[ليمونه حامضه]

السلام عليكم و رحمة الله و بركاته
انا اختكم من الكويت ام عبود
اول شي حبيت اشكوركم على دخلولكم صفحتي
والله اني حاسه انكم في هالمنتدى الكل على قلب واحد
عشان جذي قلت اعرض الموضوع اهني
بنات انا في هم كبير و بلاء و قاعد يزيد و ادري انه تكفير الذنوب لاني كنت بعيده بسبب جهلي او سوء تربيه حيلتها من الاهل
و الله انه ضايق خلقي و الدمعه بعيني و ادري ان ربي رحيم بينصرني
لان شفت اكثر من رؤيه من شهور و ليلحين
باختصار الموضوع و مافيه
انا تزوجت و من قبل الزواجةاساسا كنت ابعيده عن ربي
و تزوجت و حبيت زوجي اقصد الي كان زوجي الحين فقط طليقي و ابو اعيالي
و سبحان الله ما حبيت اجذب بماضيي القديم. فهل جذي يجازوني
انا في وايد صفات كانت مو زينه بس الحمدلله الكل يشهد بطيبتي معاه و مع اهله و ادري مرت ايام ما كنت زينه معااه و ايام بعصمته اتهبل

[ليمونه حامضه]

لاتردووووون لاني ما خلصت

[ليمونه حامضه]

و في بعض الايام مثل العسل و كان دائماً يقول حبج مهما اتسوين
و سبحان الله سويت شغله بسبب عصبيتي و صار الطلاق
طبعا دخلوني بحرب و نفاق و ما صار الطلاق الا وهم هاضمين ثلاث ترباع حقوقي
و انا بالفتره هذي ابوي شاف رؤيه و تفسيرها كان بما معناه اني تغيرت او راح اتغير ا و فعلا وقتها ندمت و رجعت لربي و حسيت بضعفي و حتى الصلاة بالوقت هذا صارت خفيفه المهم انا ليلحين مووقادره ارتاح عشان تهديداته ولكن الحمدلله انا من بعد ما صارت السالفه تغير ضني بربي و قمت اشوف روئ كثيره منها اني مظلومه و اني ان شاء الله لي اجر لان هذا ابتلاء و انا ادري الي سويته لم كنت متزوجه اتسويه كل وحده ضايعه و يمكن بعد اتسوي اكثر من هذا لان الي يكون بعيد عن الله ينسى عقاب الدنيا و الاخره و هذا ابو عيالي نسى كل شي زين نسى العشرهً و انا ما اقول الا حسبي الله ونعم الوكيل و الحمدلله على كل حال لان ربي ما اختار اتطلق بهالطريقه الا لانه يحبني *

[ليمونه حامضه]

و الحين يعاير و يقول ما كنتي تهتمين بعيالج و انا ما اقول الا حسبي الله ونعم الوكيل لاني كنت اعاملهم مثل اهلي و للعلم اهي عمتي يعني عمتي اتصيرو بعد اتصير يدة اعيالي و طبعا كل هذا عشان كنت اعاملها كانها امي و لا حسبت انهم بااجر يدورون الزله طبعا الحين قاعد يهدد باشياء قديمه عشان ياخذ اليهال و يبي يسجلهم بمدارس يم بيتهم و انا مو عارفه اشلون أوضح لكم اكثر بس ان الحرب و النفاق لي لحين ماخلص و قلبه اسود حقود لانه ما تذكر الا الشين الزين. امااانه طلبتكم ادعولي ان الله يغفرلي اخطائي و يرضا عني و يثبتني من بعد ما هداني و انه ينصرني عليهً و يرد لي حقوقي و يصرف شرهم عني
و انا متاكده ان ربي رحيم بيرحمني برحمته

[ليمونه حامضه]

أوضح لكم كل تهديداته عشان يسجل اعيالنا بمدرسه يم بيتهم و ينامون عندهم الاسبوع كله

[عناقيد الحلى]

ما اقول الا ان الله مع الصابرين والله يفرج لك وعليك بمناجاه الله والدعاء في خلوه وباذن الله لن يردك خائبه

[اخت اختها]

اللة يفرج همك

[اخت مشاري]

اختي عليك بالثلث الأخير من الليل واكثري من الأستغفار ليل نهار

والدعاء بالسجود وراح تشوفين كيف ينصرك رب العباد

لن انساك من دعواتي

[أجراس الرحيل]

الله يصبر قلبك وينصر ك وينزل عليك السكينه

اصبري اختي واحتسبي وفوضي امرك الى الله واكثري من الاستغفار والتسبيح وكل ماضاقت عليك صلي وادعي وناااجي ربك ( واستعينو بالصبر والصلاه)))

اصبررررري اختي( لعل الله يحدث بعد ذلك امرا )

[أخوكم]

أسأل الله أن يفرج همك وهمنا وهم الامه الأسلاميه
هذا دعاء دائما ردديه بعد الأنتهاء من الصلاه
(اللهم أني اعوذ بك من الهم والحزن وأعوذ بك من الجبن والكسل واعوذ بك من قهر الرجال وغلبة الدين)