســكــيبه
قال ابشري هذا كلام ٍ بدا به = وهذا كلام ٍ ينعرف منه طــيـبه
ياشيخ فهد نباح بعض الكلابه = يـثر على نفس العزيز وتصيبه
منها سحابة هم ضيق وكآبه = نسمع لها ياشيخ والله غـصــيبة
مبداي واضــح مابه اية غرابة = الصدق طبعي والكذب ما نـجيبه

[مها]

هم ٍ عريـض وضيعتنـي شعابـه

سلامتك الف سلامة من الهم إستعيني با لصبر والصلاة (( إن الله مع الصاااابرين ))

قصيدة حزينة اسأل الله لك تفرج والمثوبة آمـيـن.

[عيـاض]

هم غشاني يوم شفت الكتابه = ثم زاد همي والمشاعر غريبة
وشلون ساس الطيب يشكي الكآبة = أنشهد إنها في زماني عجيبة
من هو اللذي يا ناس بالجور صابه = حتى سمعت من الحنايا نحيبه
خلود كان المال صابك عذابه = فالمال غيره مال قولي واجيبه
خلود كان الهم جور القرابه = فالمنتدى مليان صحب وصحيبة
كلٍ يقول أهلين يامرحبا به = المشرف المعروف طيب وطيبة
تصبري باللي عظيم جنابه = وهذي ترى الدنيا جروح ومصيبة