[هدى وهداية]

العزا لك يا امام المسلمين
ولاسرة آل سعود ياقيدومها

والعزا للمملكه في كل حين
وللعيون اللي جفاها نومها

نايف الله يرحمه دنيا ودين
صحوة الافكار هو زيزومها

ماذكرنا للعقل مثله ضمين
يجّنب النفس البريه لومها

منهجه منهج رياض الصالحين
عارف(ن) اهل الفتن وعلومها

صد غارات الرفض والملحدين
وحيّة الارهاب وسط كمومها

وغير دين الله بداره مايبين
دعوة التوحيد شد عزومها

باذل(ن) جهد(ن) قوي(ن) مايلين
ناقل(ن) حمل العرب وهمومها

خلّده في صفحة اللي خالدين
حبه لداره وحب سلومها

ارحمه يالله رب العالمين
العدا لطم الفعل بخشومها

للعقيده نايف الحكمه عوين
مغلي(ن) وسط المحافل سومها

ومن يحج البيت بالامن الحصين
عاد سالم والسما بنجومها


السامر

[جو جو~]

شـكــ وبارك الله فيك ـــرا لك ... لك مني أجمل تحية .