[مزيونة مطير]

السلام عليكم ورحمه الله وبركاته...

اليوم جايبتلكم قصيـدهـ لوآحد آول مرهـ يركب طيـآرهـ

وانشاءالله اتعجبكم :

وادعت ناجح مـن مطـار القريـات
يـوم ركبونـا الطائـره وشلعتـنـا

لفت ودارت وامرجت بيـن لحظـات
لـولا الكراسـي والمحـازم رمتـنـا

طاروا بنا حمـر العلابـي خواجـات
زغـل العيـون وجيههـم هولتـنـا

تكفى تشهد يا ( فهد ) واقـرأ آيـات
المـوت جانـا والظـروف اجبرتنـا

جانا المضيف وقال وش فيه خدمات
قلـت نزلونـا بطـونـا موجعتـنـا

من قبل اشوف الغيم دون السمـوات
واليوم اشوفه يـا فهـد مـن تحتنـا

عز الله اني ما حسبـت الحسابـات
والا تــرى سيـارتـي موصلتـنـا

يا زين ممشى الارض لو هي مسافات
إلنـا بشعيـب ٍ مجهزيـن قهوتـنـا

وش جابنـي لطائـره والمطـارات
والله مـا عُـو د ركوبهـا إن نزلتنـا

لو تنفجر قامـت تذيـع المحطـات
رح عـاد دور قشنـا مـع جثثـنـا

[خلووووود الخالد]

هههههه هلا فيك مزيونة مــطـــير ضيفة جديدة وخفيفة ظل ! انا اشهد يا زين الـحــزم ( الارض ) لكن والله الطائرة تاخذك بعيد عن بعض الآوادم والمشاكل ! لو علي أخلي الطائرة تدوج بي ما توووقف ههههه والله ماعاد فالأرض شي يسوى .إلا بيت الله الحرام ومسجد نبيه وبيوت الله عامة هلا فيك مزيونة مطير وننتظر زين مشاركاتك

[مها]

وعليكم السلام ورحمة الله وبركاته

عز الله اني ما حسبـت الحسابـات
والا تــرى سيـارتـي موصلتـنـا
يا زين ممشى الارض لو هي مسافات
بالفعل هذا ما يدور في ذهني في كل مره أركب بها الطائرة
والله لولا محبة بيت الله الحرام لما هانت علينا الأرواح لركوب الطائرة .
جزاك الله خيرا كلمات جميلة جدا ومعبرة عن شعور صادق ..

[زينة الحلوة]

ههههههه هذي القصيدة عني أي والله يازين الأرض

[ريحانة الوجود]

يا زين ممشى الارض لو هي مسافات
إلنـا بشعيـب ٍ مجهزيـن قهوتـنـا
مشكوووورة

[اميره في حياه اميري]

هههههههههههههه
اجل لو يسافر برا المملكه لي دول اروبيه اش بسوي بالوقت ههههههه
اقول يازين الطائره والسياره
ولا السفينه هذا هو الموت الطيئى
اعوذ بالله
تحياتي اختي قصيده حلوه

[شــــادن]

ههههههههه يسلمووووووووو

[قوة الألماس]

ههههههههههههههههههه
صاجة