[غيوم ممطره]

السلام عليكم ورحمة الله وبركاته


لولا الظروف ما احتاجت الناس للناس


لولا الظروف ما احتاجت الناس للناس
ولولا المواقف ما عرفنا بعضنا

يا كم بنينا صحبة(ن) ما لها ساس
وبعد بنيناها رجعنا نقضنا

فعلاً عرفنا الناس لا قالوا أجناس
ولازم نجرّب ما نقول افترضنا

أكيد فيهم من يسمونه قرناس
هذاك من نشريه لو اقترضنا

يستاهل إنا لو نحطه على الراس
أصيل ما يرجع ورا عن غرضنا

لكن بلانا اللي يسمّونه هلاس
أبو مهايط ( واعتمدنا ورفضنا )

يا كثر هرجه لا جلس وسط مجلاس
ويحتاس لا قمنا عليه وعرضنا

فيه الأنا متضخّمة مالها قياس
مريض لكن البلا إنه مرضنا.

~~~~~~~~~~~~~~~~~~~~~~
للشاعر/فيصل الجابري.

[زهووور؛؛]

لولا الظروف ما احتاجت الناس للناس
ولولا المواقف ما عرفنا بعضنا

صدق الشاعر..سلمت يداك عالنقل الرائع ياغيوم