[محبة الدين]

بسم الله الرحمن الرحيم
منقووول للتسليه
حل للركب السوداء
طبعا معروف أن الركب السود علامة الجوده السعودية (تخصص صبايا )







طيب والشباب؟
الوجية الركب



يوم كنت صغيره كنت دايم ابلش امي
يمه



ورا ركبتي ميب مثل ركبة حصة بنت خالتي بيضا تلق



<<حصة طبعا وحده من خيالي ولا اصلا مافي ركبة سعودية بيضا
امي:
روحي قطعي بصل لاتبلشينا

-يماااااه


طيب ارفعي معنوياتي شوي

وترد امي بكل مااوتيت من قوه:
يعني قلّت ؟
مابقى الا ركبتس تبلشين فيها
انتي بكبرتس خلف خلاف
رديت من القهر:
-طالعه عليتس


ولا انتبهت الا ذا الزبيرية اللي تمشي مليون تطبع على خشتي

وتمر الايام وتمر السنون
وركبتي حالفتن عليها كل يوم تسود عن اللي قبله
لين كبرت انا وكبرت ركبتي وصارت اسود مقلم برمادي

كنت قاعدة مره وحاطه رجل على رجل
وكانت ركبتي تويق (( تويق يعني تطل ))
ووحده قدامي تقزني
والركبة عادة اذا سفطتيها (حطيتي رجل على رجل )تنمط وتصير افتح
انا العكس
اي حركه تضرب في المليان


وانا اقز وهي تقز
المشكله مااستحت ولانزلت عينها
وانا مستغربه وش قاعده تناظر
يوم استوعبت وانا اللي اغطي ركبتي بسرعه
وتلفتت على اللي جنبها وتقعد تحش
وتضحك
لاحووووول
وش الحل مع هالسواد
فشلنا

ماخليت لاكريم ولا فازلين ولا زيت الا ومرغت ركبتي فيه بس مافي فايدة
لين توصلت لخلطة ممتااااااازة
اختي الكريمه
ياام ركبه سودا




هل تريدين ركبة اطلق من ركبة نانسي عجرم؟





انقهروا يابنات



جددي حياتك بهذه الخلطة

إليك اختي خلاصة تجربتي مع هذه الركبه
ملعقة فازلين + ملعقتين كلوركس + خمس ملاعق فلاش + ملعقة فير اند لفلي .. ولاتهون موية النار
اخلطيهم مع بعض وادهني ركبتس ..هي مره وحده بس بعدها مانتيب لاقية ركبة سودا.. هذا اذا لقيتي ركبة اصلا


(افرضي الركبة صارت ورديه وش شعورك بالضبط في هذه اللحظه)<< طراه بنت ابن عجرم
من جهتي
لو ركبي وردية اول شي بسويه بزاعلكم <<الناس احلامها ملايين وانا ركبة الله يخلف على امن جابتني
ثاني شي بسويه
بسوي حفل استقبال للركب البيض وشرط كل وحده تدخل لابسه قصير (ممنوع اصطحاب الركب الملونه)

اصلا موب حلو الركبة تكون بيضا (اللي مايطول العنب)
وعععععع ركبة ذي ولا قلة حيا



اصلا بيكون وقتها الساق والفخذ حيسي بيسي ماتعرف تحدد وين موقع الركبة بالضبط يعني لو ركبتي لاسمح الله بيضا
برسم عليها سهم واكتب(هنا ركبة ) عشان مااضيّع مكانها
بعدين احلى شي .. تلقون درجات الابيض الى الاسود موجوده في الشخص الواحد .. يعني من كل بحر قطره


منقووووول للتسليه



^_^