[ضاعت أحلامي]

المشاركة الأصلية كتبت بواسطة strange أخوي إسمعني زين خلاص موضوعك أكتم عليه الحين وخلك صابر لين زوجتك تلد الأخوة الحمد لله ماقصروا معاك والكل من القلب يدعيلك الباقي إنك توكل أمرك لربك وانتظر لين تخلص ولادتها بعدها متأكد إنها بحن قلبها وبتتغير إنت أستغفر ربك دائما وادعي لها أحسن ماتدعي عليها وعلى أهلها إذا كنت فعلا تريد تحل الموضوع فاسمع مني أول شي لازم تكون صابر جدا وتحمل شوي عشان تهدى الأمور أعرف إيش إلي فعلا مخليها تكرهك وصلحه حاول كل فترة وفترة تاخد لها هدية وواعطيها لأمها وخلها هي تعطيها لبنتها بعدين ياأخي مافي داعي ترسل أحد لا عمك ولاغيره روح إنت بروحك وشوف أمها أبوها أخوها وخلوكم صريحين حطو النقط على الحروف وحلو الموضوع بعد الولادة إن ماتغير شيء خلاص قول لهم أنا تحملت عشان بنتكم والولد بس إنتو ماتقدرون وأنا بشوف وحده غيرها وسوي نفسك فعلا تدور على عروسة ثانية ولا تطلق الأولى هي لما تشوف الأمر جدي بتراجع نفسها إجلس بينك وبين نفسك وفكر بكل شيء مناسب لأن مافي عضو هنا ممكن يعرف الأمور كلها على حقيقتها ولاحد ممكن يقدر يعطيك الحل المناسب إنت وحدك إلي تقدر زوجتك ما أتوقع إنها سيئة وماتقدرك بس أكيد فيه شيء مأثر عليها لذلك تودد لها كثير وبين لها حبك لها ولاتعاند وتكبر راسك لأن ماهو بأسلوب إنت لازم تعرف إن كانت تحبك أم لا وهذا المفروض يكون في الأيام الأولى من زواجك أهلها تكلم معهم بصراحة قول لهم إنتوا راضين على هذا الحال؟؟؟ يعني سوي أي شيء مناسب والله يهديها ويصلحها يارب وكفاية أخوي كثرة شكواك الحين مابتجيب نتيجة أصبر وتوكل على ربك

الله يبارك فيك ماشاء الله انا معك اخي في كل ماتقوله ....


اخي غايتي الرضى حاليا لاتضغط ولاتلح على زوجتك بموضوع الرجعه واجعل لها متنفس قليلا هي وكل من ترسله كوسيط لها اثقل شويه وخليها الى ان تلد بالسلامه ووقتها الحقائق تتضح وهنا بعد الولاده قرر وارسل المراسيل .....

وانا اشوف انه من الافضل ان لايتدخل الاهل بمشاكل الزوجين بصراحه اخالف الاخت الفاضله ام لنا في هذه النقطه مسالة ارسال عمك او ابوك او امك ماله داعي ابدا لانه راح تكثر الاقاويل وهذا يزيد وهذا ينقص وهذا يفهم غلط وممكن تكبر المشكله اكثر .... من باب تجربه الاهل احيانا يدمرون مايعمرون للاسف بسبب سوء التصرف والتدخلات العشوائية الخاطئة .....

اصبر ولاتتسرع في الحكم .... وتعوذ من الشيطان ( ليس الشديد بالصرعه ولكن الشديد من يملك نفسه وقت الغضب ).....لاتخلي غضبك يعميك