[دمعة رجاء]

السلام عليكم ورحمة الله وبركاته

هلا والله بأحلى بناااات

كيف حالكم ؟

بنات ابشركم أنا قررت إن شاء الله ألبس عبايه ع الراس

والفضل يعود لله سبحانه وتعالى ثم للغاليه لانآ الله يسعدها ويجزاها عني خير الجزاء

بس ابيكم تشجعوني !!!

لأن عندي شويه عوائق من ناحية الجامعة

فقررت ان شاء الله البسها بس في الجامعه بالبس عباه الكتف مع طرحه عريضه تستر الكتف

وش رايكم ؟

وثاني حاجه ودي اسألكم خصوصا بنات السعوديه والكويت

عن نوع عبايه الراس اللي تلبسونها وطريقتها

في نوع اشوفه ع بنات السعوديه والكويت مره عاجبني بس ما عرف وش يسمونه ؟!

إذا ممكن تساعدوني ؟

والله يجزاكم خييير

[كنان2]

ياحليلك هي عبايه اهم شيء تمون ساتره قلت عبايه مو فستاااااان ركزي معي زين ...هههههههه انا ماعرف بصراحه انواع عبايات الي اعربه عبايه على الراس ومستره وماعليها نقش ولخابيط..
بس والله مريحه انا اول كنت دايم كتافي وصرت اتضايق يوم اطلع السوق مااحد يخليني بحالي فغيرت للراس والحين مستحيل اتخلى عنها الا للضروره اذا جينا نسافر او بالعمره البس كتافي عشان الزمه اظمن ان ماراح تطيح مني ..

[دمعة رجاء]

المشاركة الأصلية كتبت بواسطة كنان2 ياحليلك هي عبايه اهم شيء تمون ساتره قلت عبايه مو فستاااااان ركزي معي زين ...هههههههه انا ماعرف بصراحه انواع عبايات الي اعربه عبايه على الراس ومستره وماعليها نقش ولخابيط.. بس والله مريحه انا اول كنت دايم كتافي وصرت اتضايق يوم اطلع السوق مااحد يخليني بحالي فغيرت للراس والحين مستحيل اتخلى عنها الا للضروره اذا جينا نسافر او بالعمره البس كتافي عشان الزمه اظمن ان ماراح تطيح مني ..

هلا كنونه

يشرفني تردين ع موضوعي

بس شكلك فهمتيني غلط

طبعا عبايه الراس مابيكون عليها نقش وخرابيط انا اقصد النوع

يعني مثلا عباه الراس بالبحرين تختلف عنكم ..

وانا ما ابي افصل مثلها لان احسها صعبه شوي في المشي

فأنا ابي افصل نوع يكون مريح لي ..

في نوع صاير صوب اليد شوي ضيقه علشان ما تطلع يدك إذا رفعتيها

وعقب وسيعة وتنحط ع الراس وتكون مره مرتبه وانيقه مدري وش اسمها

اشوفها ع بنات السعوديه والكويت بس مب منتشره بشكل كثير

ان شاء الله فهمتي قصدي << ادري مب عارفه اشرح بس اتمنى انكم تفهمون اللي في بالي هههه

[wjn]

ماشااء الله تبارك الله ..

بدت تتحقق رؤياكِ

لي عوده لكِ عزيزتي بكتب لك سطور بأذن الله تقنعكِ

[wjn]

فأنا ابي افصل نوع يكون مريح لي

لاتوجد راحه بالدنيا لايرتاح بني ادم بـ دارين يااما دنيا ولا اخره

فـ تجاوزي الله يسعدكِ عن سعادة الدنيا كي تفوزي بسعادة الاخره

[دمعة رجاء]

المشاركة الأصلية كتبت بواسطة لانـآ ماشااء الله تبارك الله .. بدت تتحقق رؤياكِ لي عوده لكِ عزيزتي بكتب لك سطور بأذن الله تقنعكِ

ان شاء الله تحقق

وان شاء الله إذا الله من علي بلبسها فراح يكون من بعد فضله ثم لك

بانتظارك

[عبيروو]

انا البس على الكتف واحس الحين سترة الوحدة بوسع العبايه والله اني اشوف بنات يلبسوا عبايه على الراس جسمهم مفصل فيها والله اني استحي لها وفيه بنات تلبس عبايه على الكتف كمان ضيقه انا احس اهم شي البنت تلبس عبايه واسعه وتحاول تبتعد عن الزينه وتكون نيتها صافيه مدري انا احس كذا

[&بنت أهلها&]

غاليتي..

اسأل الله لك ولنا الثبات على الاستقامه

انا اولا بقول لك فيه عبايتين يمكن وحده منهم تكون الى تقصدين

الاول تسمي عبايه صديري

الثانيه يسمونها عبايه داعيه

هذا عندنا بالرياض

[كنان2]

انتي روحي محل عبايات واكيد بيكون عندهم انواع كثيره واختاري الي تبيها ويفصل لك على نوع القماش الي تبي ..بي تبي الصراحه لاتروحي اسواق فخمه مره اذا انتي بالرياض لان اكثرها مايبيعو عبايات للراس كويسه اكثر اهتماماتهم بالكتافي عندك المجد والعثيم المغاتير رووووووعه حتى قماشهم حلو

[دمعة رجاء]

المشاركة الأصلية كتبت بواسطة عبيروو انا البس على الكتف واحس الحين سترة الوحدة بوسع العبايه والله اني اشوف بنات يلبسوا عبايه على الراس جسمهم مفصل فيها والله اني استحي لها وفيه بنات تلبس عبايه على الكتف كمان ضيقه انا احس اهم شي البنت تلبس عبايه واسعه وتحاول تبتعد عن الزينه وتكون نيتها صافيه مدري انا احس كذا

ايه وانا نفس الحال

أنا الحمدلله عباياتي كلهم واسعات

والنيه صافيه الحمدلله

بس طمع بالمزيد من الالتزام

الله يجزاك خير يا اختي

تشرفت بمرورك العطر