[ريييييم 06]

بسم الله الرحمن الرحيم

دايم الواحد منا يدور عن صديق مخلص يشكي له همه واحوال الدنيا فيه بس مو دايم نلقى الانسان الي مستعد يسمع لنا ويصدقنا النصيحه والاسباب كثيره
بس ابي اعترف انا وحده ما اعرف اقول الي بخاطري للناس الي حولي احب تكون شكواي لربي اولا و يمكن اكتب همومي باوراقي وعندي صديقه عمري بس الظروف تشغل الناس عن بعض


انا ماسطرت هذي المقدمه الا عشان شي بصدري حابسته ولازم اتكلم واسمع نصيحتكم
انا تزوجت بواحد من قبيلتي بس الفخذ غير ماشفته الا يوم عرسي حبيته وعشقته وعطيته كل شي وتنازلت عن اشياء كثيره عشان خاطره تنازلت عن شوفت اقرب الناس لي صارت علاقتي بالناس بس الي بشوفهم في بيت اهلي او بيت اهله اطلع بس معه هو فقط سوق مع اهلي بالحسره علي وطبعا اهله مااروح معهم ولا مناسبه
كنت معه استانس يعرف شلون يبهرني احبه
حملت وكان هذا اسعد خبر بالنسبه لي هو تغير علي معاملته لي صارت جافه تعبني الحمل وبعد الولاده توفى البيبي
وبعد الاربعين بشهر تطلقت
انا تعبانه من الهم الي انا فيه
وداني بيت اهلي وبعدها بمده طلقني صارت مشكله بينا بس ماتوصل لدرجة الطلاق
احبه على كثر قسوته علي احبه وموجعني فراقه

ظلمني وبهتني وقال عني شي مو فيني وحبه بصدري ذابحني
ابي ادعي عليه دعوة مظلوم مااقدر اقول اشلون ادعي عليه وانا جلست عنده وكليت من خيره وتعبه

لا احد يقولي ارجعي صعبه علي انه رماني وهنت عليه ارجع له مااقدر صعبه على نفسي


ابي دعوه حلوه منكم ان الله يصبرني ليين انساه وانسى الالم بحلم الامومه الي بغى يتحقق وصار سراب



اعتذر عن الاطاله بس اتمنى احد يرد علي