[محبة خالقها]

بسم الله الرحمن الرحيم
السلام عليكم ورحمة الله وبركاته

كـــيفكم حبيباتي اليوم عساكم مروقين
الموووهم راح ادش عالموضوع طوااالي طبعا من اسم الموضوع اتوقع عرفتوا الغمنده يعني الصراحه حنا يالحريم حتى في هالسالفه حقنا ضاايع عذاب مابعده عذاب
طبعا انا ماكو منتج له علاقه بالشعر الغير مرغوب فيه الا واستخدمته ماخليت حلاوه ولا مكينه بروان ولاحتى امجوي ماكو فايده وطبعا الموس انسي ماتلحقين تشيلين الشعر المغرب الا وهو ناقز لك يوم ثاني الصبح هذا غير خشونة البشره
بس انا الحين حاطه عيوني على منتج (ضحيه جديده) الا هو شرايح فيت الشمعيه لانه الصراحه اللي في الدعايه عليها سيقان صواريخ وودي اوصل لنفس مستواها الصراحه ماكو احد احسن من احد

الصراحه حاليا استخدم المكينه بروان واحسها تخلي الشعر يطلع من تحت الجلد يعني تصير لي الشعره تحت الجلد وتصير بشرتي كانها مبقعه الله العالم ماني ناقصه عاهات هع
هذا غير طبعا المنطقه الحساسه عاد هذي حكايتها حكايه الصراحه بلشه لانه لو شلتيها بالموس ابشري بالسواد الحالك والبشره الخشنه بس الحلو في الموضوع انه ماكو ألم

اما بالنسبه لمكينة بروان او غيرها انسي اني اقربها من ذيك المنطقه
فقلت مالي الا الحلاوه وربي انه تجربتي معاها قصيرة الامد بس حطيت ديك القطعه الصغيره ومارضت تنشال حتى جلست اصرخ ياعمي سيبي واسيب

بس هالمره قلت خليني اجرب شرايح فيت الصغيره المخصصه للمناطق الحساسه واخذت العلبه الزرقه وكانت والله حلوه تنظف وماتوصخك ولا شي بس العيب اللي فيها انها تشيل الجلد اكثر ماتشيل الشعر ....فوش رايكم شسوي والله احترت ماني عارفه وش الحل يقولون الشرايح العاديه افضل للمناطق الحساسه ولباقي الجسم وانا ماجربتها وودي اجربها
اللي عندها الحل يرحم والديها تقول لي واعذروني على الاطاله بس حبيت انكم تشاركوني مسيرة العذاب اللي مريت فيها

واللي عندها بعد تجارب تقول لاتستحي تقلط وتشاركنا
واذا الموضوع سبق وطرح ياليت تعطوني الرابط عشان استفيد
ومشكورين

[رحلة زمن]

مافيه احسن من المزيل وبس

[محبة خالقها]

بس المزيل ماينفع ويه المنطقه الحساسه
وحتى على باقي الجسم لانه يقص الشعره مايزيلها من جذورها

[شجانى حبها حتي بكيت]

شـكــ وبارك الله فيك ـــرا لك ... لك مني أجمل تحية .

[آيات الله]

شـكــ وبارك الله فيك ـــرا لك ... لك مني أجمل تحية .

[امراة رزينة]

ياحبي لك والله انك صادقة

صراحة انا يا الحريم مساكين الله يرحم حالنا

بالنسبة للمنطقة الحساسة انا أشوف ان ما فية مثل الحلاوة!!

صحيح تعور وتصيح احيان بس النتايج حلوة!!

يعني نعومة ولا تسود ولا تخشن ولا يطلع بسرعة!!

وش تبين غير كذا؟؟

واذا على الالم ما عليش تحملي شوي واللي يبي الزين يصبر

احنا نقول اللي يبي الدح لا يقول اح!!

وصدقيني ترى الالم بس في البداية

بعدين تتعودين وتصيرين ما تحسين فية صدقيني (عن تجربة ترى)!!

ولا تاخذين قطع كبيرة بعدين تبلشين بعمرك!!

خذي نتفة نتفة

واذا تقولين مرة ما أقدر أتحمل تعرفين البنج البخاخ

اللي يستعملونة للاسنان؟؟

جيبية وبخي على المنطقة قبل لا تشيلين بشوي

هو صحيح ما يبنج نهائي بس يخفف

أعرف ناس معرفة شخصية يستعملونة

تلاقينة في الصيدليات

بس قولي للصيدلي ابية لاسناني

لا تقولين ابيه ل............ ( امزح أدري ما راح تقولين)!!!!

خذي نصيحتي وانا أختك تراة انظف واجمل

والله يعينك جربي وعلميني انا أستناك(لا تجين وتقولين ما قدرت)!!

ترى ياويلك مني لا أجي وأنتف لك بنفسي!!!!

(تحمست الأخت)!!!!!

[ريــ المـاس ــم]

والله انا ما استخدمت غير الحلاوة بس جبت زيت نمل واحاول ابد فيه والي عندها تجارب عن هالزيت ياليت تقول




مشكوره


والله يحقق لك امانيك


.,

[كلي امل وتفاؤل]

السلام عليكم ورحمة الله وبركاته
كيفكم بنااااات؟؟
ياقلبي مايصلح تشيلي المنطقه الحساسه الا بالحلق
لان فيه بكتيريا ماتروح الا بالحلق سبحان الله
اما الابط لا بالنتف طبعا لانه سبحان الله مايكروبات الابط ماتروح الا بالنتف
وراح انزل هالموضوع للفائده ان شاءالله
الله يسعدكم يااارب
ان شاءالله اكون اعطيتكم فايده

[1404]

يعطيك العافيه