[غيوم ممطره]

السلام عليكم ورحمة الله وبركاته



كلمة الحق


فتحت من صدري ظروف ٍ مغاليق
لو كان صدري في خوافيه عيا

اللَّه يهيي لي دروب التوافيق
ما دام صدري مابه إلا الحميا

أعاتب المخطي على شانه يفيق
وآقول يا جزْل الطواريق هيا

لابد ما يعرف حقوق المخاليق
ولا بد ما يترك هروج القفيا

صمتي موصلني وقار المطاليق
والصوت ما ينهض مقام الحديّا

الصمت في بعض المواقيف تعليق
والهرج في ظهر المخاليق سيّا

الناس تمزج كلمة الحق تلفيق
والله يحاسبنا على كل شيّا

جنبت من يمشي دروب المطافيق
اللي يحسب إنه تعدا الثريا

القلب يكره خاينين المواثيق
وان شاف من يشفق على الطيب حيا.

::::::::::::::::::::::::::::::::::::::::::::::
للشاعر/ أحمد الأسلمي.