[ساحرة البشر]

السلام عليكم ورحمة الله وبركاته



بصراحه تعبت من أقرب الناس لي بسبب نفاقهمويتكلمون عني بالاساءه وغير كذه أنهم يوم يبغون شي يعرفون طريقي ولا أيام الفرح والسعاده ولا كأنهم موجودين بس أول ميطوحون في ورطه يجون ولا كأنه صار شي صراحة علموني كيف أكون قاسيه وصرت ما أستحي أحس أني صرت قاسيه جدا جدا كل منهم وأنا مو حابه ها الشي فيني شو أسوي

لا تقولون لي الصبر الصبر لأني تعبت منهم وما ودي حتى أشوفهم ولكن في المناسبات أروح عندهم وأستقبلهم في بيتنا

بس حسافه صرت أنسانه قاسيه


شو الحل وهل أنا غلطانه؟

[ام الوروود]

بسم الله الرحمن الرحيم اولا اختي استغفري بكثر ماتقدرين ولا تخلين الشيطان يتملكك وكوني اقوا منهم وسامحي وفليها ترا مافي شي يستاهل واصبري خصوصا انهم اقرب ناس لك والله يوفقك وبيجي يوم يعرفون غلطهم وبيعتذرون الله يهدينا ويهديك ويهديهم

[ساحرة البشر]

صحيح كلامك بس والله من كثر الغصه ساعات الواحد ما يقدر يصبر أكثر

شاكر ة لج نصايحج الغاليه يا (أم الوروود)

[منتهى الدروب]

هلا فيك اختي لا مانتي غلطانه ..
بس بسألك..
وش عرفك انهم يتكلموا بالاساءه سمعتيهم والا انقال لك؟؟
وش الي يقهرك بالضبط؟؟
صرتي قاسيه كيف وضحي اكثر؟؟
وش يمنعك ماتصبرين.؟؟
انتي تفكرين كثير فيهم وفي افعالهم؟؟

[ساحرة البشر]

هلا أختي منتهى الدروب

سمعتهم وأكثر شي يصير الموقف قدامي يوم أجي أوضح لهم ما يسمعون ويفسرون أفعالي وكلامي بالغلط يعني يقولون لي أنت تقصدين كذه يحاولون يفسوون كل شي على طريقتهم

ألي يقهرني طريقة تفكيرهم وحقدهم وما يتمنون الخير للناس يعني يوم الله يرزقني بشي أكثر عنهم وجوهم تصير زعلانه ويقولون كيف أنت حصلتي على ها الشي

والي يمنعني ما أصبر لاني زهقت منهم وما فيني صبر وأحاول أتجنبهم بس الوالده تقولي ميصير هذول أهل مع أني ما قاطعتهم بس يوم يكون في مناسبه أوجبهم بس طبعا يوم أروح عندهم يكون باين علي أني مو مرتاحه وأقول يلا بنروح

صرت قبل أفكر فيهم بس الحين لا لأني ما أبغي أعور راسي على ناس تافها بس مقهوره منهم

[منتهى الدروب]

المشاركة الأصلية كتبت بواسطة ساحرة البشر هلا أختي منتهى الدروب سمعتهم وأكثر شي يصير الموقف قدامي يوم أجي أوضح لهم ما يسمعون ويفسرون أفعالي وكلامي بالغلط يعني يقولون لي أنت تقصدين كذه يحاولون يفسوون كل شي على طريقتهم من كلامك طلع ان كل طبع مو زين تقولين هم.. اجل وش يتعبك مادام مو انتي الي يسوي هالطباع ألي يقهرني طريقة تفكيرهم وحقدهم وما يتمنون الخير للناس يعني يوم الله يرزقني بشي أكثر عنهم وجوهم تصير زعلانه ويقولون كيف أنت حصلتي على ها الشي برضه هم وش عليك منهم اهم شيء انتي ربي بيحاسبك على تصرفك والا تصرفاتهم؟؟ والي يمنعني ما أصبر لاني زهقت منهم وما فيني صبر وأحاول أتجنبهم بس الوالده تقولي ميصير هذول أهل مع أني ما قاطعتهم بس يوم يكون في مناسبه أوجبهم بس طبعا يوم أروح عندهم يكون باين علي أني مو مرتاحه وأقول يلا بنروح صرت قبل أفكر فيهم بس الحين لا لأني ما أبغي أعور راسي على ناس تافها بس مقهوره منهم

هذا انتي قلتي الحل لنفسك..
اقولك لا تنقهرين ولا شيء انتي قلتي هم هم هم..طيب خلاص ماعليك منهم تصرفاتهم لهم وهم يسوون كذا لانهم دارين ان هذا الي يستفزك ويفرحهم طيب اعكسي المعادله ارتاحي واستفزيهم تعرفين قاعدة طنش تعش طبقيها وعيشي مرتاحه لانك قلتيها كل ماشفتي حركاتهم وتصرفاتهم يقهرونك وهذا الي يبونه طيب لا تعطين حركاتهم بال وريحي نفسك لانه على قولك اثر هذا على طباعك وهذا شيء يقهر بجد مو حركاتهم الي تقهر ..وليش من هم يوم يلعبون باعصابك ويغيرون طباعك الطيبه..عيشي حياتك مريحه ولا يهمك احد لا قريب ولا بعيد انتي عاملي واحد بس ماغيره ربك وارضيه ويرضيك ويرضي الغير عنك غصب عنهم ..وهو الاعلم بنيتك وبنواياهم وبيحاسب كلن على افعاله مو على افعال غيره..
خليك ذكيه ولا تخلي احد يستفزك ويشوفونك متغيره عليهم وصايره مبسووووطه ولا همك احد ..

[ساحرة البشر]

كلامك جميل وبصراحه كنت حابه أسمع هذه النصايح الله يسلمك ويحقق أمانيك ومثل ما قلتي طنش تعش تنتعش ما راح أعور راسي على ناس ما همهم غير النكد

وشكوره يالغاليه (منهى الدروب)

[منتهى الدروب]

ويسلمك ربي..امييييييييين ويااك يارب...
لا شكر على واجب دحنا اخوات ..

[هند العنزي]

السلام عليكم ورحمه الله وبركاته
اختي ساحر البشر مالك الا تطنشينهم ولا تهتمين لكلامهم لانو بالاول والاخير انتي اللي راح تتضايقين وهم مبسوطين خلي علاقتك فيهم سطيحه لاتتعمقين معهم في الكلام وتجاهلي اي شي يبداء النقاش اللي يستفزك وادعي لهم بالهديه الله يهديهم
والله ياساحر انا خالتي ماتحبني وع اسباب تافه دايم تحاول تستفزني بس انا الحين خليت علاقتي معها عاديه والحمدالله ارتاحت من المشاكل
الله يسهلك يارب ويهديهم

[طالـ.. غيابكـ]

لا تفكري ان المشكله هي عندك بس ..
كثييير من الناس صاير هذا طبعهم..
مايحبوا الخير لاحد...ويفكروا بالطريقة اللي تناسبهم...
ويستغلوا المواقف حتى يسووا اللي في راسهم..
ويطلعوا كلاااام مانقال ..عشان يكون الشئ لصالحهم...
كثييييير هي المشاكل ..والحياة لازم نمشيها ...مو هي اللي تمشينا...
الله يعينك اختي ساحرة البشر ..
ويفرج عنك...
خليك قويه وواثقه....نصيحه..