أقسام الموقع

هدى وهداية · 11:34 AM

يانبرة الحزن ما لك بالحناجر كفن
..............متى على الله يوم ادفنك واستريح
من سبعة شهور وعيون السهر ماغفن
..............يمنى العطا وش جزاها بالزمان الشحيح
الحلم ولّع بقلبي شمعتين وطفن
..............بين ابتسامة مكابر والتفاتة جريح
تغّير البحر والمرسى وضاعت سفن
..............كن الليالي لعثرات الامل تستبيح
اعطيت واوفيت لين ان الظروف اكشفن
..............فرق النوايا وفرق المصطنع والصحيح
ياصاحبي لا تقول ان الليالي صفن
..............البحر يصحي سكونه كلما هب ريح
حاول تعالج جروح باقيه ماشفن
..............ان جت كذا صح والا جعلها في قريح
والا انت غالي لو ايام السعاده جفن
..............مااهتز قدرك ولو تمّيت عمري جريح
ياضيقة الصدر طعنات المفارق كفن
..............متى على الله يزول الهم حتى استريح

م / ن