[دمعة رجاء]

خابرك تبيني وانـا مثلـك ابيـك
من بعد مـادار الزمـان ولقيتـك

ياصاحبي ماعاد لي رغبـة فيـك
ابيـك تنسانـي مثـل مانسيـتـك







وان كان ودك في مواصل محاكيك
اجـل بـلاش الـلـفـلـفـه لابكيتـك








عشرة شروطٍ كان تبغاني أجيك
حتى يعوّد قلب مغليك بيتك







ابيـك ترضينـي وتتـرك تغليـك
وابيك تعطينـي مثـل ماعطيتـك







وابيك تفرح بي ليا جيت ناصيـك
يعني تفـز وتنتهـض لانصيتـك








وابيك تنسى كل من كـان شاريـك
مادام انا بدمـوع عينـي شريتـك








وابيك تعرف قدرك بقلب مغليـك
وابيك قـد الهقـوه اللـي هقيتـك






وابيـك تتنـازل وتتـرك تحديـك
وابيـك خطـٍ لاكتبتـك قريتـك






وابيـك تنسينـي دروب التهاليـك
يادربي اللي تهت فيـك ومشيتـك






هذي شروطي كان تبغاني اجيـك
هذا بعد ياصاحبـي كـان جيتـك

مما راق لــــــــي

[عذراء الثلـج]

بارك الله فيك

تعجبني هــذي الأبيـااات وأحب أسمعهـاااا دااائم

نقل رااائــــــع .

[دمعة رجاء]

المشاركة الأصلية كتبت بواسطة عذراء الثلـج بارك الله فيك تعجبني هــذي الأبيـااات وأحب أسمعهـاااا دااائم نقل رااائــــــع .

نورتي يالغلا

تشرفت بمرورك الطيب

[كنان2]

هذي شروطي كان تبغاني اجيـك
هذا بعد ياصاحبـي كـان جيتـك

كلك ذوووووق ..

[دمعة رجاء]

المشاركة الأصلية كتبت بواسطة كنان2 هذي شروطي كان تبغاني اجيـك هذا بعد ياصاحبـي كـان جيتـك كلك ذوووووق ..

الذوووق يكمن في تكرمك بالمرور

في صفحتي المتواضعة

لاهنتِ كنونه ....