[حامد نوار]

قصيده للشاعر حامد زيد

الذهب
يا كثر ما رافقت خلان واحباب
ويا كثر ما في شدتي هملوني
على كثر ما أعدهم ستر وحجاب
على كثر ما احتجتهم واتركوني
من صارت الخوه ثمن حفنة تراب
نفس الوجيه اللي نصوني... نسوني
من غير ذكر فروق، وعروق، وأنساب
كانوا ثلاثة ...والثلاثة جفوني
علمتهم وشلون الأهداف تنصاب
ولما سواعدهم قوت... صوبوني
عشاني أصغرهم عمر صاروا أحزاب
عشاني اصدقهم قصيد اظلموني
اللي نجاح اسمي زرع فيهم أنياب
حتى النصيحة ما بغوا ينصحوني
دام العطايا عندهم دين وأتعاب
والله لو أطلب ذنبهم ما عطوني
طالب نصيحة، كني طالب أرقاب
وهي نصيحة؟!كيف لو زوجوني؟
كنت أكتب لنفسي مشاريه وعتاب
ولا ادري إن اللي قروني... قروني
تضاربت من دوني عقول وألباب
واجد بغوا غيري... وواجد بغوني
أقفل هدب... تسهر على شعري أهداب
كني حبست إرقادهم في جفوني
لو شفتهم واحد... يشوفوني اسراب
من وين مالدوا نظرهم لقوني
أثري وجودي بينهم محرق أعصاب
ومزعل بعضهم من بعض لو طروني
يا كبري بعيني وأنا توني شاب
واهم كتاب الشعر حاربوني
حتى ولو يهوي على نجمي شهاب
يكفيني إن إسمي كبير بعيوني
كد قال ابوي: ان هبتهم قول: ما هاب
لو يقدرونك قول: ما تقدروني
مادام قبري محتضن راس مرقاب
على كثر ما تقدرون ادفنوني
لو ماني بذيب إنهشت عظمي ذياب
لو ما عرفت اثبت وجودي لغوني
لو ما سكنت وجيههم مت بغياب
لو ما قدرت أمحي ورقهم محوني
أصبحت الأصعب لأنهم كانوا اصعاب
جننتهم مثل ما جننوني
ماجيت أبدبل كبدهم شعر وخطاب
لين أدبلوا كبد الذي خلفوني
يا ويل وجهي كن للدمع مخلاب
ما جف ماه ولا استحى من طعوني
كل ما طرالي منظرمريب وأرتاب
كان الوحيد اللي يحرك شجوني
قبلة صلاة،وذكر، وخشوع، وكتاب
وأمي على سجادة النور دوني
تدعي لي الله يفتح بوجهي أبواب
تتوسله بالشده يكون عوني
من كثر ما خفاقها بالدعاء ذاب
صارت تحس إن زملاي اكرهوني
بشرتها: يمه معي ربع وأصحاب
ماني لحالي واجد اللي يبوني
من يوم ما حاز قلمي كل الالقاب
قلطتهم في دفتري واحفظوني
الله وهبنيهم بني عم وأجناب
من يوم جيت اعجبتهم واعجبوني
واعجابهم فيني ما هو بأيه اعجاب
باسلوبي، بشرحي، بطرحي، بلوني
لوقلت عن نفسي( بشر)..صرت كذاب
لو قلت : ( دمي من ذهب) صدقوني
لو بكيفهم كان ازرعوا دربي أعشاب
لوبيدهم يتشبهون اشبهوني
من كثر ما صاروا من طبوعي اقراب
حتى بلبسة شمغهم قلدوني
واجد دعوني واغلقوا دوني الباب
واكثار ناس أبكي لهم ما بكوني
لوطالوا لهدمي مناسيب وأطناب
كان وغلاتك من زمان اهدموني
مدام حطوا فيني عيوب وسباب
جنبت عنهم مثل ماجنبوني
أصلا لو أن بخوتي شي ينعاب
ذبحت نفسي قبل لايذبحوني
أنا يدي لو ماكست متني ثياب
نذر ٍ على لقطع يدي من متوني
موعيب أجي مدعو ولا أشوف ترحاب
العيب لو إني رجعت إن دعوني
مادمت اجي ولا يحسبون لى حساب
حرمت اروح اذا يبوني يجوني

[ســـانـــدي ^_^]

مادمت اجي ولا يحسبون لى حساب
حرمت اروح اذا يبوني يجوني



الله يعطيك العافيه قصيده رائعه ,,

[حامد نوار]

اشكرك بارك الله فيك وبيض الله وجهك ودمت بخير

[مريم الحويطي]

يا كثر ما رافقت خلان واحباب
ويا كثر ما في شدتي هملوني
على كثر ما أعدهم ستر وحجاب
على كثر ما احتجتهم واتركوني

آآآآآآآآآآآآه اي والله صدق ؟؟؟؟؟؟؟؟ الله يعافيك

[حين تجف الدموع]

يا صاحبي .. تعرف وش معنى الصداقة
الصداقة.. أن روحي وروحك في جسد واحد
وتعني لي غاب الأول.. صاحبه زاد اشتياقه
ولي تضايق الثاني يكون له صاحب يساند
الصاحب اللي يخاوي الخوي عن رفاقه
لا تحسب له طريق لنفسه وعنك مجاحد
ومن يزعّل رفيقه ترا النار بالضيق حرّاقه
أحذر لا تزعّل رفيقك ترا كلشي تتوقعه وارد
وأحذر لا تفرق بينكم كلمة تهزز أعماقه
وأحذر لا يتدخل بينكم فتّان ويكون لمباعد
ولا تحسب من اهدى لمحبتك من الورد باقة
الصديق اللي بوقفاته وفي أمحبتك زاهد
أنا لي صديق ٍ طيب ٍ والخير لي ساقه
ما عليه قصور ودايم هو في الرضا مجاهد
الصداقة ماهي مجرد وقت وتكبير العلاقة
لو كتبته مابي بالقلم عالورق بالزود زايد
ومن محبتي لك يالخوي بأستنفذ الطاقة
وبكتب في الشعر أبيات وتراني لك معاهد
و هذا ودادي يالخوي متبوع بالعود وأشواقه
وكل أبيات القصيدة أنت بوزنها القاصد
يا ذا الخوي نزيل العز مترفعات أذواقه
بهدي لك أبياتي بكلمات وريمها الشارد
وقلبي بقلبك تجتمع لقلوب خفاقة
نسيم ٍ عليلبجوها الصافي ومايها البارد
ودربي بالأخوة لي مشيته غاليات أسواقه
ننجح بالتلاقي و نحصد بينّنا شارة القايد
وعسى الله لا يقرّب ساعة مني فراقه
ازرع لك أشواقي وأكره أي واحد بمحبتك حاسد
وربي لي دعيته بالرزق ما يقطع أرزاقة
أدعوه لا يقطع صحبتك يالصاحب العايد
صداقة بينها قوة وعزيمة وانطلاقة
وصرت فيها متبوع بأقوالك يالمصيود يالصايد
هذا سلامي والختم تتبعه قلوب توّاقه
فيها الشعر ماخذ أمجاد عبدالرحمن لمساعد
وصلوا ع النبي محمد عدالشجر وأوراقه
وأستغفر الله في صلاتي راكع وساجد