[غيوم ممطره]

السلام عليكم ورحمة الله وبركاته


من لايعدك شيّ عده ولا شيّ


أبعد طواري الهم عنك وأنا أخوك
لاتستضيق و وسع الخاطر شويّ

لاتشتكي من هم ناسٍ تناسوك
والذكرى دام تكدرك اطوها طيّ

اعرف طريقك كان قفوا وخلوك
لاتلتفت في هذا أو ذاك مع ذيّ

دام إنهم مارحبوا بك وحيوك
لاجاتك منهم دعوةٍ عنها عيّّّ

بعض العرب لاقام حظك تحلوك
وإذا تردت حالتك مالهم ضيّ

وبعض العرب يا أخوك لا أحتجتهم جوك
ناسٍ بحزات اللوازم كما هيّ

اللي ليا من طحت قاموا وشالوك
حتى بهجير الشمس تلقاهم الفيّ

أخذ النصيحه واسمع العلم ارجوك
من لايعدك شيّ عده ولا شيّ

لا لا تضايق دام أنا معك يا اخوك
والله ما يهتز راسك وأنا حي.

***********************
للشاعر/ ناصر عبيد الرشيدي.

[زهووور؛؛]

ناسٍ بحزات اللوازم كما هيّ
اللي ليا من طحت قاموا وشالوك
حتى بهجير الشمس تلقاهم الفيّ

فديييتهم الله يحفظهم لي ولايحرمني وجودهم ❤


شكرا ، غيوووم 🌹