[حفيدة الشيوخ]

السلام عليكم ورحمه الله وبركاته

ماشاءالله تبارك الرحمن على تفسير دكتورنا الفاضل فهد العصيمي
قمت بالاتصال بالدكتور عن طريق الهاتف قبل أسبوعين
وانا كنت في الدوام وفسر لي رؤيا ..
أقسم بالله أن الدكتور عندما قام يفسر الرؤيا كانه عايش معي بالبيت
وبالحرف الواحد وقع تفسيرة ومن جد كنت مندهشة من تفسيرة ولا زلت مندهشة ..

سبحان الله أنا قبل الرؤيا كنت أمر بظروف صحية وفقدت كثير من وزني
لدرجة ان الكل ملاحظ وكل من شافني قال ايش فيك ؟؟؟

وعندنا فسر لي الدكتور أول سؤال قاله لي قال:
انتي يا بنتي مهملة في نفسك وصحتك كثييير
وهذا الرؤيا مبشرة لك بتحسن في صحتك للأفضل باذن الله
ولكن أوصيك بالاهمتام بصحتك وأعطاني نصائح

المهم بعد تفسيرة فعلن اهتميت بصحتي وبعد تفسيرة بأسبوعين
تحسنت صحتي وزانت كثييير والآن الكل ملاحظ التغيير اللي صار 😊
سبحان الله انا يوم شفت البسبوسة بالرؤيا توقعت انه راح يفسرها
ويقول ترقيه في العمل أو بشارة وطلع التفسير عكس تماماً
اصبح متعلق بالصحة

[حفيدة الشيوخ]

هذي هي الرؤيا ..

رأيت كاننا في بيتنا ويجينا ناس وزوار وقمت وسويت اكل 3أطباق ونزلته على السفرة وجلست اكل انا وولد عمي بندر وبنت عمي موضي ثم قمت اسوي قهوة ويوم سويتها على النار وابي اصبها في ترمس القهوة شفت ان الترمس بدون زجاج من الداخل ورجعت القهوة على النار واخذت الزجاج وركبتها في الترمس ورجعت وصبيت القهوة في الترمس ثم جيت ابي الكاسات حقت الشاي ويوم حطيتها بالصينية أشوفها مو نظيفة في الأسفل سوداء فرجعت الكاسات للصابون وفركتها بقوة وطلعت نظيفة واعجبتني لمعتها ثم اخذتها ونزلت القهوة عند أبوي وأمي وزوجة عمي وضحاء وفجاة دخلت علينا زوجة عمي نوال لابسة جلال صلاة ووجهها كاشف وكانت حلوة ودخلت وكانها تبي تسلم علي أنا وقمت وسلمت عليها ثم قمت للمطبخ ابي اسوي بسبوسة محشية بالمهلبية وانا اسوي البسبوسة أشوف عندي في المطبخ زميلتي خديجة ويوم خلصت البسبوسة قالت وحدة يازين بسبوسة ( .... ) واذكرت اسمي ثم قالت مميزة وتجنن لا تفوتكن قالت خديجة اجل عطينا المقادير كيف سويتيها ويوم اخذت صينية البسبوسة وجيت اطلع قلت لخديجة المميز فيها اني حاطة الطبقة الاولى خبز توست بدل من السميد بس قبل أحط التوست شلت الحواف اللي على جوانب الخبز التوست علشان تصير خفيفة وهشة ثم بعدين أضفت حشوة المهلبية ثم باقي مقادير البسبوسة اللي حنا متعودين عليها ثم نزلت البسبوسة على الطاولة وحنا جالسين في الحوش وجلست اقطعها وفجاة دخل الشيخ سعود ومعه ولده عبدالرحمن وجاء يمشي ودخل بيت امي وولدة وقف براء ويوم شفت سعود داخل قلت انا راح اقسم لسعود من البسبوسة المحشية لاني خابره سعود يحب البسبوسة المحشية وانا أنادي ولده عبدالرحمن وأقسم قطعه واعطيتها عبدالرحمن قلت هذي عطها أبوك ثم بعد شوي اشوف سعود يوم طلع من بيتنا يمشي ووقف واتكا على الجدار ثم بعد كذا طلعت ويوم دخلت غرفتي لقيت بنت عمي موضي جالسة في غرفتي اعجبتني قبل كانت خفيفة شوي وكلامها كثير والآن لا ثقيلة وعاقلة وجت امها وجلست وكانت موضي ماسكة بيدها علبه بيضاء كانها ثابته في كفها ويوم فتحت يدها مدتها علي كانت امها تبي تشوف بس هي مدتها علي انا اول شي تبيني اشوفها ويوم سألتها قالت قالت لي كلمة لكن ما اذكرها ثم طلعت للغرفة الثانية والاقي امي جالسة وعندها خالتي جوزاء وبنتها نورة وجبت القهوة ونزلتها عندهن يسولفن ويتقهون وأكثر وحدة تسولف نورة وانا اناظر فيها مستغربه من تغيرها ثم قمت ودخلت المطبخ وأشوف امي اختي / انتهى

[(المنـال)]

ماشاء الله تبارك الرحمن

[طالبة النور]

ما شاء الله تبارك الله

[النجمه المضيئه]

ماشاء الله تبارك الله

[أم عمر 7]

سبحان الله العظيم,شكرا لمشاركتنا رؤياك

[FullMoon]

ماشاء الله عقبال احلامي تتحقق

[حفيدة الشيوخ]

شكرًا لكم جميع لمروركم العطر 🌹😊

[donya3]

ماشاء الله تبارك الرحمن

[الحمدلله 22]

ماشاءالله الله يجزاه خير