[غيوم ممطره]

السلام عليكم ورحمة الله وبركاته


تناساني


حبيبي ما كفاني في الحضور الصوت و الصورة
و لا طفّت لهيب الشوق ثنتين تحلاني

سقا الله ليلة فيها القمر غاب و طفى نوره
بعد ما سلمك يا نور ليلي وجهه الثاني

سقا الله يوم كان الحب غصن نقطف زهوره
عسى الريح اللي اومت به تنام .. و يسعد الجاني

حبيبي .. علّها تكبر جروح منك مغمورة
نصيب جابني لك .. باتجاه الشمس ودّاني

ذخرت اغلى شعور.. وكل خفاق و مذخوره
لعينك يا الجريح المستريح القاصي الداني

و شلتك داخل الوجدان حمل لذّ لي جوره
و لو اشغلتني و اشغلت بي تفكير خلاني

اب اولّع لك الدنيا قصايد عشق منثورة
واب اعزف بك نغم للحب يا قيثارة الحاني

عليك عيون ناس وكل قلب ضاق بشعوره
تمنّتك العيون .. و جيت يا عيني تمنّاني

احبّك .. كيف ما احبّك .. و انا اللي لك بنى سوره
على جمر .. يدفّي بارد اشجانك من اشجاني

حبيبي .. و المشاعر فيك مختالة و مغرورة
تدلّل .. و أنت في ساحة غلاي اليوم وحداني

واذا ملّت خطاك الدرب .. مسموحة و معذورة
تناساني .. دخيل الحب .. لو تقدر تناساني.


/////////////////////////////
للشاعر/ناصر القحطاني.

[حروف القوافي]

ابيات رائعة
سلمت غيوم ع روعة طرحك
اشكرك ~

[♪♪ تَراتِيلُ حَرفْ ♪♪]

رآئعة.. ولا غرابة فالغيوم دائما متميزة الإنتقاء..

يعطيك العافية ..ودام التألق

[فتنة غيم]

شـكــ وبارك الله فيك ـــرا لك ... لك مني أجمل تحية .

[فتنة غيم]

موفق بإذن الله ... لك مني أجمل تحية .