[غيوم ممطره]

السلام عليكم ورحمة الله وبركاته

~ جت كذا ~


إنت شعر بقلبي باكتبه .. ما عرفت
خفت تدري العواذل عننا يالحبيب

ما وصفتك تمام الوصف مهما وصفت
ودامي اوصفك؟ .. فالإبداع ماهو غريب

والله اني اشوفك عند بابي وقفت
لا نتب اللي بعيد ولا نتب اللي قريب

بس .. هي جت كذا !! إرتحت لك واكتشفت
بإن كل المسافه لو تودي.. تجيب

لو بأعدد جروحي كم وكم قد نزفت
ما نزفت الا هم وجابك الله طبيب

مدري ان كانها تفرق معك لأعترفت:-
قالوا انك كذوب وقلت : يا ناس عيب !

يوم حاولت ب ادله عنك / زود انشغفت
آتصبر و ظني بالشقا ما يخيب

لا ذكرت ان من هالعين ياما ذرفت
قلت فدوتك عيني لين عيني تشيب

أحسب اني وصلت.. وتوني مأنتصفت
يوه ياطول مشواري معك يالنحيب

اه ياليتني من هالزمان انتصفت
قبل لأدري عن اللي زاد ناري لهيب

لا ومع ذا تساءل وش بلاني نحفت !!
دوك تكفى وش اللي ما بقى بي عطيب

صح .. وان كنت شمسك/لاحضرت انكسفت
بس.. مع ذا.. طلبتك يالبدر لا تغيب

وانت شعر كتبته بس توي عرفت
بإن شعري وحظي مالهم بك نصيب


********
راقت لي
للشاعرة(عبير بنت أحمد).

[جلكسي 1]

بارك الله فيك ع روعة الطرح

الله يعطيك العافيه

[ضامي ألغيث]

قصيدة رائعة ويعطيك العافية على هذا الابداع

[عبد الله الصالح ,,]

لا ذكرت ان من هالعين ياما ذرفت
قلت فدوتك عيني لين عيني تشيب
أحسب اني وصلت.. وتوني مأنتصفت
يوه ياطول مشواري معك يالنحيب !
..
صح لسان الشاعرة / عبير ..
وإنتقاء مميز كما تعودنا من راقية الإحساس/ غيوم ممطره ..

[ايمان عالم]

أحسب اني وصلت.. وتوني مأنتصفت
يوه ياطول مشواري معك يالنحيب

اه ياليتني من هالزمان انتصفت
قبل لأدري عن اللي زاد ناري لهيب

لا ومع ذا تساءل وش بلاني نحفت !!
دوك تكفى وش اللي ما بقى بي عطيب

اختيار موفق منك غاليتي غيوم ممطرة
وكعادتك دوما متألقة {تسلم ايدك }

[جوووج3]

شـكــ وبارك الله فيك ـــرا لك ... لك مني أجمل تحية .