[وفااا]

بســـم اللـــــه الــرحــمن الـرحيـــم ..

أسعــد اللـــه أوقــاتكــم بالخيــــر والمســرات ..

انتقـــاء جــديد ’’ وهمــس راقــي ’’ للشــاعــر الكــويتــي ..


عبــداللـــه بـن عـلوش الهــاجـري

=======
===


للشعــــب حكامه وللشـعر ناســـه
ثنتيــن مايـاتن احد بالدراســـه

الحكــــم مايدرس ولا الشــعر يــدرس
بالتـــجربه والموهبـــه والفراســـه

والشعــــر حتى ام الظفـــاير تقــــوله
الحكــم هو اللي يبيــله شراســـه

وانا مع كل احتــــرامي لشعــــري
اشعــر بضعفه واستشف انتكاســه

قدام اسمـــــاء لهـا فالضمـايـــر
هيبة ملـــوك وامـــراء ورئـــاســـه

جـابــر وابو فيصــل وعيســـى وزايـد
قلــب الخليــج وصانعينه واساســه

مشكـــور من فكــر بوقفـه وفيـه
اجـلال للتاريخ وكبار ناســـــه

بكــى عليهــم كوكب الأرض كله
وقبل البشر بكــى الخضار ويباســه

ببدابهـم على أساس انتمـــائي
شمــال ووجهــي للجنوب وحماســه

أبـدا ببـو مبارك لانه أميـــري
ولان فعيـوني عليه انحباســه

صحيـــح ماشفتــه ولاقـد لمحتــه
لكن ادري اني من همـــوم راســه

غرس على شانــي وعلى شـــان غيـــري
واجيال عقب اجيــال تجنــي غراســه

مافيه نفس تبغضــــه بيــــض اللــــه
وجهه بيوم للوجيــــه انعباســـــه

يالله ترحم سيــدي الشيخ جــابر
وتجعل ثرى الفردوس الاعلى مداســـه

ويوم ظهرت من النويصيب مجنب
ودخلت للخفجي ونفسي محاســــه

كن الفهد يضحك بوجهي وانا ابكي
( يابوك لاتبكي الكويت ومساسـه

والله وانا اخـــو نوره الا استــرده
عندي لهم غير السياســه سياســه

انا الفهـــد لاضيقــوا بالعروبـــه
ورجع الوفــد الدبملوماســي بياســه

ارمي بثقل المملكـــه فالقضيـــه
وأغير السيناريو من أساســــه )

واذا تعديت الخبر للمنامــــه
من فوق جسر اسمه أغلى لباســه

لأقدم حضارات الخليج العتيـــده
مرجانة الساحــل ولولوه وماســـه

قلت اللهم اغفر لعيــسى وبيحــه
شيخ الشيوخ وباســهم عقب باســـه

توارثوا منه الوفـــا والشجاعـــه
والحنكه وبعد النظر والكياســـه

والحزم والعزم وابصيره على ان
يتم حل الوضع قبل انحباســـه

واواصل الرحله الى دار زايــد
شيخ عقب فقده فقدنا الاناســه

الحكمه ولين الجناب ومزايـــا
استغفر الله كلبوها مقاســه

خرب على حاتم وحاتم يحبه
مافي كريميــن الخصايل نحاســه

غطى على جود الاوايــل بجـــوده
خذا الكـــرم سيفه ودرعه وطاســه

تحتــار وانت تفسر ابو خليفــه
كتاب داخل رجل صعب مراســه

يارب تشملنا بعفوك ولطفــك
الاموات والاحياء عانه وساســـه

وانا مع كل احترامي لشعــــري
اشعـــــر بضعفــــه واستشـــــف انتكـــاســــــه

قدام اسمـــاء لهم فالضـــمايـــــر
هيبة ملـــوك وامـــراء ورئــاســــه

...

وســـلامتــكــم ..

[الشــاهينة الأزديــة]

المشاركة الأصلية كتبت بواسطة وفااا والشعــــر حتى ام الظفـــاير تقــــوله الحكــم هو اللي يبيــله شراســـه ..

خيــر .. جينا حنا للهطلسه واللجاجه=جينا انتحزّم بالقلم وقرطاسه
فعلامها أم الظفاير يالهاجري=راعية الاستبنه هي والطـّاسه
قد عشّقت على الرابع و خمّست =عضو ٍ بالمحافل زاد نوماسه
ودزّت النشامى عن كراسيهم=بحكم ٍ يومي بكيدها ..والفراسه
تأبطت شعراً .. وحكماً .. كأنما=Ooops ..كعبها العالي كبّر قياسه
يعنني الذيبه كونداليزا ..بندرانايكه=ثم ٍمثل توني جت به على راسه
فهذي اللي تهزّابها يابن علوش=وغيرها بعد من تغنّى بالبلاسه
فعلى مثلهن جت فازعة ٍ بالكتابة=هي الزمرة باللقافة حيل غطـّاسه :)

المشاركة الأصلية كتبت بواسطة وفااا وانا مع كل احتــــرامي لشعــــري اشعــر بضعفه واستشف انتكاســه ..

وأنا بعد مع إحترامي لشعري=إلا إنّي بالوزن حيــــل محتاســــه

وشكراً جزيلاً لمن هي بدار الشعر دوم جلاســـ وفاااا ـــــه ..

بندرانايكه= رئيسة سريلانكا سابقاً

..

[عيـاض]

وأنا بعد مع إحترامي لشعري*********إلا إنّي بالوزن حيل محتاسه

أنا أشهد
أبي أقولها من زمان بس خايف إنك تزعليين
بس زين إنك عارفه


بعدين من يقول إن كدليزا مره

لن يفلح قوم ولوا أمرهم امرأة ‏ >>> في حديث عند البخاري








ومشكورة يا وفاا على النقل
وصح لسان الشاعر

[الشــاهينة الأزديــة]

المشاركة الأصلية كتبت بواسطة عيـاض وأنا بعد مع إحترامي لشعري*********إلا إنّي بالوزن حيل محتاسه أنا أشهد أبي أقولها من زمان بس خايف إنك تزعليين بس زين إنك عارفه بعدين من يقول إن كدليزا مره لن يفلح قوم ولوا أمرهم امرأة ‏ >>> في حديث عند البخاري

وأنا أشهد إنها شهادة جات من أخ منصح أخوي عيــاض ووالله ماراح أزعل أبداً منها ..
وبالنسبة لكوندليزا فأنا أتهزا بها وأتمقت بها طبعاً وهذا واضح من الأسلوب الساخر في الأبيات ..




مشكور أخوي عيــاض ..






..

[عيـاض]

واضح
بس أضحك معك

[الشــاهينة الأزديــة]

المشاركة الأصلية كتبت بواسطة عيـاض واضح بس أضحك معك

مانيب أنا راعية مزح ٍ يابن قحطان=أنتم بعد أهل ٍ للسلوم ومن ناسه

كل الشكر والإحترام لكم أخي عيــاض ..

..

[وفااا]

المشاركة الأصلية كتبت بواسطة من زمرة المتقين خيــر .. جينا حنا للهطلسه واللجاجه=جينا انتحزّم بالقلم وقرطاسه فعلامها أم الظفاير يالهاجري=راعية الاستبنه هي والطـّاسه قد عشّقت على الرابع و خمّست =عضو ٍ بالمحافل زاد نوماسه ودزّت النشامى عن كراسيهم=بحكم ٍ يومي بكيدها ..والفراسه تأبطت شعراً .. وحكماً .. كأنما=Ooops ..كعبها العالي كبّر قياسه يعنني الذيبه كونداليزا ..بندرانايكه=ثم ٍمثل توني جت به على راسه فهذي اللي تهزّابها يابن علوش=وغيرها بعد من تغنّى بالبلاسه فعلى مثلهن جت فازعة ٍ بالكتابة=هي الزمرة باللقافة حيل غطـّاسه :) doPoem(0) وأنا بعد مع إحترامي لشعري=إلا إنّي بالوزن حيــــل محتاســــه doPoem(0) وشكراً جزيلاً لمن هي بدار الشعر دوم جلاســـ وفاااا ـــــه .. بندرانايكه= رئيسة سريلانكا سابقاً ..

صــح لســانــك ،، وســلم بنــانـك ،، وقــرة أعيــانك

هـــلا وغــلا بأحـلى وأرق زمـــردهـ

اسعــدني تــواجــدك بمتصــفحــي المتــواضع.. وردك الـممــيز كعــادتــه ..

شكــرا زمــردهـ .. لاعــدمنــاك يالغــاليــه ..

[وفااا]

المشاركة الأصلية كتبت بواسطة عيـاض وأنا بعد مع إحترامي لشعري*********إلا إنّي بالوزن حيل محتاسه أنا أشهد أبي أقولها من زمان بس خايف إنك تزعليين بس زين إنك عارفه بعدين من يقول إن كدليزا مره لن يفلح قوم ولوا أمرهم امرأة ‏ >>> في حديث عند البخاري ومشكورة يا وفاا على النقل وصح لسان الشاعر

اهــلا بــك اســتاذي الفــاضـل عيــاض ..

أشكــرك علـى مــرورك الـرائع .. لاعــدمنـــا تـواصـلك الـراقي ..

[مها]

كن الفهد يضحك بوجهي وانا ابكي
( يابوك لاتبكي الكويت ومساسـه

انا الفهـــد لاضيقــوا بالعروبـــه
ورجع الوفــد الدبملوماســي بياســه

رحمك الله يا راس الرجاجيل واسكنك الفردوووس الاعلى وجميع اموااات المسلمين ....

صح لسان الشاعر وسلمت يد النااااقل .....

ارق تحيه ....

مـــهـــا...

[عيـاض]

من زمرة المتقين :
ودي أرد على بيتك
بس على أي وزن
وزن الشطر الأول والا الثاني



و أكرر شكري للأخت وفااا