[ورود 1]

السلام عليكم ورحمة الله وبركاته

كيف حالكم ان شاء الله طيبين ....

اشتريت شعيرية الارز وما اعرف الطريقة الصحيحة لطبخها بس اذكر انه يحطون معها صوياصوص وخضار بس انا ابي اسويها بصدور الدجاج مع الخضار الي تعرف طريقتها اتمنى انها ترد علي والله يجزاها الجنة ويحقق لها كل ما تتمناه ان شاء الله .

وهذه صورها وهي تشبه الي عندي تقريبا





ملاحظه : اهي تختلف عن الشعيرية العادية .

[ورود 1]

[هديل35]

إختي الكريمة ورود1

للأسف ماعندي خلفية عن طريقة طبخها
لكن ابحثي في متصفح قوقل عنها وستجدين ان شاء الله وصفات عديدة لها
وان شاء الله تستفيدين

وبالهنا والعافية مقدما.

[ورود 1]

مشكورة وجزاك الله الف خير ... لكن كان ودي اطبخها بالطريقة الصحيحة وشفت طرق لها بس قلت ممكن احد يفيدني هنا اكثر .

[أٌميمه]

وعليكم السلام ورحمة الله وبركاته

أختي لها طرق عده ..
لكن ساذكر لك الطريقه التي تريدينها بصدور الدجاج ..وهي اكله صينيه ..
المقادير .
بصل / ثوم
مكعب ماجي او ملح اذا وضعتي مكعب لاتضعي ملح وعلى حسب رغبتك
فلفل رومي أ اخضر واحمر واصفر .
طماطم .
وصلصل معجون على حسب رغبتك ...ملعقه
صويا صوص
وكزبره
وصدورالدجاج .
وفطر على حسب الرغبه ..
الطريقه ..

اول شي ضعي زيت في المقلى وحمري الدجاج تقطعيه (وتكوني مقطعه الدجاج على شكل شرائح )
وتضعي عليه ملح وفلفل الى ان يصبح لونه بني محمر .
وبعدين تخرجين الدجاج من المقلى وتضعينه في طبق جانبي .
وبعدين نفس المقلى ضعي ملعقة زيت وبصل وثوم اول شي تحمري البصل وبعد ذلك الثوم .
وبعد ذلك الطماطم المقطعه شرائح .
وبعدذلك ضعي الفلفل الرومي باشكاله وتقطيعه شرائح .
وضعي الدجاج الذي تم تحميره سابقا وقلبيه مع الخضار وبعدين ضعي صلصلة الصويا ومرق الماجي والقليل من الماء كأس على حسب كمية الخظار والدجاج .. حتى يمتص الماء
(واذا تحبي تضعي الفطر مع الخظار ضعيه )
واخرشي كزبره ...

وبالنسبه للشعريه .
ضعي ماء حارفي قدر الماء مغلي وملح وملعقه صغيره زيت
وضعي الشعريه فيها لكن انتبهي ماتاخذ وقت دقيقه بالكثير ..
وبعدين اخرجيها وضعي على المكونات السابقه وقلبيها مع الخظار ..

وبالهناء والعافيه (وان شاء الله تزبط معك )

ملاحظه :: انتبهي لمرق الماجي وصلصلة الصويا لان بعض الصلصات تكون فيه نسبة ملوحه تذوقي وقللي من الماجي ..

[ورود 1]

مشكورة اختي طموح متفائل وماقصرتي الله يجزاك خير وطريقتك عجبتني مرة

[حلمي الوحيد]

الله يسر لك ماعرف

[عضوز]

شـكــ وبارك الله فيك ـــرا لك ... لك مني أجمل تحية .

[دمعه حنين]

شـكــ وبارك الله فيك ـــرا لك ... لك مني أجمل تحية .