[ام ادريس]

صباحكم خير ومسائكم أخير حبايبنا


تحية اطيب من الطيب وورد معطر


أنا رجعي ومعقد !!!


ليش لأني إنتقدكم ولا أواكب التطور وعايش بمخ جدي ؟


أي تطور هذا الذي تتكلم عنه


قابلت احد الشباب من بني جنسيتي في أحد الدول المجاورة وكان كل يوم يلبس بدله شكل ( لا أعترض على لبس البدلة ) قلت له أخوي لو لبست ثوب وشماغ وإعتزيت بالزي الرسمي لبلدك وتراث اجدادك مهو احسن وخصوصاً انك جاي هنا عمل


تغيرت النبره تغيرت ملامح الوجه تغير اسلوب السوالف لا لخجله بل لغضبه مني قال ياخي مشكلتكم مشكله مسوين في امها فاهمين .


ياخي شكلك عايش بمخ جدك .........؟


وبكل ادب وإحترام أنهينا الجلسة وصار لين شافني والله مايسلم ما أدري ليش ؟ بس هو حر بتصرفاته


إخواني بالله عليكم أنا أخطيت بشي ؟


إذا تذكرنا سنيننا التي مضت سنين الطفولة وأيام الشباب الأولى ماكنا نلبس البدلة إلا وقت الرياضه وفي المدرسه كان الأباء يشددون على التحلي بالزي الرسمي ثوب وشماغ او غتره او ثوب وطاقيه وكنا نلعب والله عادي ما كانت تضايقنا في ممشانا وروحتنا وجيتنا بس الحين ليش صارت (ياخي قلق تحسك مكتوم ومربط ) ليش الشاب تحصل ملابسه 90% بدل وثوبين او ثلاثه فقط للدوام ولايفصل إلا كل سنتين وواحد منهم للعيد يلبسه أول ساعتين بعد ، لماذا نتجرد من زينا . هل أصبح قطعت وجه وفشيله ومن يلبسها عايش بمخ جده ؟؟؟!!!



في أحد حفلات الزواج أصبحت إنسان رجعي تدرون ليش ( لأني قلت لأحد قريباتي لو لبستوا أولادكم ثياب كان أحلا بحكم ان المناسبه رسميه ) بس تبون الصدق في شي شدني في الموضوع أن الي قالت لي انت رجعي مدري وين جابت كلمة رجعي منه والله لاشهادة ولا علم بس اذكر طايحه في السفر لدبي السنتين الأخيره فصارت تملك شهادة الدكتوراه في النقد .



في عيد الفطر الي طاف ياجعلكم تتعيدون سنين مديده وانتم في اتم صحة وعافية ، جمعت اطفالنا وصورتهم


وأنا فاضي هاك اليوم اخذت ألبوم الصور وجلست اتفرج واتذكر لفت إنتباهي حاجة الصور القديمه مافيه أمل تحصل صورة بنت لو عمرها سنه والصور الجديده تحصل صور بنات ( ولا ارفض هذا الشي طبعاً ) في الصورة الأخيرة لاحظت شي تدرون وشو الأولاد لابسين بدل وبدل حشمه الكم طويل والنطلون طويل لكن البنات لابسين قصير وعاري !!! طيب هنا وش رايكم بالله عليكم هل هو شي عادي الستر للأولاد والعري للبنات . ياجماعة الخير يعني ملابس البنات بهذا الشكل ماترسخ عندهم أن البس العاري جداً عادي طيب لين كبرت البنت وش السوات فيها وهي تماماً مقتنعة من فكرة اللبس العاري حبايبي هنا اتكلم وربي من منطلق الغيرة على أعراض المسلمين لازم ننتبه لهذا الموضوع ياجماعة الخير حتى إذا دخلت السوق بتشتري ملابس نادراً ماتجد لبس ساتر ليش كذا والله حاجه تقهر .



حبايبي إن كان كلامي صح فالحمد لله فيه من يأيدني وإن كان كلامي خطأ فإنعتوني ( بالرجعي وإني عايش بمخ جدي ) فإني راضي بذلك .

[اضواء نجد]

لا اعتبر انك\ي عايش بمخ جدك بل ملتزم بدينك اولا ثم عادات اجدادنا الافاضل الذين نفتخر بهم
اليس الاسلام ينهى عن اتباع الغرب وتقليدهم في كل شئ حتى لو دخلو جحر ضب لدخلتموه في معنى الحديث لانني لست حافظه له
استمر\ي على مانت مقتنعه به فهو الصواب والحق

[((( روعة الايمان )))]

السلام عليكم ورحمة الله وبركاته
انا عندي استعداد اعيش بمخ جد جد جد الخ جدي المهم لا شفوني الناس يقولوا والنعم مالي بالشغلعة والللبس البايخ
تكفي نظرة احتقار وكلام من تحت لتحت الله يسترنا بستره ماعرفت امها تربيها او الله من قلت الحياء وين اهلها

لا يقولوا معقدة رجعيه بس محترمة ومتربية ومصاااانة ولا احيب لاهلي كلام ماله داع
كثير متساهلين باللبس كانهم عاادي والله شيء مقرف لا بنت ولا وولد الذوق والاصول اهم والستر اساس
الادهلى انه حتى بالصرعات العالمية للموضة نلاقي الافضل الطويل السااااتر اروع واجمل وارقلا عندنا الخفيف القصير الله المستعااان

شـكــ وبارك الله فيك ـــرا لك ... لك مني أجمل تحية .