[~حلى الكَون~]

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين


صباح \مساء الخير


هذي قصيدة للأمير عبد الرحمن بن مساعد ..ما أعرف عنوانها بس


أنا حطيت لها عنوان . ."الفقير " ...أتمنى مثل ما أعجبتني

إنها تعجبكم ..


.وطبعا منقولة

:::::::::::::::::


" فقير وعندي المال الكثير
فقير وملبسي غالي حرير
ويا صاحبي الحافي الفقير
ابنشدك ابسألك وشهو الحصير !!
وابسألك وشلون انا امر وانهي
واذا حكيت قبل انتهي من كلمتي
يقاللي سم ويصير
ولاشكيت من غفلتي طوّل زمنها
يقاللي لاتشتكي .. ماخلقت الشكوى لأمير


وابسألك وشلون انا مع كل ذا .. اقول عن نفسي فقير ؟؟؟
ياصاحبي لاصار للضحكه ثمن
وصاروا اصحابي كثير بس بثمن
والوفاء مابه وفاء الا بثمن
ابسألك ماني فقير ؟؟؟
ولاصارت اقوالي حكم
ولاقالها غيري غدت حكيٍ قديم
ابسألك ماني فقير؟؟
ولاصرت انا مانيب انا
ولاغلطت قالوا صحيح .. وكل شي اعمله يصبح عظيم
ابسألك ياصاحبي ماني فقير؟


وياصاحبي ابنشدك لامن جفتني دنيتي
وابتدأ الدرب الطويل اللى ابد ماينتهي
وانتهي العز القديم وماكنت اظنه ينتهي
والموت بدد فرحتي .. وحطوني في قبر ٍ صغير
وحزنوا علي .. وبكوا هلي وناس من ربعي قليل
وارتاح من وجهي كثير
وبقيت وحدي في حيرتي مابه احد
لا طال عمرك ولا تحت امرك
ماغير انا وخوف ولحد وحساب قدامي عسير
وقتها ذكرت اني من زمان
يوم انه امهلني الزمان
هذا ظلمت .. هذا جرحت .. ياما كذبت
وذنوبي ماتحصي كثير
وقتها الىَ ندمت .. ونفسي كرهت


عرفت ان الله كبير وان الهلاك اصبح اكيد
واني انا مالي رجاء .. ولاهروب من الدجى
من الجحيم الا بأمل عندي وحيد
ان الله غفـّار ورحيم


ابسألك ياصاحبي عني أنا في وقتها
ماني فقير ؟؟؟




تحياااااااااااتي

[الأمـــــل]

سلمت يداك على النقل المميز كلك ذوق غاليتي

[بنت نجد 11]

شـكــ وبارك الله فيك ـــرا لك ... لك مني أجمل تحية .

[قراني شمعة حياتي]

جزاك الله خير لك مني اجمل تحية

[~حلى الكَون~]

الأمل ....بنت نجد 11 ...قرآني شمعة حياتي ...

منورين ياغوالي ..أسعدتوني بتواجدكم الحلو ..ياهلا فيكم