[غيوم ممطره]

السلام عليكم ورحمة الله وبركاته


غـريـب عـابـر

على درب الهجر تمشي , على درب الوصل ممشاي
غدينا ف غربة اللقياء وميعاد الوصل مقهور

صرخت وما لقيت اللي يرد لصرختي شكواي
رجعت ودمعي الغافي صحى تحت الجفن منثور

رجعت وكنّي اللي جاء غريب وتايهات خطاي
ذبل ورد الوصال ولا بقى لي في طريقي نور

وطيف ٍ للامل عابر تبعثر في ثرى دنياي
وذكرى من ليالينا عليها هالزمان يجور

أضمّ المدّ ف يديني , اب ارسم لوحتي , بلواي
على لوحة ألم طاغي ولكنّ الألم ( مكسور )

غدى هالحزن من حزني ( حزين ) ومصاحب ٍ دنياي
غدى كلّ الحزن فيني ولا به بالضلوع شعور

تلاشت كل احاسيس من أهاتي وحرّ بكاي
ودمع حاير ب عيني توارى وإن بقى ( محظور ) !

بقايا الأمس في بالي تغايا دايم ٍ ويّاي
تلوّح في أفق ناظر على الدمعة ذرف مجبور

واجي لك , تترك الموعد , واغني لك ( ماعد هو ب جاي )
واواسي ( الموعد الغالي ) على قبره نثرت زهور

وصالك غربته طالت وانا وصلك مشته خطاي
سجنت الموعد بهجرك ولا ادري يوم ولا شهور

وانا مدري إذا عندك بقايا من تعب ذكراي
وانا مدري إذا لي في حياتك من أصلْها دور ..!!

( غريب ٍ عابر ) ف عمرك وصرتي موطني , مرفاي
وبيتي ف ديرة الغربة , تركته ب غربتي مهجور !!

رحلتي لسكة اللقياء وصارت خطوتك فرقاي
وانا أطرد ورى اللاما وحالي صاير ٍ مخطور

( وإذا غربة مواعدنا " رحيل " ووصلنا ممشاي ؟
أجل ضاع العمر رحلة على ميعادنا المقهور ).

:::::::::::::::::::::::::::::::::::::::
للشاعر/رائف الجبير.