[المتئمله]

السلام عليكم ورحمة الله وبركاته

قصيده للمبدع دائما متعب التركي نهار الوداع

اخر اللي سمعته في نهار الــــــــوداع * * دقه القلب مدري صوت عجل الخطاوي

يانايف الطول وش سوى بي الانقطاع * * صار بين الضلوع والقلب كنه فــــداوي

بيني وبين ضحكات السعادة نــــــزاع * * كني اللي قضى عمره طريد ن جـــلاوي

لا تلوم اللي سوى لك المستطـــــــــاع * * خاف من الله وخل جروحنا بتســــاوي

عن ذيك النواعس ليه شلت القنـــــاع * * الحيا وين يالي طول عمرك حيـــــاوي

كن في خدك الطاهر بروق وشعـــــاع * * اثرها رحمه لناس بعض الغشــــــاوي

وش يفيدك عذابي يا غريب الطبـــاع * * ليه دايم على الملتاع سيلك نحــــاوي

انته لي غير وازعل وارجع بســــاع * * راعي الجرح يستحمل عذاب المداوي

غالطوني وقالوا ليش هالاندفـــــــاع * * ادوخوني عليلك مكثريـــــن الحكـاوي

عذربوبك بوجودي بالجفاء والخـداع * * فيك حلو الوصايف صورها مســـاوي

التزمت السكوت ورايهـــم في قضاع * * لين قالوا متعب على البعد نــــــــــاوي

ميت القلب عرضــت الغلا لضيــــــاع * * والله اني على قطع الرجاء فيك مناوي

ماتًغيــــر لو انك لـويت الــــــــذراع * * تحسب اني على الهجران مانيـب قــاوي

لو تقول انت ماعقب الفراق اجتمـــاع * * عندي اليـوم كل اللي تقولـــــــه متســاوي

او يقولوا ن صار يخاف قلب الشجاع * * من هاك الليله صار بيت القصيد متهـاوي

بين شقر الجدايل والعيون الوســــاع * * اذكر اني فقـــــدت القــــلب فيه الـــحـراوي

اخر اللي سمعته في نهار الــــوداع * * دقه القلب مدري صوت عجل الخطـــــــاوي

[خلووووود الخالد]

وش يفيدك عذابي يا غريب الطبـــاع * * ليه دايم على الملتاع سيلك نحــــاوي انته لي غير وازعل وارجع بســــاع * * راعي الجرح يستحمل عذاب المداوي راعي الجرح يستحمل عذاب المدآآآآوي ...! نعم هذا هو متعب الحرف ، متعب التركي . أبيات رائعة وعذبة للعذب دائما متعب التركي . كل الشكر المتئملة .

[المتئمله]

العفو ماسوينا شي ياالغاليه يستاهل اكثر من كذا

[ضاعت أحلامي]

بيني وبين ضحكات السعادة نــــــزاع * * كني اللي قضى عمره طريد ن جـــلاوي


اختيار مووووفق شكرا لك

[المتئمله]

ومـــــــــرورك أحلــــــــى