[غيوم ممطره]

السلام عليكم ورحمة الله وبركاته

لاتقول اني ذكرت ولا تقول اني نسيت


لا تقول اني ذكرت ولا تقول انـي نسيـت
كيف يعني يذكرك انسان لحظــه مانسـاك

ادري اني صدق احبك وادري انك مادريـت
اني حتى ضد نفسي صـرت ياعمـري معـاك

لو اقول اشكثر احبك! ما تصدق لـو حكيـت
داااام حبي فـووق والله مستـواي ومستـواك

(كل حرف ٍ لك كتبت ) و (كل حرف ٍ لي قريت)
(فيه شي ٍ من عناي) و(فيه شي ٍ من غـلاك)

في غيابك حبيبيي ياكثـر ماقلـت يالييـت
وياكثر ما قيييل عني في غيابـك وش بـلاك

مو مهم اللي جرى لي المهم انك رضيـت
دام يزعلني زعلّك ودام يرضينـي رضـاك

انت دمع ٍ في عيوني مابكيتـه لـو بكيـت
وانت كل اللي كتبته وانا بس اللي قـراك

وانت درب ٍ من بديته فـي حياتـي مانتهيـت
وانت تعني لـي بهالدينـا نجاتـي والهـلاك

جيتك أتأسف حبيبي وأعترف انـي خطيـت
جيتك اسبق لهفة اشواقـي ويسبقنـي غـلاك

وانا مدري( شلت قلبي لك ) بعد عمري وجييت
وإلا ( قلبي شالني لك ) يابعد عمـري وجـاك

جيت اقول( اني احبك) شفت عينـك استحيـت
في عيونك قدرة الله واشهـد ان الله عطـاك

لا تقول اني ذكرت ولا تقول انـي نسيـت
دام قلبي ماذكـرك ودام قلبـي مانسـاك

~مما راق لي~

[عبد الله الصالح ,,]

(كل حرف ٍ لك كتبت ) و (كل حرف ٍ لي قريت)
(فيه شي ٍ من عناي) و(فيه شي ٍ من غـلاك)
في غيابك حبيبيي ياكثـر ماقلـت يالييـت
وياكثر ما قيييل عني في غيابـك وش بـلاك
مو مهم اللي جرى لي المهم انك رضيـت
دام يزعلني زعلّك ودام يرضينـي رضـاك ..

ذوق رفيع وإحساس بديع ..
تسلمين أختي الكريمة / غيوم ممطره ..

[هدى وهداية]

ذائقه جميله
تسلميين غيومه

[غيوم ممطره]

((عبدالله الصالح,,هدى وهداية)),,
سررت جدا بمروركم.

[همس الوعد]

[صاحبة السموو]

طرح رائع وقمة الاناقه

يعطيك العافيه وسلمت يمناك

[غلا..]

متميزه في انتقائاتك العذبه يا عذبه

اختيارات الشخص يدل على ما يحمله في داخله
فشكرا لك على رقة الاحساس

تحياتي