[الفجـــر]

بسم الله الرحمن الرحيم

السلام عليكم ورحمة الله وبركاته

الموضوع إهداء للغالية الوردة الحالمة

تخيلوا لو يفزع الجار للجار
في مجتمع حاقد و غاضب و مشحون
و تخيلوا لو تلتفت كل الانظار
للمشهد اللي وقفت دونه عيون
وتخيلوا لما رحى الحرب تندار
ما بين حكام العروبه و صهيون
اليا متى نستقبل ذنوب بأعذار
و اليا متى نستنزف جروح بطعون
نتبع خطأ تيار و نصد تيار
نبعد و عدوان المسلمين يدنون
لو كان بقلوب العرب صبر و اصرار
ما كان سووا فيكم اللي يسوون
بهمالكم بدلتم الثار بالعار
بعتم تراب القدس و انتم تشوفون
حنا كذا بمعارض الراي شطار
لين أستوى بالمجد عالي و مطمون
من كثر ما كنا نجامل و نحتار
صرنا نخاف نعارض اللي يقولون
لقدس تصرخ و السما تحصد أعمار
و الدم ينزف و الارامل يموتون
و ارواح تسلب سلب و اعصاب تنهار
و اطفال تعدم و البشر ما يحسون
خمسين عام نحارب الشرك بأحجار
و بسكوتنا نبني عمارات و حصون
ننسى و كن اللي حصل شي ما صار
نسكت وكن ما بيننا شخص مغبون
لين أشربوا من دم الاسلام كفار
و بعروقنا صاروا يروحون و يجون
استضعفوا لين اضعفوا كل الاقطار
ساقوا غضبهم و الاوادم يصلون
يستدرجون العزل للسمح الابرار
يستمتعون بقتل الاطفال بالهون
ما كنه الا شعب مخلوق غدار
في قلب لا ساكن و لاهو بمسكون
بالذل ماتلقى على صيته غبار
كبارهم واطين و صغارهم دون
لا بارك الله فيهم صغار وكبار
و لاجمع الله شملهم وين يسعون
و ما تنطفي شمس الحقيقه و لو جار
فينا زمان الذل و الضعف و الهون
و دام الفشل و الضعف ثلثين الاضرار
لابد ما نضحك و لا بد يبكون
و أنكانت قلوب العرب تنذر انذار
ليش انتجاهلهم و اهم يستبدون
الناس قالت حارب النار بالنار
و مالله خلق للادمي عمر مضمون
و ان كانت الفزعه من أحرار لأحرار
حنا البروق اللي غدت سحب و مزون
و حنا السكوت اللي سبق عصف و اعصار
و حنا سباع الكون يا لعنة الكون
و حنا عرب و العرب ما تترك الثار
بافعالنا ماهي بقولة يقولون
نزعل و لكن بالزعل دمنا حار
نفزع اليا شفنا العذارى يصيحون
عقالنا معهم من العلم مقدار
و مجنوننا ينطح ثمانين مجنون
ياشعب يا ثاير و ياشعب مغوار
هون من اسباب المعاناه و تهون
أصرخ على كل البشر و أجهر أجهار
و خل اليهود إن مادروا عنك يدرون
و أجمع شتات الوقت تذكار تذكار
و أذكر مواقف كل طاعن و مطعون
حارب بدين الخالق النافع الضار
و استذكر الرحمن و ابليس ملعون
و اطرد من ارض الله عدوين الاذكار
و ان جوك و لا جعلهم مايردون
و رح قلهم حنا على كل مشوار
و ذوقوا مرارة نصف ما تستحقون
و اذا رضيتم قولوا الوقت دوار
و اذا زعلتم سووا اللي تسون

صح لساااااااااااااااااااانك ياحامد زيد

[االوردة االحالمة]

وعليكم السلام ورحمة الله وبركاته

قصيدة راااااااائعة.........
والله يعز الإسلامـ والمسلمين........
وينصر فلسطين على عدوهـ .........آمييييييين يارب.....

الله يعطيكـ العافية يا قلبي فجووووووووورة

[سلطانة زماني]

وعليكم السلام ورحمة الله وبركاته

قصيدة راااائعه


الله يعطيك العافيه