[افديك يارسول الله]

كرواسون بحشوة المرتدلا ..

طبعاً المرتدلا مجرد إقتراح تقدرون تستبدلونها بالدجاج
باللحم أو الخضار أو اي حشوة تحبون ..

الحشوة ..
عبارة عن مرتدلا ديك رومي مدخن مقطع مكعبات
فلفل بارد ملون ..
زيتون شرايح
فلفل حار بدون اللب ..
مخلل مقطع صغير ..
ندهن الكورواسون بخلطة
عبارة عن ..
مايونيز / خردل
نحط سلطة المرتدلا
ونحط معها خس روماني
أو اي خس حابين ..




ونقدمها " تتقدم باردة عادة "



ساندوتشات فرنسية ..

هذا ساندوتش الفوكاشيا لأنو الطعم يشبة خبز
الفوكاشيا اللي بالزيتون والأعشاب

اللي ذقته عندها مسويته بالدجاج وقالت انو الأصلي
بالتونة وسويته بالإثنين أعجب اللي حولي بالتونة أكثر..






تقدرون تسونه بأي نوع خبز يعجبكم

سوا الفرنسي وهي الطريقة الأصلية
وممكن بالتوست

تدهنون التوست بخلطة بالمايونيز مع الخردل والجبن ..
وحطيت عليها أنا ريحان مجفف شي بسيط ..

بعدين حطيت عليه تونة مخلوطة مع ليمون

وملح وبصل أخضر وممكن تحطون أبيض
تقدرون هنا تحطون اللي يعجبكم بقدونس
شبت او اي شي تحبونه مع التونة ..






هنا قطعت الطماطم شرايح شبه عرضة وشويتها بشوية زيت زيتون
ورشيت عليها اوريجانو وشوية ملح ..

نحط الطماطم فوق خلطة التونة
وبعدين نرش عليها شوية جبن موتزريلا
وندخلها الفرن من تحت على فرن حامي جداً
على طول راح تتحمر من تحت وتذوب الجبنة مباشرة ..

وهذا المطلوب

بنات لا يفوتكم أنا ما احب التونة مرة
بس بعد هالشي عشقتها قوووة




الخبز بالثوم ..


نقطع الخبز الفرنسي بالورب ..
الأفضل الخبز يكون طازج
نذوب على النار قطعة زبدة ونحط معها سوية أوريجانو
وشوية ملح

ندهن فيها الخبز .. وبعدين ندهنه برضو بخلطة

عبارة عن
جبن كاسات " سايل " شوية مايونيز

فص ثوم واحد ..
وبعدين نرش عليه جبن قشقوان

وندخله الفرن يكون حامي ..
مجرد تذوب الجبن نطلعه






شخصياً أحب أحمره شوي من فوق ..

يتبـــــع }

[افديك يارسول الله]

ساندوتشات التوست بنكهة مميزة ..

هي ساندوتشاتتوست عادية بس التكنيك فيها شوي يختلف
فبالتالي النكهة بتتغير تماماً
نخلط بصحن بيضتين و صلصة تتبيل أجنحة الدجاج
بنات لا تتقيدون فيه أنا مجرد إنو حبيت نكهته ..
ممكن تحطون ويستشر صوص أو اي نكهة تحبون ..
مع شطة حارة HP أو اي نوع تحبون شوية ملح وشوية فلفل وبابريكا
نتبل فيها التوست من الجهتين بعد ما نخفقها ..

نحط التوست بصينية وعلى الفرن من تحت وفوق ..
ممكن بهالمرحلة ترشون عليه شوية جبن بارميزان على الوجة
<< مجرد إقتراح



نجهز الحشوة أنا حشوتي دجاج مع الخضار والمايونيز والخردل ..
دهنت الساندوتش بالخلطة وحطيت جبن سلايد ..

حطيته بحماص التوست ..



الطعم مررة جميل وكأنو الواحد مرررة تعبان بالنكهات
والدعوى كلها انو التوست إمتصها وتشبع فيها


ساندوتشات كودو ..

نتبل صدور دجاج مقطعة مكعبات بالصويا صوص والخل << شي بسيط
يفضل تكون قبل 3 ساعت عشان تتشرب النكهة تمام..

نقطع البصل والفلفل البارد شاريح جداً خفيفة ..
ما نتقيد بنوع معين للفلفل أي أوان تحبون ..

نحط الفلفل أول شي على النار مع شوية زيت وقطعة زبدة
بعدين بعدها بدقايق نحط البصل مجرد نحسهم شوي بدوا يتحمصون
" ما نبيهم يذوبون " << إنتبهوا لهالنقطة
نحط الدجاج ونبدأ نحركة معهم ماراح ياخذ وقت كبير لأنو قطع صغيرة
والصويا والخل سرعة بالنضج .. نحط عليه ملح وكزبرة ناشفة وفلفل أسود ..



وبكيذا الحشوة إنتهت ..
ندهن الساندوتش بالمايونيز أنا خلطته مع الخس أسرع وأسهل
نحط الدجاج بعدين الخس وفوقه شرايح جبن مقطعته 4 قطع ..

نقسمه بالنص وقت التقديم ..
نقدمه بطاطس مقلي أو بيوريه البطاطس زي ما تحبون

[افديك يارسول الله]

الكيش .. أصل الطبق فرنسي ..
عجينة مثل عجينة التارت تعتمد على الدقيق والزبدة كمكون أساسي ..
ألمقادير ..
1وربع كاس دقيق
بيضة مخفوقة ..
رشة ملح
ماء تقريباً ملعقتين كبار فقط " يكون بااارد جداً "
إصبع زبدة
بدرجة حرارة الغرفة أو أبرد شوي ..
شخصياً اخذ أصبع الزبدة وأبشره فوق الدقيق
أسرع وقدر بسرعة أخليهم يندمجون مع بعض..
الطريقة ..
نفرك الدقيق والزبده بأطراف الأصابع إذا شفناهم إختلطوا تمام
وصار الخليط كأنو مرمل " مثل الرمل " ناعم وكل حبة لحالها
نزيد عليه البيضة المخفوقة ونعجن " التارت دايماً يكون العجن فيه
مجرد جمع للعجينة على بعض " لأنو كثرة العجن يخربها ويقسيها "
إذا تشوفين درجة حرارة المطبخ مو عالية تقدرين على طول تفردينها
بالصينية أنا هالمرة إستخدمتها بصياني ميني صغار كتقديم شخصي
ولا هي بشكل عام تتسوى بالقالب تبع التارت الكبير ..
لو الجو بالمطبخ مرة حار يبي لكم تبردون العجينة بالثلاجة ربع ساعه
قبل لا تفردونها بالصياني ..



الحشوة عبارة عن ..
بيضتين ..
جبن كاسات 4 ملاعق كبيرة
فنجان قشطة خفق ..
جزرة مبشورة
فلفل بارد مقطع صغار جداً
زيتون اللي تحبون أنا هنا حطيت أخضر
مشروم طازج ..مشوحته على النار شي بسيط ..
تبلت الخلطة بـ شوية أوريجانو وبابريكا وملح طبعاً

بنات الحشوات للكيش غير معدودة..
ممكن مثل هذي خضار وجبن وهي أخف نوع
ممكن بالدجاج والقشطة
بأي شي تحبون مافية أي مشكلة

نفرد العجينة على القوالب ونحاول نخرمها بالشوكة
بشكل بسيط .. بعدين نحط عليها الحشوة ..



راح تاخذ الفرن نص ساعة تقريباً بالفرن من تحت بالبداية لما نشوف الأطراف تحمرت
نحمرها من فوق ونقدمها ..



حلقات الخبز المفرود ..
شي ولا أسهل منه ولا أسرع وممكن تسوين منه كمية ويتفرزن
خبز مفرود نفكة من النص يعني نفك الطبقتين عن بعض..
ندهنه بـ بطاطس مسلوق مهروس مع الملح والفلفل وملعقتين جبن كاسات
" يعني يابنات مخلوط الجبن مع البطاطس والملح والفلفل "
بعدين نحط فوقة حشوة دجاج مسوينها زي مانحب بالخضار أو بدون
بالصويا أو بأي شكل تحبون ترشونها على البطاطس
وتضغطون شوي ع أساس تمسك بالبطاطس ..
وبعدين نبدأ نلف الخبز على شكل إسطواني " رول "
نحطها بقصدير ونقفله تمام من الأطراف ونحطها بالفريزر تتجمد ..



بعد كيذا لك خيارين يا أما تتركينها زي ماهي ومتى ما بغيتيها تقطعينها حلقات
وتغمسينها بالبيض والقسماط
أو بنفس اليوم تسوينها وبعد ما تبرد بالفريزر تقطعينها حلقات وتغمسينها وترجعين تفرزنينها
وبرمضان تطلعينها وتقلينها مباشرة ..



بعد ما قطعناها ..

قليتها وقدمتها .. " بنات ممكن تقدمونها مع اي صوص تحبون
لذيذة جداً برضو ..

[افديك يارسول الله]

نبدأ الحين بالعجين والحوسة << من مايحب العجين
من وإحنا صغار وحنا نحب نعجن ونخربط مع اهلنا تلقون العجين واصل الكشة
من الحماس



البيتزاء حبيبة الكل ..

هالطريقة جربتها من توب شيف الله يعطيه العافية وفعلا
روعة روعة قد ماقدر أقولكم روعة .. والكل أعجبته وسأل عنها
<< قولوا مداح نفسه يبي له رفسه

المقادير..
كوب وربع مويه دافية ..
ملعقة صغيرة سكر
ملعقتين ونص خميرة
ملعقتين كبار زيت زيتون بكر
ملعقتين صغار ملح .
٣ أكواب و ربع طحين أبيض
نص كوب سميد << جداً يفرق بالعجينة بنات

الطريقة ..
تذوبون الخميرة بالماء .. لحد ما تشوفون رغوة الخميرة ..
تحطونها بالعجانة وتبدون تسونها زي أي عجينة عادي ..
وراح تكون قاسية شوي بالبداية بعدين تحسين ان وعادي
ولانت وإندمجت تمام ..

تدهنينها بشوية زيت زيتون وتخمرينها
بعد ما تتخمر تشكلينها زي ما تحبين ..

والبيتزا لها حشوات كثير ومتعددة جداً
وكل حشوة لها طعم مميز ونكهة خاصة ..



هنا بصلصة البيتزا والطاطم المجفف والريحان وجبن الموتزريلا



هنا بالصلصة والمشروم والزيتون وبصل أحمر وفلفل بارد

طبعاً قلت لكم اتركوا خيالكم يشطح وبيطلع لكم أنواع روعة من البيتزا
يعني مو لازم الصلصة الحمرا ممكن صلصة بيستو أو صلصة جبن
وفوقها لحوم أو دجاج كثير أشياء لذيذة بس الأهم نعتمد على ذائقتنا

الكالزوني ..

هي عبارة عن بيتزا برضو بس مقفلة نفس العجينة والحشوات لها برضو منوعه ..
مجرد إنو طريقة لفها تختلف وممكن طريقة تقطيعها ..

حشوتي هنا ..
صلصة طماط / ذرة / موزاريلا / فلفل أحمر بارد بس مشوي / ريحان وبقدونس / بصل أحمر/زيتون

طريقتها تفردين العجينة عادي بعدين تحطين الحشوة بنص العجينة وتقفلين النص الثاني
عليها .. لو تحبين ممكن تسوين فتحات بسيطة للعجينة من فوق بشكل خفيف ..



تقدرون تقسمونها من النص ولو تركتوها تبرد شوي ممكن تقطعونها أصابع ..



ساندوتش بنيني " رومانو " إيطالي

المقادير ..
أي عجينة فطاير أنتِ تضبطينها ..
عجينتي ..
3 كوب دقيق ويفضل الكويتي
ممكن تزيد أو تنقص حسب الدقيق
3 ملعقة حليب بودره
1 ملعقة بيكنج بودر

تخلط هذه النواشف في زبدية إلى أن نخلط باقي المقادير وهي:
في الخلاط:
1 علبة زبادي دافئ
1 بيالة زيت
1 ملعقة خميرة ونص
فنجان سكر
شوي ملح
مقاس علبة الزبادي ماء دافى
فردت العجين وقطعته مربعات تقريباً كبر حبة التوست
وحطيتها بالفرن . .



طلعتها من الفرن قسمتها بالنص طبعاً
سويت صدور دجاج منقعتهم من قبل بخردل وشوية خل بلسمي
وشوية صويا وبهارات وبابريكا وملح ..
الصدور دقيتها ع أساس ماتكون عريضة أبداً
الساندوتش دهنته بالمايونيز
بعدين حطية عليه الطماطم والريحان
وجربتو بالنعناع برضو طلع جميل جداً
بعدين حطيت صدر الدجاج ورشيت عليه جبن برميزان
وشريحة جبن سلايد ..
وخس
حطيته بالحماص وقطعته بالنص وقدمته ..

[افديك يارسول الله]

رول الجبن والبصل ..

هالحشوة جميلة جداً يابنات اللي يذوقها يحس بنكهة دجاج وهو أبداً مو فيه
الحشوة عبارة عن جبن كيري وبصل .. نشوح البصل على النار لحد ما يذبل شوي
بعدين نزيد عليه الكيري ونحاول نحركه شوي وبعدها نقفل النار عنه لأنو بيذوب
ويتداخل بالبصل .. وبتكون كيذا حشوتنا جاهزة << أنا بالعادة ازيدها شوية ملح

طريقتها ..

نفرد العجينة ونقصها على شكل مربع ونفرد عليها الحشوة ونلفها رول " إسطواني "
وندهن وجهها بخلطة البيض والحليب أنا سويت منها 3 وحدة سويتها سادة
ووحدة رشيتها سمسم ووحدة رشيتها حبة سودا




نتركها تبرد دقايق بعد الفرن تتماسك الجبنة شوي وبعدها نقطعها ونقدمها



من نفس العجينة .. سويت صفايح الهوت دوق بالجبن ..

بشرت الهوت دوق وشوحته على النار مع بصل وفلفل حار ..
حطيتها على صفايح العجين ورشيتة بجبن قشقوان



طلعته من الفرن بعد ما حمرته وقدمته





فطاير بعجينة الأعشاب ..

الطريقة ..
مثل اي عجينة فطاير تسونها بس تزيدون عليها
نعناع ملعقتين / وملعقتين كابر بردقوش / ملعقتين بقدونس
سويت منها كب كيك ..



الحشوة عبارة عن أنواع جبن ما حاولت ازيد عليهم اي شي لأنو العجينة
أساساً مطعمة ومنكهة

دهنته من فوق بخليط الحليب والبيض ..
وقدمته بعد النضج .. وهو دافي مع كاس شاهي إدماااان




وحدانية



نفس العجينة لفيتها بطريقة ثانية وحشيتها جبن مثلث أخوي مات عليها
مدري من العجينة ولا لأنو من عشاق الجبن المثلث

[افديك يارسول الله]

حلويات رمضانية
طبعاً لكل شخص طريقته باللقيمات والجبنية والتاوة والكنافة
وأشياء كثير من الحلويات اللي متعودين ناكلها برمضان

حبيت اعطيكم بعض الطرق اللي أستخدمها وبإذن الله تجربونها وتعجبكم

اللقيمات ..



المقادير ..
3 أكواب دقيق
بيالة شاهي زيت ..
بيالة شاهي لبن ..
بيالة شاهي حليب بودرة
بيالة شاهي نشاء..
كاسين ماء ..
ملعقة كبيره خميرة..
ملعقة صغيرة بكنج باودر..
تخمر من ساعة الا ربع الى ساعة تقريباً ..
قبل القلي مباشرة تحطين عليها بيضه و تحركينها وتبدين
تشكلينها وتقلين



بعد القلي احط عليها شيرة تكون ثقيلة شوي تميل لقوام العسل تقريباً
وأقدمها ..




الجبنية ..

تعددت أنواع الجبنية من بيت لبيت وكل طريقة غير الثانية
ناس بالتشيدر وناس بالجين الأبيض وناس بالجبن الكاسات
وكل طريقة لها جمالها أو محبينها

جبنيتي أنا بالجبن الأبيض علشان كيذا تقدرون تقولون مالحة
تشبه بطعمها اصابع الجبن .. وممكن تسونها بالجبن الأبيض قليل الملح
وطعمها يطلع روعة ومتوازن جداً

المقادير ..
علبة صغيرة جبن قليل الملح
"بالصور انا مسوية دبل المقدار العادي "
بيضتين ..
2 ملعقة كبييرة سكر
2 ملعقة كبيرة حليب باودر
2 ملعقة كبيرة خميرة
2 ملعقة كبيرة Bb
ربع كاس ماء
ربع كاس زيت والأفضل تستبدل بأصبع زبده مذوب
من 3 الى 3 ونص كاس دقيق ..
الطريقة ..
تخلطين الجبن وباقي المقادير بالخلاط الكاس
وتحطينها ع الدقيق وتعجبنين تمام
تتخمر من نص ساعة الى ساعة الا ربع حسب درجة حرارة المكان

تفردينها وتقطعينها زي ما تحبين سوا رول التقطيع
أو بأشكال التقطيع العادية



بعد القلي نسقيها بالشيرة او نحط عليها عسل زي ما تحبون
وتقدمونها ..




مربعات التمر والجبن ..

حلا سهل جداً والحلو فيه يتفرزن وتقدرين تطلعينه اي وقت
يفك أزمة وطعمه جداً لذيذ

مايحتاج شرح الصور واضحة وهو سهل جداً



نقطع السويتزر 3 بالطول بعدين نقطعهم بالعرض ونسويهم شكل +
نحط قطعة تمر بالوسط وفوقها قطعة جبنة ..
نقفلها على بعض زي المطبق .. "أنا أقفلها بعجين "
نقليها ونرش عليها شيرة وبعدين مكسرات محمصة سواء جوز هند
أو لوز مبشور محمص
<< للأمانة طلعت باللوز أطعم وطبعاً كل شخص وذوقه
وطريقة ثانية لو نحب نغطيها كلها بجوز الهند انو نغطها بالحليب

[ام سلمان 99]

موفق بإذن الله ... لك مني أجمل تحية .

[افديك يارسول الله]

شـكــ وبارك الله فيك ـــرا لك ... لك مني أجمل تحية .

[فسرو لي لو سمحتو]

أتعب وأنا اقول أحبك في الله ياأختي الغاليه والمبدعه ...

[ريحانة الوجود]

الله يعطيك العافية مشكوووورة تسلم الأيادي