[وفااا]

في زمن أصبح به ذوو الأموال الطائلة والمناصب العالية هم الكبار في نظر البعض..

.
في زمن لايعير العقلاءاهتماماً..كمايعيره للأثرياء..
.
في زمن أصبح به الفقير يعاني ألام فقره وكأنه إجرام..
.
أتى هذا البوح احتجاج..ليقول بكل صدق..


فقيـر ومقنعـه زاده..يخـاف اللـه ويـدري بـه
حنون ..ومذهبه طيّب..حكيـم وجوهـره آسـر

يسـاوي عنـدي قلـوب ٍ جهلهـا زاد تغريبـه
يساوي راعي المنصب..ويسوى جاهـل ٍ تاجـر


ألاياتاجـر بمالـك تخـون النفـس بالغيـبـة
أبفهم وش يسوي المال دامك بالجهل غامـر ؟!


ألا ياكم فقيـر ٍ زلـزل قلـوب البشـر طيبـه
وكـم ضمّـد بهالدنيـا جـروح نزفهـا ثايـر


يقولون الفَقِر عيب الر ِجَال إليـا فـرغ جيبـه
وانااقول العيـوب افعـال سـودا مالهـا آخـر


أبد لامايعيـب الشخـص..إلا ضعـف تهذيبـه
إلى منه وقف يجهـل علـوم المرجلـة قاصـر


وش الدنيـا بلامبدأ(سـوى وردة بهـا ريبـة)
جميلة بس بالمنظـر وتخـدع نظـرة الناظـر


سلم راس (العزيز) اللي..مقامه فـي مواجيبـه
كبيـر ولاتأثـر به..حيـاة ٍ قصرهـا فـاخـر


سلم راس (الفطين) اللـي..إذا زلـت عذاريبـه
وقف مثل الجبل شامـخ..وردّ العيـب لوغامـر


وسلم راس (القنوع) اللي..رياح الصبر تجري به
متى ماضاق بالدنيا..دعا ربـه وهـو صاغـر

وسلم راس (الكريم) اللي..يشح بمايعانـي بـه
ويعطي للبشر ضحكة..ولوجرحه معـه غايـر!


هنا..توقف أحاسيسي..وحرف الشعر أغني بـه
هنا..أنسى متاهاتي..وأشوف الحلم لي حاضـر


هنا..أهدي لهم أعظـم تحيـة وأكتسـي هيبـه
ويراودني شعور أعذب من الغيث ويجي ماطـر


إذا صار الزمن باقي..علـى التقديـر والطيبـة
أكيد اللي يجمّل بـه قلـوب ٍ تشـرح الخاطـر


أبد ماهي مثالية..قصيـدي واقـع أحكـي بـه
مثل مابالزمن غادر..ترى في هالزمـن طاهـر


مثل ذاك الفقير اللـي يخـاف الله ويـدري بـه
يكفّي مذهبـه طيّب..ويكفـي جوهـره آسـر

..........

اتمنـــى ان تحــوز علــى رضــاكم
احتــرامــي للجميـــع ..

.......

[الزاهرة]

أكثر من رااائعة أختي وفااا شكراً لكِ

[خلووووود الخالد]

وسلم راس (الكريم) اللي..يشح بمايعانـي بـه
ويعطي للبشر ضحكة..ولوجرحه معـه غايـر!


هنا..توقف أحاسيسي..وحرف الشعر أغني بـه
هنا..أنسى متاهاتي..وأشوف الحلم لي حاضـر


هنا..أهدي لهم أعظـم تحيـة وأكتسـي هيبـه
ويراودني شعور أعذب من الغيث ويجي ماطـر


إذا صار الزمن باقي..علـى التقديـر والطيبـة
أكيد اللي يجمّل بـه قلـوب ٍ تشـرح الخاطـر


أبد ماهي مثالية..قصيـدي واقـع أحكـي بـه
مثل مابالزمن غادر..ترى في هالزمـن طاهـر


شكرا لكـ...وفا سلمت اناملكـ ...وذوقكـ الراقي دائما

هكذا انتي دائما تنتقي لنا القصائد الراقية الهادفة المؤثرة

من القلب شكرا لك وفا على هذه القصيدة الراقية والسامية في معانيها

جدا رائعة

سلمتي وصح لسان شاعرها

ولي رجاء للجميع : اتمنى عند نقل قصيدة ان كان معروف كاتبها ان يكتب

اسم الشاعر حفظا للحقوق والامانة الأدبية شكرا لكم

:

:

:

[الشــاهينة الأزديــة]

المشاركة الأصلية كتبت بواسطة وفااا سلم راس (الفطين) اللـي..إذا زلـت عذاريبـه وقف مثل الجبل شامـخ..وردّ العيـب لوغامـر

اي وفااا .. هذا راي ٍ قراح مشاريبه=ما تقصر عنه المقديه .. كاتبه شاعر

وشكراً لكِ على هذا الإختيار الموفق ..

..

[وفااا]

المشاركة الأصلية كتبت بواسطة الزاهرة أكثر من رااائعة أختي وفااا شكراً لكِ

الرائع مرورك يازاهـــره

أسعدني مــرورك غاليتي

دمتي بخير

[وفااا]

المشاركة الأصلية كتبت بواسطة خلووووود الخالد وسلم راس (الكريم) اللي..يشح بمايعانـي بـه ويعطي للبشر ضحكة..ولوجرحه معـه غايـر! هنا..توقف أحاسيسي..وحرف الشعر أغني بـه هنا..أنسى متاهاتي..وأشوف الحلم لي حاضـر هنا..أهدي لهم أعظـم تحيـة وأكتسـي هيبـه ويراودني شعور أعذب من الغيث ويجي ماطـر إذا صار الزمن باقي..علـى التقديـر والطيبـة أكيد اللي يجمّل بـه قلـوب ٍ تشـرح الخاطـر أبد ماهي مثالية..قصيـدي واقـع أحكـي بـه مثل مابالزمن غادر..ترى في هالزمـن طاهـر شكرا لكـ...وفا سلمت اناملكـ ...وذوقكـ الراقي دائما هكذا انتي دائما تنتقي لنا القصائد الراقية الهادفة المؤثرة من القلب شكرا لك وفا على هذه القصيدة الراقية والسامية في معانيها جدا رائعة سلمتي وصح لسان شاعرها ولي رجاء للجميع : اتمنى عند نقل قصيدة ان كان معروف كاتبها ان يكتب اسم الشاعر حفظا للحقوق والامانة الأدبية شكرا لكم : : :

هــلا والله بالغاليه ..

والله صاجــه

آســــفه خــلـــود كانت عندي محاضـره <<<<< تــوريكم انها فالحه

و كنت مستعجــله لما حطيت القصيده ..


نقلتــها عن شاعــرتها اميرة الكلـــمه...

دمتــي بخيــر

[وفااا]

[quote=من زمرة المتقين]

اي وفااا .. هذا راي ٍ قراح مشاريبه=ما تقصر عنه المقديه .. كاتبه شاعر

doPoem(0)

وشكراً لكِ على هذا الإختيار الموفق ..

هـــلا وغـــلا بالغاليه من زمرة المتقين ..

شــرفني مــرورك .. واكــرر أسفــي و راح احاول كــل قصيـــده أنقلها احط اسم شاعــرها

..

شكــرا لك

[عبدالرحمن الحربي]

صح لسان قايلها وناقلها

ذوقك راااااااااائع ومبادئك جميلة

[مها]

اكثر من راااائعه صح لساااان قائلها وسلمت يد ناااا قلها ....

ارق تحيه ....

مــهــا...

[وفااا]

المشاركة الأصلية كتبت بواسطة عبدالرحمن الحربي صح لسان قايلها وناقلها ذوقك راااااااااائع ومبادئك جميلة

الـــــرائـــع مـــرورك أخـــي الفاضـــل عبد الرحمن

والأجمـــل تشـــريفـــك متصفحــي ..

شكرا لك