[ام الجوري والجود]

السلام عليكم ورحمة الله وبركااته
صباحكم ورد / مساكم جووري

اليوووم تميت افكر محتاارة شنو اكتب


وافتريت في المنتديات بس مو خاطري انزل موضوع منقوول وقلت اكتب بقلمي واايد احسن


لأنه اللي يطلع من القلب يوووصل للقلب أسرع

تعااالوا نتحجى شوي عن تصرفاتنا وأسلووبنا وحركاتنا


كل واااحد فينا متربي وما في أحد مو متربي ولله الحمد

المشكله انه الواحد لما يسوي شي غلط سوااء بتصرفااته او كلامه مع النااس او حتى دراسته

الناس عليها بالظااهر طبعا

وأول شي يعلقوون عليه

اهله ما عرفوا يربووونه !!!

هالجملة كلش غلط !


مافي اهل ما ربوا وما عرفوا يربووون

يعني الواحد يمكن امه وابووه تعبوا يربونه

بس لما كبر وتكونت شخصيته المستقله بنفسه ورافج فلان وعلتان وخذ من طبايعهم وصاار يسوي الغلط

هاي مو معناته انه اهله ما ربووه عدل

بالعكس تلاقيه متربي احسن تربيه

بس هو طلع جذي ليش؟؟

اول شي يمكن لقلة الوازع الديني عنده ..

ثاني شي الصااحب ساااحب ..

ثالث شي والأهم انه الواحد وخصوصا في فترة المرااهقة تتغير شخصيته وتتبدل طباايعه ويحب يسوي اشيااء حتى لو مو مقتنع فيها لمجرد حب التغيير والتطلع ..

لازم كل وااحد فينا قبل ما يسوي اي شي يحااسب نفسه ..

ويجووف اللي بيسويه ويدرسه عدل ..

ويتم يسأل نفسه هالشي اللي بسويه اول شي يرضي ربي ؟؟

يرضي امي وابووي ؟؟

يرضي المجتمع اللي انا فيه ؟؟

وتالي اذا جاف اجاباته كلها ايه ونعم يسويه

واذا جاف العكس يترك هالشي بكل بساطه

على سبيل المثاااال


بتكلم عن ظااهرة أكرهها وأمقتها بشده

وهي التدخين

أول شي ما يرضي ربي لانه مضر بصحتي ..

وأكيد ما يرضي أمي وابووي لانهم طبيعي يبون مصلحتي..

والأهم ما يرضي مجتمعي لأنه مضر وفيه خراااااااب..

وكمان نقطه بدل ما اضيع فلوووسي واشتري زقاارة ليش ما اتبرع في هالبيزتين وااايد ابرك لي ولفلوووسي واحصل اجر بعد ..
وثاني نقطة بعد حبيت اتطرق لها

هي المغااازل اللي ما يخلى مجمع وشااارع منه هالأيااااام

أنا ابي اعرف شي واااحد

كل وااحد يغاااازل ما عنده خواااات يخاف عليهم ؟؟

ما عنده غااارية على بناات ديرته ؟؟

أي وااحد يغاازل مستحيل يرضى انه اخته يغازلونها ويلعن خير اللي غاازل وتحرش في اخته

دام ما ترضى على اختك اللي من امك وابووك لا ترضاها على اختك في الاسلام

يعني استغرب من الشااب اللي يلاحق البنت ويقط عليها من هالحجي الفاااضي وهو يعرف ومتأكده انه هالبنت اذا خذت منه الرقم أكييد تكلم مليوووون غيره !!!!!


وبس حبيت اناقش هالنقطتين

واللي يحب ينااااقش اي نقطه الموضوع مفتووح لكم ولآرائكم ولمواضيعكم
اهم شي

الاختلاف في الرأي لا يفسد للود قضيه


مع احتراااامي للجميع

[كنان2]

والله انك صادقه الفروض ماننسب اي تصرفات للولد او البنت بالاهل .. لان بعضهم قدام اهلهم مايغلطوا بشيء بس اذا دلعوا يحبوا يسوا حركات شوي واووووووو..
فالمفروض تتغير النظره وندعيلهم بالهدايه

[المتسائلة]

السلام عليكم ......

حابه اضيف قصة حصلت لي منذ ايام وتكررت اليوم ......


كنت ذاهبة لقضاء بعض الحوائج من الجمعية القريبة من المنزل ، نزلت من سيارتي وعبرت الشارع وأذا بي ارى ثلاثة اطفال لم يبلغوا الثانية عشر بعد ... والاعجب انهم بداؤا بمعاكستي والقاء التحية ....

قمت بما لم يتوقعوا ...... رددت التحية وابتسمت لهم ...... صدموا ...

قلت لهم في شي ليه مستغربين ...... السالفه يبي لها قوة قلب تدرون ليه يا اولاد ....؟؟؟

قالوا لا ........ قلت لهم لان فيها معصية ...... دينا امرنا بغض البصر ... لما انتوا تتعرضون للبنات وتعاكسونهم تتوقعون ها التصرف يرضي الله ورسوله !! .. أكيد لا ....... ما دام كذا قووا قلوبكم علشان العقاب عظيم من رب العالمين .....

نظر الثلاثة الى بعضهم البعض خجلين وتشاغل بعضهم باللعب وانسحبوا في هدوء .....

ما ا قدر ....... ما اجوز عن حركاتي ......

تحياتي ...........

[نومة]

صحيح كلامك

[ام الجوري والجود]

مشكورين على المرور جزاكم الله خير

[شووق1]

شكرا لك.........