[غيوم ممطره]

السلام عليكم ورحمة الله وبركاته

.

.

.

حلمي العنيد

.

.

عامٍ و عيد ..
عامي بدا و إنتَ بعيد
يستوطنه جرحٍ بليد
نزفٍ جديد
من حزن و شويّه فاتت
مرْني و أنا صوتي وحيد
وين أنت يا الحلم العنيد ؟
بردك يلامس نبرتي ..
في عبرتي .. صمت و جليد
لك ثلاث أسفار ساكت
لا حصل صوتك
و لا طِلْت إلتفاتك
و لو ما تحكمني غلاتك
كان قطف الشوق .. فاتك ..
,,
ليش ساكت ؟؟
مستبيح الريح رايح
لابس غيابك عباتك
شايلٍ أطهر صفاتك
تاركٍ حلم الليالي
منكسر .. مشلول .. باهت
,,
ليش ساكت ؟؟
و لي ثلاث أحلام َعذرا
صادقت ليلك و كانت
في سهر مجهول ِعذره
تحتري و سهيل خافت
لا عطاها الليل سرّه
و لا سألها وين راحت ؟؟
ليش راحت ..؟؟
إيه كانت
من ورا شبّاك بوحي
تسرق الدفوه .. و تباغت ..
و إتّشرّد مع جنونك
في ضنونك
و إن غشاها الصدق قالت :
موحشة الخطوه بدونك ..
خل ينازعني وضوحي
حلمي الأوضح .. نزوحي
وجْهتي .. جملة طموحي ..
خل يفازعني حنيني
لهفتي .. فرحة سنيني
بعد كل غيبه يجيني
يا سنيني إفهميني
قصدي اتدفّى بعيونه ..
جمرها يطفي طعونة ..
و أبتدي عامي الجديد
في لقا حلمي البعيد.
.
.
’’’’’’’’’’’’’’’’’’’’’’’’’’’’’’’’’’’’’’’’’’’’’
للشاعرة/هنادي الجودر.

[عبد الله الصالح ,,]

يا سنيني إفهميني
قصدي اتدفّى بعيونه ..
جمرها يطفي طعونة ..
و أبتدي عامي الجديد
في لقا حلمي البعيد.
رائعة ..

شكراً أختي / غيوم ممطره ..

[five days of summer]

موفق بإذن الله ... لك مني أجمل تحية .

[حروف القوافي]

قصيدة رائعة
الله يعطيك العافية
~

[الى الجنة نسعى]

وين أنت يا الحلم العنيد ؟


تسلم الأيادي
وتسلم ذائقة السر الدفين