[غيوم ممطره]

السلام عليكم ورحمة الله وبركاته


الشعر حاله وأنا عايش بـ هالحاله


الشعر حاله وأنا عايش بـ / هالحاله
والناس قفرٍ تحرّى طيحة الصيّب

واللي بيوته تبختر فيه مختاله
ينام عنها مثل ماقال أبو الطيّب

واللي على البال ما مرّيت في باله
الحين لو هو قريّب ماني قريّب

مابين تدويرةٍ وإقفاي وإقباله
وظنون مرّه تصيب ومرّه تخيّب

هيّلت لي ضحكةٍ للدمع ميّاله
وقهويت عين الرفيق بحالي الطيّب

موت الأجاويد لا منّه غدت عاله
وأنا لو أنّه شعور أحسّه يعيّب

رح قل لبكرة يجي رجلي وخيّاله
ماني من المقبلات السمر متهيّب

يبحث خفاي الزمان ولا تهيّاله
وأشيّبه مثل ما في راسي مشيّب

والأدمي كان ما شابهته أقواله
أحسن له عن الحضور الباهت يغيّب

الشاعر / نواف التركي

[هدى وهداية]

قصيدة جميلة وقافية مميزة
شكرا لروعة اختيارك غيوم ممطرة

[الدانة2013]

جمييل

تسلم الانامل

[حروف القوافي]

ابيات روعة
سلمتي ياقمر ~

[عبد الله الصالح ,,]

رح قل لبكرة يجي رجلي وخيّاله
ماني من المقبلات السمر متهيّب
يبحث خفاي الزمان ولا تهيّاله
وأشيّبه مثل ما في راسي مشيّب
والأدمي كان ما شابهته أقواله
أحسن له عن الحضور الباهت يغيّب

صح لسان الشاعر / نواف التركي ..

وانتقاء مبدع من المتألقة / غيوم ممطره ..