|
يافهد>>>>>>> دمعي واعرفه كايد اللي يجيبه ..!!!
اعذروني
فــ.....مسائي هذه الليلة كئيب .!! : :
دمع غشاني مثل وبل السحابة = وضاقت عليّه دنيتي والرحيبة ولا ادري وش اللي يافهـــد بس جابه = دمعي واعــرفه( كــايد ) اللي يجـيبه هـم ٍ عريض وضيعتني شعابه = يعوي عليّه وين مارحت ذيبه ذيب ٍ جريــح مـكـشـــرن لي بنابه = ينهب فقلبي والمـشــــــاعر نهيبة كني كسير الرجل في وسط غابه = وحوله سباع الارض جوعى قريبة ولاّ سجين ٍ بين هم وكآبه = جدران سجنه بادرات ٍ كئيبة يموت من همه ولا احد ٍ درى به = مصيبة ٍ ياكبرها من مصيبة ولايتيم ٍ ما رحموه القرابه = مـحد ٍ يراعي له ولا احد شقي به والناس دونه سكر الكل بابه = يتيم جوعان ٍ عظامه رطيبه بيني وبين اللي مضوا به تشابه = كل ٍ يموت فحـســرته مادري به دمع ٍ غشاني مثل وبل السحابة = دمعي واعرفه (كــايد) اللي يجيبه : : : |
!! !!! !!!! !!!!!! أول شيــئ صـــــح لســــــــــانـــك .. ويســلم لنــا هالنبــض الــراقــي .. تسعــدنــي مُعــانقتـــكِ بهــذا المتصــفح .. الحــزين .. الحـــزين .. وكــلي شــوق إليكِ .. لمـــاذا كــل هــذا الحــزن غــاليتــي ..:confused: دمــع ٍ غشــاني مثــل وبــل الســحابـه .. .. .. دمعــي واعــرفــه كــايد اللــي يجيــبه يســلم راســـج يالغــاليــه.. اللــه يفــرج همــك ويسعــدك يــارب دنيـــا وأخـــره .. لا تغيبــن عنــا خـــــلــود .. |
خلود-- صح السانكي ------------والله يعطيكي العافيه ---------------------وسلمة قلبك من الحزن
اكيد دمعة -----------فرححححححححححححححححححح يـــــــــــــــــــــــا رب افرجهااااااااااااااااا |
اقتباس:
خـــلود الخالد صح لساااانك مليوووون ع هالرائعه اختي ولكن لماذا الحـــزن لو كانت فرح كان فرحنا نحن ايضاً ازال الله عنك الهـــم والحـــزن اختي ارق التحايا |
هلا أختي خلود
مشاركة بسيطة جدا لا ترتقي إلى حسك المرهف ولكن مشاركة أخوية أخوك عبدالرحمن الحربي |
يا مرحبا باللي عزيز جنابه================ناداني الليلة وانا جيت أجيبه ياخلود حنا لك ترا اليوم لابة===============حيث ان هرجك فيه حاجة مريبة يا خلود لو بعض العرب صك بابه===========حنا بنفزع بالخطا والمصيبة البعض كنه عايش بوسط غابة=============يهدم ويظلم مار ربي حسيبه قولي لهم يا خلود ماهي طلابه============والدمع هلي به وهاتي سريبه به بيننا بعض المواقف تشابه=============ياخلود مع بعض الوجوه الكئيبة والله ما حنا بعصر الصحابة==============لا يلحقك يا خلود شك وريبة!! بعض الأصابع شكلها لو تشابه===========به فرق واضح بينها بالقضيبة |
صح لساانك ياخلوود علي هالقصيده
لاكن قدرتي في هالقصيده انك توصلي لنا احساسك اسال الله العظيم رب العرش العظيم ان يفرج همك واستعيني بمالك الملوك |
اقتباس:
: :
الله يحيي من لفاني جــــوابه = ومواقفــه ماهي علينا غــــريبة ..!! ارسل علينا عقب شاف الكتابة = هذا فهد ما خاب من يعتزي به ناديته بصوتي ورد الاجــابه = والذيب يسمع ذيب عالي قنيبه هليت دمعي لين طيّر صوابه = من يوم هليت المدامع ســكــيبه قال ابشري هذا كلام ٍ بدا به = وهذا كلام ٍ ينعرف منه طــيـبه ياشيخ فهد نباح بعض الكلابه = يـثر على نفس العزيز وتصيبه منها سحابة هم ضيق وكآبه = نسمع لها ياشيخ والله غـصــيبة مبداي واضــح مابه اية غرابة = الصدق طبعي والكذب ما نـجيبه |
هم ٍ عريـض وضيعتنـي شعابـه سلامتك الف سلامة من الهم إستعيني با لصبر والصلاة (( إن الله مع الصاااابرين )) قصيدة حزينة اسأل الله لك تفرج والمثوبة آمـيـن. |
هم غشاني يوم شفت الكتابه = ثم زاد همي والمشاعر غريبة وشلون ساس الطيب يشكي الكآبة = أنشهد إنها في زماني عجيبة من هو اللذي يا ناس بالجور صابه = حتى سمعت من الحنايا نحيبه خلود كان المال صابك عذابه = فالمال غيره مال قولي واجيبه خلود كان الهم جور القرابه = فالمنتدى مليان صحب وصحيبة كلٍ يقول أهلين يامرحبا به = المشرف المعروف طيب وطيبة تصبري باللي عظيم جنابه = وهذي ترى الدنيا جروح ومصيبة |
الدمع منـّك حطي اركابه=خليه كاس ٍلغيرك شريبه الزلابه يبقى دوم ٍ آلزلابه=والشكالة لشهم ٍ تعتزي به العقاب فوق ٍ بعز ومهابه= لا عليه من الجراد ودبيبه فالبخت فيك ايخرّف شبابه=وعراويّه إبيدّك قطيبه عجل الله همك في ذهابه=والسعادة بثوبك تلتويبه أسأل من أنخنا مطايانا عند بابه أن يعجل بالإجابة ويفرج همك أختي العزيزة خلود ويسبغ عليك بما يثلج به صدرك ويريح بالك .. اللهم آميـــن .. .. |
اقتباس:
وفاء المـشـــــــــــــاعر ومن غيرك يمتلك هذ المشاعر الرقيقة صح قلبكـ .. واحساسكـ .. وحضورك الجميل مثلكـ ويسعدكـ يارب وفاء المشاعر : : : |
صح لسانك ويعطيك العافيه قصيده رائعه
والله يبعد عنك الهم والضيق |
اقتباس:
صـــــــــح قلبكــ اخوي الملتزم وصح بدنكــ واكيد دمعة الحزن بتكون دمعة فــرح بمرورك هنا ومشاركتي قصيدتي لا عدمت تواجك الطيب : : : |
صح لسانك خلود، وماعلى قلبك إلا العافيه،..أسأل الله أن يحول همك إلى سعادة وانشراح صدر..
ولاتنسين دعاء المهموم وماأظنك ناسيته( اللهم إني عبدك، وابن عبدك ، وابن أمتك ، ناصيتي بيدك،ماض في حكمك، عدل في قضائك، أسألك بكل اسم هولك ، سميت به نفسك، أو أنزلته في كتابك، أو علمته أحدا من خلقك ، أو استأثرت به في علم الغيب عندك، أن تجعل القران ربيع قلبي، ونور صدري، وجلاء حزني وذهاب همي) وابشري بما يسرك وإذا تبين الفزعه مابنقصر، ...وياويله إللي مزعل خلود:mad: |
دمعي واعرفه (كايد) اللي يجيبـه صحيح ياخلووووود صح لسانك جزلة . |
اقتباس:
شاعرنا الرائــع : عبدالعزيز 6 شكرا من القلب على هذا المرور العاطــــــــــــر وعلى هذه الدعوات الطيبة ... ارق تحية : : : |
عبدالرحمن الـحـــــربي من القلب شكرا على كل هذه المشاعر الصادقة الفياضة التي لامست قلبي ووجداني وما يخرج من القلب يستقر ويقع في القلب بلا استئذان .! وهذا يدل على رهافة مشاعرك واحاسيسك .! شكرا لك عبدالرحمن الحربي لا حرمت تواجدك ..! : : : |
اقتباس:
حنين ودائما يشدني الحنين لإسمك شكرا حنين لمروركـ الجميل والرقيق من القلب شكرا : : : |
هم ٍ عريـض وضيعتنـي شعابـه
سلامتك الف سلامة من الهم إستعيني با لصبر والصلاة (( إن الله مع الصاااابرين )) قصيدة حزينة اسأل الله لك تفرج والمثوبة آمـيـن. من القلب شكرا لهذا الحضور العاطر والمشاعر الصادقة كل الشكر عزيزتي مها : : : |
معناك واضح مابه أبداً غرابه=============أعرف أنا كل المعاني الصعيبة درب الخطا ياخلود ماحدٍ مشابه============واللي مشى ها الدرب وش ينبغي به هذي ترا الدنيا كثير الغثا به=============ماصفيتْ لمنْ هو لربي حبيبه البعض يخطي دايمٍ في حسابه===========وعلاج هذا ماله إلا نسيبه والبعض من أصحابنا والقرابة============هم يحسبون ان المراجل غصيبة! بديارنا عدلٍ ولا هي نهابة==============واجزم بها والله عليم بغيبه |
اقتباس:
عياض مكتوبك وصل يا هلابه = حي الجواب وواجب انا نجيبه جواب صافي مايغثرب شرابه = يبل كبد ٍ ظامية تنتشي به جاني مثل وبل ٍ تكاثف ربابه = اروى جفاف القلب وازهر شعيبه مشكور يا عياض نسل الذيابه = اصيل وجدوده اصيلة عريبة ماهو غريب الطيب اله انتسابه =يكفيك من قحـطان اصله وطيبه جاني جوابه حي والله جوابه= ومهما نقول من الشعر ما نـثـيـبه |
اقتباس:
كفو يابو خالد تهّـون صعابه = والصعب لامنك نويته تجيبه رايك حكيم ودايم ٍ ينحكى به = والراي ماتخطيه دايم تصيبه صادق عويج الراي وش ينبغى به = بذة خفا لبـعيد ولاّ قريبه يذيك في هرجه وينهشك نابه= ولا تـنـتفـع منّه ولا تـنـتـخي به يسم حالك سـمْ في كل مابه = كله غثا والطيب ما يكتفي به مير البلا لا جابك الوقت : بابه = وحدك على مثله ...تراها مصيبة |
صح لسانك خلود وكل من شارك بالرد وسلامتك من الهم والحزن
|
تشكر على القصيدة :smile:
|
لا تحزني .. الحزن طعمه مُرّ لكن نتلذذ بطعم السعادة بعده..( ان بعد العسر يسرا ) فرج الله همك . تقديري لقلمك . |
يا خلود بعض الناس مرٍّ شرابه============مثل الهماج و مثل [ماًن]في شعيبه إليا كتب ورّث لفكري كآبة=============دايم تجي معه الأمور المريبة واليا وردنا ماه نلقا سرابه=============والله فلا يسقيك [ما] من قليبه ذولا تراهم ناس والله غلابة=============وكبودهم شبت حريق ولهيبة كلٍ بيحسب له خطآه وصوابه===========والخاتمة قبرٍ عليه النصيبة شكرا لك يا أخت خلووود وفرج الله همك.........................................وهمي وهم كل من يقرأ . |
اقتباس:
ماشاء الله عليكم بصرااااحه استمتعت مع المساجلات الجميله ..فرج الله همكم ياااااااااارب |
يسلموا على كل الاشعار روعه اختي قاعده تقرا الاشعار ومستانسه بس ليه ماتطلعون اشعار باللهجه العاديه والله انها روعه
|
ماشاء الله تبارك الله
صح لسانك اختنا خلوووود وعسى الان حالك تبدل وراح الحزن عنك جميلة تلك المحادثة الادبية بين المبدعين لاتحرمونا هذا الابداع ياخلود وشكرا |
| الساعة الآن 7:03 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab