[اللهم سهل امري]

السلام عليكم ورحمة الله وبركاته
كيفكم يا احلى اخوات في المنتدى ؟؟
راح ادخل في الموضوع دغري
طبعا زي ما بعضكم عارف انه انا ادرس في كليه مختلطه وطبعا الكليه فيها الناس الطيبين وفيها السيئين لاكن بصراحه السيئين اكثر وبتحصل اشياء في الكليه ما تنطاق والشباب بيكسرو قلوب كثير من البنات وانا حابة اعطي محاضرة في الكليه انصح فيها كل من الشباب والبنات بس محتاجة افكار منكم تساعدني اني اسوي عرض معبر ومؤثر وفي الصميم
شاكرة لكم ^_^

[كنان2]

ماشاء الله عليك ربي يبارك فيك .. اعطيهم ايه ومعنى ..

[اللهم سهل امري]

اميـــين يااارب
ممكن احط اية ومعنى وراح اناقشها باذن الله بس ايش تقترحي اختار من الايااات؟؟
وكمان فكرت انه اسوي عرض على البوربوينت واحط عليه زي مقاطع وكلام مؤثر وقراءات وكلام من نصائح بنت تائبه وايش الاشياء الي اثرت فيهم وانه كيف يسوو المعصيه وبيخافو انه الناس تشوفهم مع انه بيسووه عيني عينك امام الله بلا حياء ولا خجل
وكنت بافكر انه راح افتح معاهم المجال للنقاش .. صح لساني قوي في الجدال بس محتاجه اجمع افكركم كلكم عشان اقدر اصيغها يعني مثلا :

ايش رايكم في البنت الي تكشف وتقول انا محترمه وما اكلم اولاد بس يكون البالطو الابيض حقها ضيق وتحط ميك اب وتمشي ؟؟
ولا البنت الي تقلك احنا زي الاخوان وعادي نضحك ونتكلم ويضربو كف بكف مافيها شي ما سوينا شي غلط ؟؟
ولا الولد الي ما يصدق يشوف وحده ويقعد يمشي وراها ؟؟
ولا الي يحبو اثنين في وقت واحد ويخربو ويتكلمو في سمعه بعض ؟؟

[اللهم سهل امري]

وهذي كمان اسئلة اخرى ارجو من اخواتي في المنتدى الاجابة عليها :

تتوقعي الشاب الي يوعد بنت كاشفة بالزواج مع انه عائلته محافظه يكون صادق ؟؟
هل تقبل البنت تتزوج شخص على علاقات سابقة ببنات والبنت ما من هذا النوع ؟؟
ماهي نظرتك لبنت كلمت ولد حتى لو كانت صادقه وحتى لو انه اول شاب في حياتها ؟؟
اذا قالت لك بنت هو يحبني وجاب لي هدايا وما قصر بماذا تردين عليها ؟؟

[اللهم سهل امري]

انا بانتظر وبس كنان الي ردت علي !!!

[ساجده لرحمن]

السلام عليكم ورحمة الله وبركاته

كلن لهو من اسمهو نصيب ادعي
الله بان ييسر امرك بالدعوه في مثل هذة

الاماكن المختلطه حسبنا الله ونعم الوكيل

[قلب الفراشة]

جزاك الله خير

يعطيك الف عافيه

[ددموع الورد]

الله يعينك على فعل الخير يارب

[محبة خالقها]

والله حبيبتي بالنسبه للأفكار راسي مفضي كله من الاختبارات ماخلت فينا عقل

بس حبيت اقولك انه لا تستخدمي اسلوب الوعيض والتهديد كثيرا لانه راح تنفرينهم منك
حاولي تستخدمي اسلوب يقربهم من الله والدين بشكل محبب والوعيد بالمغفره والجزاء الحسن وبجذي راح تحببيهم للموضوع اللي انتي تطرحينه

وجزاج ربي الف خير ويعطيج العافيه والله يكثر من امثالج

[محبة خالقها]

بس حبيت اضيف شي بالنسبه للأسئله اللي طرحتيها اعتقد انه اجابتها واضحه
بس المصيبه اللي يرتكب الشي ويعتقد بينه وبين نفسه انه صح وهو راكبه الغلط من ساسه لكرياسه
يعني كل اللي قلتيه ينافي الدين وناهيك عن العادات والتقاليد
بس الله يصلح شبابنا وبناتنا ومو كل مجال فيه اختلاط معناته خراب في خراب اللي يحترم نفسه
راح يفرض احترامه وين ماكان
واسفه اذا تفلسفت كثيرا هع :D