[حامد نوار]

يالله لا تجزا المنافق بالإحسان
وياالله لا تجعل حياته طويلـــــه
أنا أشهد إنه من قليلين الإيمان
وانا اشهد إنه ما كسب له جميله
يتبع طريق الشر مع كل شيطان
وتجارته هرج النميمه يشيلـــه
هماز لماز مع مع الناس عجلان
واللي قرا الآيات يعرف دليلـــه
اللي مشى درب الردى بين الإخوان
لابد من يوم تجي له فشيلـــــه
ياما سعى بالكذب ما بين صدقان
وكم يوم فرق بين شمل القبيلــه
وكم راح باسبابه جماعه وخلان
الغالي اللي ما لقينا بديلــــــه
يقول قال فلان وفلان وفــــــلان
واليا تلزمته قليل حصيلـــــــــه
كلامه اللي قال كذب وبهتــان
ما غير يبغي بالنميمه وسيلـــه
بين الجماعه دايم الدوم وخسران
على دروب الشر يومي شليلـــه
غلطان ياراع النميمه وخسران
ياللي تحملت الحمول الثقيلــــه
لاتحسب إن الكذب يقضي لك الشان
ولاتحسب إنك فيه حصلت حيلــه
صورت هرج لا حكى به ولاكان
والكذب عاده للقلوب الرزيلــــه
أنت الذي ما بين الأصحاب تعبان
رجال تحكي به ورجل اتحكى له
الصدق له مع صاحب الصدق برهان
ومن لامشى بالصدق ما ينعني له


منقـول

[مريم الحويطي]

الصدق له مع صاحب الصدق برهان
ومن لامشى بالصدق ما ينعني له

كـلك ذوق أخ حامد ......... أختيار موفق ........ لا هنت