[طير الحباري]

تعرفون انتشرت ألحين أقلام الليزر لمعاكسات البنات ومضايقة العوائل من الشباب وهدفهم المغازلة
لكن ألحين طلعت حركه جديدة من الشباب يستهدفون البنات إلي يلبسون عبايات مخصرة وفاتنة
وسمو نفسهم حملة شباب الكلوركس للتبيض !!!!؟؟؟؟

السالفه هي :
اللي قالت لي الخبر بنت محتشمة في لبسها للعباية
تقول رحت أنا وزوجي للسوق ومنها بنلعب العيال ، شفت أربع بنات لابسين عبايات مره فاضحه ، يـبان حجم اليد والصدر والخصر ومن تحت فضفاض
واثنين شباب يمشون وراهم وأنا وزوجي عيونا عليهم وشوي إلا واحد من الشباب طلع من جيبه أبره ورش عبايات البنات وانحاشو !!

جلسنا نمشي ورى البنات ، تقول وشوي تغيرت لون عبايتهم طلع لها لون غريب يضحك / واضح إن منكب عليهم كلوركس !!



وبعدها جلست أدور في عبايتي عسى مارشوني أنا بعد !!

تقول الحمدلله عبايتي ما فيها شي
وراحوا البنات
وتقول زوجي مستغرب و يفكر ليه سووا الحركة هاذي ؟؟!!

تقول سبحان الله بعد ماشريت لي ملابس رحنا نلعب العيال بالملاهي إلي بالسوق ولقينا نفس الشباب وقلت لزوجي شوفهم هناك ورى البنات



وراح لهم زوجي وبعد خمس دقايق رجع يضحك قلت له هاه وش السالفه ؟؟
قال وهو يضحك : الإبرة اللي شفناها معهم هذي أنبوبات بدون أبره وفيها كلوركس يقولون اللي عجزت عنهم الهيئة تكافحهم إحنا نكافحهم !!

يقول الشاب لزوجي : نجي بدري لأي سوق يسمحون لنا ندخله و نلبس بنطلون أبيض أو ثوب ونحط في الجيب الواحد 10 أنبوبات فيها كلوركس ونرش عبايات البنات المخصرة والفاتنة ويحلف بالله اللي محتشمة ما نرشها !! نرش بس العبايات المخصرة والفاضحة !!
وسمو نفسهم شباب الكلوركس للتبيض... !!
يقول عددنا اللي في السوق 10 نتقسم وإذا خلص الكلوركس اللي معنا نروح نعبي من الجالون اللي بالسيارة
وسألهم زوجي ليه تسوون كذا ؟؟
تعرفون ويش قالوا ؟
قالوا هدفنا واضح هو نخلي هالبنات يلتزموا بالستر وبس !!!!.....


والله عليهم حركات ماتجي في بال أحد
وانصح كل وحدة بالستر في كل مكان مو في السوق وبس ولا راح تكون عرضه لشباب التبييض !
وأضحوكه للناس!

وعلى فكره شفت كم بنت ينعدون على الأصابع في أحد الأسواق تعرضوا للتبييض بالكلوركس !!

عساهم يتأدبون

الله يهدينا ويهديهم ويستر علينا وعليهم
منقول من الايميل
__________________

[زهور..]

الله يعطيهم العافيه احسن عشان البنات مر ثاني يحتشمون في لبس العباية الله يهدي شباب المسلمين

[السلطاانه]

.:.:.:. هذا تخريب ... الامر بالمعروف والنهى عن المنكر دون الاضرار بالممتلكات ...

انا لا اوفق على هذا التخريب .... ولا يعجبنى هذا التصرف > لانه ضار ..

بالغلط يرشون احد مار في عينه او مريض بالسكري على يده ويكون جرح مفتوح ...

او وحده منهن تحمل طفل .. وياذى من الكلوركس .. ساعتهاااا من المسؤال ؟؟؟؟؟

يسلموووووووووووووو .. على الموضوع

[الـــــــندى]

هذا تغيير باليد............................................. ....



الله يوفقهم هخليهم يخلصونا من هالفساتين اللى أشباه العبايات....

[السلطاانه]

الاولى يغيرون الشباب الى مثلهم .. ( الجنس الثالث ) بالنصح ... ويتركوا النساء للنساء ..

[الـــــــندى]

معليش أختى (( السلطانه ))...
لأن بعض البنات مايلبسون هالعبايات الأ لجذب الشباب لكن لما ياخذون موقف من هالعبايات بيبطلون يلبسونها يخافون عليها

[أم ميمونه]

سبحان الله هل هذا اسلوب دعوة ؟؟؟؟؟؟

هذا اسلوب تكريه وتنفير من الاسلام وماهكذا تكون الدعوة ؟؟

الله وضع لنا منهجاً للدعوة إليه ، الله قال لنبيه :(ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بالَّتِي هِيَ أَحْسَنُ)

- الدعوة إلى الله بالحكمة ، والحكمة هي العلم والبيان والحجة فتدعو بالعلم وبالأخلاق الطيبة وبالرفق واللين ,,

اما شباب الكلوركس فمنهجهم غير سليم البته فما هكذا تؤكل الكتف والاولى ان يصلحوا من انفسهم وعقلياتهم المريضة قبل ان يصلحو غيرهم ,,

ملاحظة كان الاولى من زوج المرأة عندما تلقف وسألهم كان ينصحهم مو يمشي ويضحك !!!!!!! ,,,

[مها]

سبحان الله هذاتخريب وتنفير!! لابد من الداعي للخير أن يدعو بالتي هي أحسن والله الهادي إلى سواء السبيل .. جزاك الله خيرا .

[طير الحباري]

بالفعل احيانا الكلمة الطيبة والاسلوب الجميل يفي بالغرض .. والله شبابنا وفتياتنا فيهم خير كثير جدا ولكن يحتاجوا الى من يوجههم ..

[السلطاانه]

ام ميمونه ... كفيتى و فيتى ... جزاك الجنه ..