[حين تجف الدموع]

مَوضوع طريف وإرشادي للـ بنات ,
" . .

يبّيلّه تقرون مره ومرتّين وثلآث !!
عشَان تتجنبون التعليقَات بـ آخر العرس

- أكل العلج [اللبان] في الأعراس والمناسبات الراقية
يشوه المنظر.. يخرب البرستيج.. يدمر أبو الجمال والأناقة!
خصوصًا خصوصًا إذا صارت بنت بالعشرين وأمورة وقاعدة ترقص وهي تاكل علج وربي ماله داعي..
عمرك شفتي بالتلفزيون وحدة تاكل علج غير الرقاصات [مع احترامي للقارئات]!!

2- نزع الحذاء آخر السهرة والمشي حافية
وطبعًا هذه الملحوظة لأهل العروس والعريس
إذا حيل تعبتي خلي عندك صندل واطي البسيه إذا تعبتي
أما بعد كل الحلا والأناقة.. تمشين حافية.. no way

3- الرقص المصري!!
وهذا ينقسم لشقين:
أ: الرقص المصري يحتاج فن.. إذا أنتِ مو متقنة جدًا جدًا.. بليز لا تقومين لأن شكلج بيصير مصخرة
والأفضل أنج ما ترقصين من أساسه خصوصًا لو كنتي عصله حيـل
لأن الرقص المصري حتى لو كان حيل مرتب بس اللي ترقص ضعييييييييفه بيطلع شكلها مثل الهيكل العظمي اللي بينكسر ومتماسك بشطرطون

ب: قبل تطلعين الكوشة.. روحي طالعي في المرايا..
ولو [أباطج أبيّض] تشجعي وارقصي
لكن لو فيها سمار لو خفيف قعدي مكانج
لأن في مجتمعنا عقدة اسمها آباط سودا يعني أي وحدة ترفع ايدها الناس تنسى رقصها وتفكر في لون آباطها


4- الجلوس على الأرض وقت البوفيه
يعني.. إذا انتهت الكراسي ومافي مكان تقعدين عليه.. لا تفكرين تحطين الصحن ع الأرض وتاكلين لأن المنظر بيصير ماله داعي كأنك حجيه باسطة حب شمسي ولوز بس الفرق أنها عليها مكياج!

5- وضع شنطة السهرة في كتف!
مهما كانت جميلة.. أو لها سلسلة طويلة..
شنطة السهرة لا توضع على الكتف أبدًا..
بل تحمل في كف اليد وليس تحت الابط!!

6- لبس القبعات في الأعراس
وهذا الكلام مخصوص للبنات اللي أعمارهم بين ال 14 إلى 19
انسي تلبسين قبعة جلد بالعرس


7- حمل التلفون !
ليش اخترعوا شنطة السهرة ..؟
وآه يا ضغطي يرتفع لما تجي وحدة ترقص وتلفونها في ايدها أو معلق في حافظة خاصة فيه في كتفها!
وخصوصًا أخت العريس
إذا فيها رقصة.. المفروض تخلي تلفونها مع أحد.. مو تطلع وهي ماسكته!!

[سبحولله]

تعليقات ميه ميه صدق هاذ الي حاصل

[حين تجف الدموع]

مشكورة ( سبحو الله).. التعليق دايم اثناء وبعد العرس واليوم الثاني .. ياغيرة وحرررررره....
سخفات.. هذي الفستان عليها وع وع ... والتسريحه مخليتها جنيه...
وذيك الله اكبر من رقصت طيرت كل من بالكوشه....

ومانخلص من تعليق في تعليق..؟؟؟؟؟

[بابا يحبني11]

موفق بإذن الله ... لك مني أجمل تحية .

[حين تجف الدموع]

شكر اً..............................

[قاهرة الإعاقة]

كلام سليم
بس مهما سوينا ما راح نسلم من كلام الناس
..
شكرآ يا ذوق

[♪♪ تَراتِيلُ حَرفْ ♪♪]

كل فعل من هالافعال يدل على شخصية المرأه

وأغلبهم تجدين فيهم البساطه والتواضع

الا اللي حاطه جوالها بحافظه وترقصه معها

يعني وش القصد اظنكم فاهمينه ما يحتاج


و مشكوره نجد
ودمتي بخير ودام عطائك

[~أم أحمد~]

شـكــ وبارك الله فيك ـــرا لك ... لك مني أجمل تحية .

[غيوم ممطره]

[نفح الديم]

يعطيك العافية
ششششكرًا