[همسة فوق ثغر الألم]

السلام عليكم اخواني الاعزاء


وبعد طول غياب


حبيت ان انفرد بهذا الموضوع وهو جمع قصائد الشاعر الكبير متعب التركي


وياليت كل من يعرف قصيده للشاعر متعب التركي ان يضعها هنا


من جد يستااااااااااهل



هذي من قصائد الشاعر


نسيتني علمني وشلون ابنساك
في هالزمن نسيان الأحباب عادي
شلون لأمرت علي البال ذكراك
وطيفك سرق مني لذيذ الرقادي
وشلون لاقالوا لي الناس وش جاك
من كنت في لذة منامك تنادي
شلون أعيش اللي بقالي بلياك
لامن غدينا كل واحد بوادي
لو قلت أداوى جرحي اللي تباطاك
ماكل جرح يفيد فيه الضمادي
أعلنت حبك لين كلٍ تمناك
غلطه وغيري من خطاي استفادي
لولي مثل قلبك تمنيت فرقاك
واكيد قبلك بالجفا صرت بادي
حلوه عذاريبك وحلوه مزاياك
حتى بيوم فرا قنا كنت هادي
كن الليالي ودها تكسب رضاك
وآنا يطول مع الليالي جهادي
في ذمتي ماهي غريبة خطاياك
مبطي وقلبك لو تنبهت غادي
سهله علي من كان مثلك وشرواك
مثل الثياب يغيرون المبادي
علمني اكره ذكرياتك وطرياك
وانسى من الليلة صدوق الودادي
ولاني بقايل عقبها وين ابلقاك
راضي ولو إن جروح قلبي جدادي
وإلا القصايد جعلها من فداياك
لبستها مبطي ثياب الحدادي
باكر علي المخطي يدورون الأفلاك
ونشوف من يصعب عليه البعادي








الوداع.

قبل اسافر وتتسى جيت اسلم عليك
جيت ابي عمري اللي من ايديني غدا
ضاعت اجمل سنيني من عمايل يديك
أكذب ان قلت راحت لأجل عينك فدى
فرصة العمر قالوا ..لا غدت ماتجيك
جتني اكثر فرص عمري وضاعت سدى
جرب الخوف مرة ..حس به يعتليك
وارفع الصوت..ماتسمع لصوتك صدى
تدري اللي ذبحني قولتك(ماابيك)
مابقالي لثاري لو بغيتة مدى
ماهقيت المشاعر كلها ترتجيك
قل لها..بالمفارق منهو اللي بدا
هاك دمعة عيون(ن) باكية تشتكيك
هاك ريح ضميرن ماستراح وهدى
(ماتناضر عيوني زول هاذي وذيك
ولا يهز المسامع اسم ريم وهدى)
قلت ماعادلي رغبة وشوفات فيك
قلت يانفس طيبي ..يفرحون العدى
قلت عايف ونفسي بالخفا تشتهيك
عزة النفس تدري ..طيب ماهي ردى
((خل عينك تهل دموعها وشعليك
انت خدك ورود ودمع عينك ندى))


------------------------------------------------------------------------

(توديع الاحباب )

توديع الاحباب مثل الموت لة سكرة

ادمي جروحي وشق الصدر منيااا

والقلب طير ضلوع الآدمي وكرة

لاشاقة الطلع لاسلم ولاحيااااا

مصير لاحزان تنساني وتفتكرة

ماكل الأيام بيض وسمحة محياااا


قل غيرها منت لامجبر ولا مكرة


لاصار ماهي غلا ماابي لك حميااااااا


لو في يدي شي ماقلت الوعد بكرة

حزمت حدب الضلووع وقلت لك هياااا


لو كل غالي يجي دايم علي ذكرة

ماصرت اشوفك هناك وحبك هنياااااا

ياليتني لابغيت اكرة قدرت اكرة

ماكان قلبي لياجيت ابكرهك عياااااااا

مادامك معيف رح لكن علي فكرة

ماقلتلي لية دمعك سال منياااااااا






قالوا حبيبك يسمع الشعر قلت إيه () يقراه بعيوني قبل تسمعونه
لولاه حتى طاري الشعر مابيه ()ميراكتبه من شان خاطر عيونه
هو روح شعري وامنياته وماضيه()جذع الشجر وش كان لولا اغصونه
اكتب لغيره والقصايد تجي فيه ()كن القصايد حالفه ماتخونه
هذاك لامنه زعل قمت اهاديه ()حتى وهو مخطي تعذرت دونه
يمكن لوانه يلمس الجرح بيديه ()يستغرب ان اللي لمسها طعونه
ابطى وهو غايب وزلت حراويه ()وأنا من العام اتحرى مزونه
هومادرى اني في غيابه محاتيه ()ليته نشّدعن حالي اللي يجونه
وقلبي اللي توه افلت عراويه ()كيف انسرق وضلوع صدري حصونه
عجزت ارده كن ماني براعيه ()يوم انتثر شوقه وهاضت اشجونه
يبسن عروقه لكن اللي يعزيه ()ان اكثر العالم تردد لحونه
خافوا من الله لاتجيبون طاريه ()لاصرت انا موجود لاتذكرونه
لو كل غالي جابه الله لغاليه ()ماشفت لك مخلوق تبكي عيونه


----------------------------------------------------------------------
هب الهوى غرب واجتاح الضلوع وشعرت()
إن الليالي الجميلة هب iiنسناسها
مدري كبر حلمنا ولابعيني iiكبرت()
والاهي اوهام ودي يصدق إحساسها
تنساني أيام وتجيني متى ماذكرت()
اليامتى وانت روحي حابس iiانفاسها
كنت أجمل احلام عمري بس ليه iiانكسرت()
يازين الاحلام iiلوماينكسرباسها
بيديك مديت لي كاس المحبه iiوصرت()
أنا اول اللي يذوق المر من iiكاسها
من يومها وانت قدام عيني iiولوماظهرت()
دايم وعيني تشوفك بين جلاسها
قدرت ولا على نفسي معك ماقدرت()
لازاد عنها غيابك زاد iiوسواسها
لوشفت حال الورق والشعرعقبك iiعذرت()
اللي حرق صفحة الماضي iiوكراسها
ماكنت اصدق يجي يوم ابتسم iiلانظرت()
أطلال ركب الليالي مر ii..ماداسها
والاأنت لوقلت لي نادم وجيت iiاعتذرت()
كان اجمل ابيات شعري ينحني iiراسها
مافيه داعي توصيني تراي iiاعتبرت()
فرقاك ذكرى وشعري علق iiاجراسها
يكفيني البارح إني في عيونك سهرت()
وقفت بين العيون السود وانعاسها
إن رحت ماأنت اول اللي راح وان حضرت()
قلت الليال الجميله هب iiنسناسه


مرفوض ياللي بعت غيره عشانه (() أزريت عن رد الجزا أو تهاونت

مابي لك أكثر سد باب الميانه () بانت مع الوقت الخفايا وبينت

مادام مالى وسط قلبك مكانه () أنا بعد مثلك عن الحب هونت

أنا مثل خيال خانه حصانه () عذره يقول من الرسن ماتمكنت

غرّه مع المركاض وارخى عنانه () مخطى وانا غلطان يوم انى امنت

لو كنت وافى ماتخون الامانه () ياللى تقول تشيب روحك ولا خنت

ذاك الهوى لو ماشعرت بحنانه ()ماكنت فى حلو القصايد تفنّنت

شاعر تزلزل من فراقك كيانه () لك يعترف مايسكن القلب غير انت

لو كان قلبك صافى الود خانه ()فى ذمّتى ماهان حبّك ولا هنت

أحدٍ يخون وواحد الوقت خانه () أنا ترى الثانى وألاوّل تراه أنت ؟

-------------------------------------------------------------------



صمت هـالمينا

ياوسيع البال ضيّقت الصدور () رحت ماعلّمتنى وين أنت سارى

فى غيابك مال خلق الله حضور () وفى حضورك مالهم بالبال طارى

ليه ماتختال يابدر البدور () والقصايد لك وصيفات وجوارى

لك بنات الفكر ربات الخدور () يكشفن لثامهن والجرح عارى

جعل قلبٍ ماملاه الصدق نور () عند وجه الريح مايلقى مزارى

التغاضى عجز لاطال القصور () ليه أدارى وأنت بالوضع دارى

الزمااااان قصير والدنيا تدور () كل يوم يضيق فى عينى مدارى

صاحبى محتاج لك شعر وشعور () وإحتياجى شى ماكان إختيارى

من متى والغصن يختار الطيور () من متى والبال يختار الطوارى

لاتسمى صمتى البارح غرور () انكسارى خلف هالصّمت متوارى

فى غياب الشمس وش ذنب الزهور () والمطر لاشح وش ذنب الصحارى

اللقا لحظات والغيبه شهور () تقصر الخطوات ويطول إنتظارى

لو قريت المنكتب وسط السطور () ماكتبت لغلطة العمر إعتذارى

صمت هالمينا مثل صمت القبور () مارسى مركب ولا لاحت صوارى

[عذراء الثلـج]

توديع الاحباب مثل الموت لة سكرة

ادمي جروحي وشق الصدر منيااا

يعطيـك العآآفيهـ .. ننتظر جديدك وبقلمـك ..

[كنان2]

قالوا حبيبك يسمع الشعر قلت إيه () يقراه بعيوني قبل تسمعونه
لولاه حتى طاري الشعر مابيه ()ميراكتبه من شان خاطر عيونه
هو روح شعري وامنياته وماضيه()جذع الشجر وش كان لولا اغصونه
اكتب لغيره والقصايد تجي فيه ()كن القصايد حالفه ماتخونه
هذاك لامنه زعل قمت اهاديه ()حتى وهو مخطي تعذرت دونه
يمكن لوانه يلمس الجرح بيديه ()يستغرب ان اللي لمسها طعونه
ابطى وهو غايب وزلت حراويه ()وأنا من العام اتحرى مزونه
هومادرى اني في غيابه محاتيه ()ليته نشّدعن حالي اللي يجونه
وقلبي اللي توه افلت عراويه ()كيف انسرق وضلوع صدري حصونه
عجزت ارده كن ماني براعيه ()يوم انتثر شوقه وهاضت اشجونه
يبسن عروقه لكن اللي يعزيه ()ان اكثر العالم تردد لحونه
خافوا من الله لاتجيبون طاريه ()لاصرت انا موجود لاتذكرونه
لو كل غالي جابه الله لغاليه ()ماشفت لك مخلوق تبكي عيونه

روووووووووووووووعه ...

[مها]

من متى والغصن يختار الطيور
........................................من متى والبال يختار الطوارى

جزاك الله خيرا قصائد جميلة ..

[خلووووود الخالد]

:

شكرا لك أختي همسة
انا من المعجبات جدا بقصائد الشاعر المبدع : متعب التركي
وكنت دائما أردد :
ماكل جرح ٍ لا خذا ايام يبرى
........ ...بعض الجروح يزيد شره مع الوقت
اشوف لك من وين مارحت ذكرى
..................لاشفتها صديت عنها ودنقت !!

أشكر لكذائقتك الراقية.
:

[طبعي الوفاء]

همسة فوق ثغر الألم راااااائعه
شاعر كبير لكن للأسف يقولون معتزل
بارك الله فيك
يستحق التفرد سأتابعك

[طبعي الوفاء]

ماقلت لي شي...وش اللي ماقلته

أسكت وخل الكلام لجرحي الدامي

لو غيرك اللي يسولف...ماتحـــملته

لكن على شان عينك هانت آلامي

للحب مفهوم عمرك مــــــــــاتخيلته

ماأظن يستوعبه تفكيرك الـــسامي

هذا الفراق الطويل...وهذي أسئلته

هذا حصاد السنين...وهذي أيـــــامي

ياما...وياما عليك البال طولتـــــــــــــــه

والعمر عدى وأنا عايش على أوهامي

القلب لو ماخفق لك كان ماشلــــــــته

ولو ماأنت ملهم قصيدي...جفت أقلامي

هذا قصيدي بعينك لو تجاهــــــــــــلته

ينزف على شان يروي قلبك الضامي

العام طاري غيابك ماتقبلتـــــــــــــــه

واليوم حرماني أصبح مصدر إلهامـــــي

لاتعتذر لي؟؟؟وأبنسى كل ماقلـــــته

وش ينفع العذر؟؟؟ لامن ضاعت أيامي




للمبدع معتزل الشعر حاليا

متعب التركي

[همسة فوق ثغر الألم]

المشاركة الأصلية كتبت بواسطة عذراء الثلـج توديع الاحباب مثل الموت لة سكرة ادمي جروحي وشق الصدر منيااا يعطيـك العآآفيهـ .. ننتظر جديدك وبقلمـك ..

عذراء الثلج

مرورك اثلج صدري غاليتي


فقط دمتي بخير


تحياتي همسه فوق ثغر الألم

[همسة فوق ثغر الألم]

المشاركة الأصلية كتبت بواسطة كنان2 قالوا حبيبك يسمع الشعر قلت إيه () يقراه بعيوني قبل تسمعونه لولاه حتى طاري الشعر مابيه ()ميراكتبه من شان خاطر عيونه هو روح شعري وامنياته وماضيه()جذع الشجر وش كان لولا اغصونه اكتب لغيره والقصايد تجي فيه ()كن القصايد حالفه ماتخونه هذاك لامنه زعل قمت اهاديه ()حتى وهو مخطي تعذرت دونه يمكن لوانه يلمس الجرح بيديه ()يستغرب ان اللي لمسها طعونه ابطى وهو غايب وزلت حراويه ()وأنا من العام اتحرى مزونه هومادرى اني في غيابه محاتيه ()ليته نشّدعن حالي اللي يجونه وقلبي اللي توه افلت عراويه ()كيف انسرق وضلوع صدري حصونه عجزت ارده كن ماني براعيه ()يوم انتثر شوقه وهاضت اشجونه يبسن عروقه لكن اللي يعزيه ()ان اكثر العالم تردد لحونه خافوا من الله لاتجيبون طاريه ()لاصرت انا موجود لاتذكرونه لو كل غالي جابه الله لغاليه ()ماشفت لك مخلوق تبكي عيونه روووووووووووووووعه ...

كنان الاروع مرورك

فقط دم بخير

اخي الكريم

همسه

[همسة فوق ثغر الألم]

المشاركة الأصلية كتبت بواسطة مها من متى والغصن يختار الطيور ........................................من متى والبال يختار الطوارى جزاك الله خيرا قصائد جميلة ..

غاليتي مها

وجزاك الله خير ياغاليه

لاهنتي على المرور العاطر


دمتي بخير

همسه