[حفيدة الشيوخ]

السلام عليكم ورحمه الله وبركاته

لقد قمت بالاتصال بالدكتور فهد العصيمي الاسبوع الماضي
وبعد ما قلت له الرؤيا استغربت جدا من سؤاله لي !!
حيث سألني الدكتور ؟؟
هل انتي ناويه تشترين لك ذهب ..
كنت مندهشة من سؤاله 😳
فعلن أنا ناويه اشتري ذهب بس ما بعد اشتريت
وفعلا سبحان الله بعد تفسيره للرؤيا بثلاثة ايام
اشتريت ذهب ..

وقال لي أيضاً انتي مسجلة في دورة تدريبه وخايفة ما يجيك قبول ..
قلت نعم قال ابشرك راح تقبلين بالدورة ..
فعلن أنا مسجله بالدورة يوم الخميس والدكتور فسرلي الرؤيا السبت
والأحد سبحان الله جاني قبول بالدورة وفعلن دخلتها ..

جزاك الله خير يا دكتور
وَبَارِكْ الله في علمك ..

[(منبع الصبر)]

ماشاء الله...مبروك لك القبول بالدوره التدريبيه

اختي اذا ماعندك مانع تضعين لنا الرؤيا التي عبرها لنستفيد منها كيف استنبط المعنى
وشكرا لك

[حفيدة الشيوخ]

الله يبارك فيك ياغالية ..

حبيت أوضح شي
الدكتور فسر لي الرؤيا في اربع نقاط
قال 1- زواج قريب لك .
2- انتي بارة في ابيك وأبيك يدعي لك بدعوات مستجابة
3- انتي راح تقبلين في دورة انتي مقدمه عليها
وخايفة انه ما يجيك قبول ابشرك راح تقبلين فيها
4- انتي ناويه تشترين ذهب وراح تشترين قريب

[حفيدة الشيوخ]

رايت أني في فصل وانا في مقدمة الفصل جالسة
ويساري وحدة جالسة ما اعرفها ويميني زميلتي رشاء المطيري
كل وحدة جالسة على طاوله خشب وكرسي مثل كراسي الطلاب
وزوج رشاء يشبه الشيخ محمد العريفي كانه هو تماماً وجالس يسار ومتكي على الجدار
وفجأة رشاء طلبت منه مساعدة وقام يبي يساعدها أو يعطيها شي هي طلبته منه
وهو يمشي وطاولتي وكرسيي تحرك كنت ابي أطيح وهو يمسكني بيدة اليمنى
ويعطي زوجتة رشاء الأغراض اللي طلبتها بيده اليسرى وانا يوم هو ماسكني يديني بيضاء وجميله جداً
ويوم اني متمسكة بزوج رشاء يديني اعجبتني جدا بياض وممتلائه والفستان اللي باين علي اطراف الكمام اسود
ثم مازال متمسك فيني وما فك يديني لين عطى رشاء أغراضها بيدة اليسرى ثم فكني ورجع وجلس مكانه
ثم جتني سارة بنتي وضمتني بقوة وانا جالسة ثم قمت ودخلت غرفة خواتي وأشوف سرايرهم مصفوفه
وعلى طرف أبوي مجلسته عمتي سارة على فرشة حمراء خفيفة جدا كانه جالس على البلاط مو على فرشة
ثم جنبه كرسي ابيض وبغى يغمى عليه وشفته جالس ومنكب علي جنبه وجيت اركض بسرعة ومسكته من صدرة ورفعته عن الارض
حسبته مغمى عليه وهو يناظر فيني مبتسم وانا ارفعه حطيت يديني من عند صدرة تحت يدينه وثبت يديني ورفعته بسرعه
ثم دخلت علينا موضي اختي وناديتها قلت موضي هاتي سفنج لأبوي بسرعه الفرشة اللي تحته مو مريحة
ثم طلعت موضي تجيب سفنج وانا ماسكة ابوي وانتظر موضي تجي واناظر في فرشة ابوي اللي هو جالس عليها
جنبها كرسي ومافيه ثلاجة وانا ماسكة ابوي اخطط اقول بحط فراش ابوي وجنبه ثلاجة بيضاء صغيرة
علشان ابوي اذا يبي ياكل او يشرب ما يحتاج ينادي على احد ثلاجتة جنبه /
ثم صحيت من النوم

[UmMuhammad]

ماشاء الله تبارك الله على الدكتور الله يزيده من العلم وينفع به الامه

الله ييسر لك امورك اختي حفيدة الشيوخ

[(منبع الصبر)]

شكرا لك..اخت حفيدة الشيوخ على اجابتك لطلبي بالاستفاده...بارك الله فيك ووفقك لما يحبه ويرضاه

[%رؤى ورؤيا%]

ماشاءالله..
كل التوفيق والشكرلكم

[ارجو المعذرة]

فعلا ماشاء الله علي الدكتور فهد الله يبارك في علمه ويجزيه بقدر مابشر
قرأت ماكتبتيه اختي واستغربت توصل الدكتور لهذا التفسير

الف مبروك عموما

[فخورة بنفسي]

ماشاء الله

[عبدالله؟؟]

استغفر الله الذي لا إله إلا هو الحي القيوم وأتوب إليه