[@@بدر البدور@@]

تشيز كيك اوريو

توني انتبهت ان صارلي لي سنه من بطلت هالبلوق... كل عام وانا وانتو بخير... وسعيده جدا اني من خلالها تعرفت على ناس ذهب حدي سعيده بمعرفتهم :>... اقولكم لكم كلكم شكرا كبييييييييييييييييييييييييييييييييييييره

التشيز كيك كنت ناويه انزلها بعد ما انزل جم وصفات قديمه حاطتهم على الهولد ... بس بهالمناسبه بنزلها والباجي بنزلهم تباعا :>
هالتشيز كيك ماخذته من موقع كرافت.. وطلع تشيزي مثل ما يحبه اخوي ومن كثر ما عجبته طلب اني اسويها مره ثانيه حق الديوانيه ... بالنسبه لي حسيتها ثقيله والناس اذواق :> ..وحسيت انها محتاجه كريما تخفف ثقل الجبن لقيت وصفه نفسها بنفس موقعهم بالضبط بس كميه الاوريو في البيس مع الزبده زياده و فيها ساوركريمبهاللينك... الصراحه ما ذقتها راحت سيده ديوانيه اخوي وعليهم بالعافيه... انا بذكر الطريقه الثانيه بس بحجم الاولى لان صينيتي وسط :>

المقادير:
-كوب اوريو مطحون ( اهم كاتبين 30 حبه )
- 2 م ك زبده ذايبه ( اهم كاتبين ربع كوب)
-3 حجم عائلي جبن فيلادلفيا ( 300 غ ) او 4 من حجم 8 اونص
-كوب سكر
-4 بيضات
- كوب كريمه حامضه
-1 م ص فانيلا
-20 حبه اوريو ارباع.. تقدرون تستخدمون بداله الميني

الطريقه:
نسخن الفرن على درجه حراره 170 ... وانا اسوي خطوه احتياطيه تعلمتها من مارثا ستيورات اغطي القالب بقصدير عشان لا تطلع الحشوه برا من القاعده
ناخذ الاوريو ونضيف له الزبده ونحطه بالقاع ونضغطه بقاع قلاص عشان يثبت وانا ارده الثلاجه عشان تجمد الزبده بالاوريو
نخلط الجبن مع الكريما
نضيف باجي المقادير ونخلطها لين تتمازج عدل ( السكر والفانيلا والبيض )



نضيف الاوريو ونخلط بالقفشه او السباتشولا عشان لا يتفتت الاوريو

نحطه بالقالب وندخله الفرن من ساعه الى ساعه وربع.. السنتر مرح يكون ثابت 100% وعادي بيثبت بالثلاجه :>... بعد ما نسكر عليه نخليه يبرد قبل لا ندخله الثلاجه.. انا اخليها بالفرن بس ابطل الباب واخليها ساعه ونص تقريبا


ندخلها الثلاجه تبرد يوم كامل قبل التقديم .. زينوها حسب الرغبه وبالف عافيه

منقول

[رذاذالمطر]

رااائع باركـــ الله فــــــــيك

باأنتظاار جديدكــــ

[مدى1]

ممرررررررررررررره يجنننن شكله بصراحه شي شكلي بروح اجييب تصبيره لين ماصلحه تسلميه روعععععععه

[الحساسه1431]

سلمت يداكي

[*شهد الكلام*]

جزاك الله خير

[@@بدر البدور@@]

شكرا.................................

[ام لموري]

روعة تسلم ايدك عليه

[أم حسام20]

مشاءالله عليك رووووووووووووووووووووعه

[@@بدر البدور@@]

شكرا لمروركم

[لاحول ولا قوه الا بالله]

اوريو يممممممممممممي
اي حلى فيه اوريو يطلع وااااااااااوو