[عبد الله الصالح ,,]

على طاري براد اليوم ورجعة هالشتاء بكره
ذكرت اللي مضى بيني وبينك من غلا وفراق
تشكـلنا مع أيام اللقـاء والحب من صغره
رسم فينا حنين اللي مضى بأيامنا وانساق
واما اليوم كل واحد يشم شوي من عطره
ولكن الحظوظ السود تنفينا من الأوراق
سريتك في دموع الوقت لا اعشق ولا اكره
ولو غيرك عطاني عمر وعهوده على الميثاق
وغلاك اللي بقى فيني كتب لك شي واحتكره
لروحك لوحة ال أهلآ وغيرك لوحة الإغلاق
وطن فرقا وسط صدري وقلبي كاتم سره
وضمه دفتر الذكرى وباحه حبره التواق
يبين فيني فراقك وهذا الحب ياطهره
وفيك فراقي مبين اذا تشتاق انا اشتاق
واذا الأشواق خلتني مابين الدمع والعبره
ترى شوفك يريحني ويمحي لهفة الأشواق
واذا ماتعرف الدبره انا مدري وش الدبره
ولكن اعرف ان اللي حصل فينا ابد مالاق
ابوقف في انتظارك لو خطا رجلي منكسره
ألم هالإنتظار اهون من اللي من فراقك ذاق
أحبك قرب لو كانت ظروفك تطلب القدره
وأحبك طهر يا تاج الشرف والذوق والأخلاق
واذا شاعرك مايمطر عليك بطهره وشعره
فلا نامت عيونه لين يكويها سهر وارهاق
بفكر في رحيل اليوم وافكر في شتاء بكره
وبتمنى رجوعك دون توديعه ودمع فراق ..
أبيات راقت لي
..

[غلا..]

إختيار أنيق جدا

نص فخم و معبر
صح لسان ملهمها وسلمت يمين ناقلها

شكرا لك

[عبد الله الصالح ,,]

أختي الكريم / توت الشتاء ..
شكراً ع مرورك الكريم وعباراتك الجميلة ..

[ضــوء القمر]

جزآك الله خيراً

[عبد الله الصالح ,,]

شكراً أختي الكريمة / ضوء القمر ..

ع مرورك الطيب ..

[سارونه السوسو]

ﻻاله الا الله محمد رسول الله

[عبد الله الصالح ,,]

جزاكِ الله خير ع مرورك الكريم ..

[همس الوعد]

ابياات جميله واحساس اجمل وكلمات ولا اروع
اختيار جميل اخي الفاضل عبدالله سلمت يداك

[عبد الله الصالح ,,]

أختي الكريمة / حكايه امنيه ..
شكراً ع طيب مرورك ..

[فتاة مؤمنة]

جزاك الله خيرا .....


الله يعطيك العافية

أختكم
ــ@فوفو@ـــ