[العبير2]

قصيدة كتبها شاب حصل له حادث سيارة و كانت معه والدته

نتيجة هذا الحادث توفيت والدته رحمها الله و كانت إصاباته خفيفة فقال هذه الأبيات للذين يواسونه



يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني




قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى الي يصحيني



فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني





تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني




نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني





يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني





واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني






وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني





اللهم أغفر لآبائنا وأمهاتنا

اللهم اجعلهم في بطون الألحاد

من المطمئنين ونور لهم في قبورهم

وأفسح لهم مد البصر يا رحمن يا رحيم

[غلااا]

اللهم أغفر لآبائنا وأمهاتنا

اللهم اجعلهم في بطون الألحاد

من المطمئنين ونور لهم في قبورهم

وأفسح لهم مد البصر يا رحمن يا رحيم

امــــــــــــــــين يارب ...

تسلم على القصيده

[العبير2]

غلااا

[الهوائيه]

اكيد بيحس بالذنب ولا كن هذا قضاء الله وقدره....
الله يصبره...ويغفر لوالدته ويغفر لكل الاموات المسلمين والمسلمات...
ويغفر لنا اذا صرنا الى ما صاروا اليه....

الله يعطيك العافيه...

[العبير2]

الهوائيه

[حافظة القران]

يشرفني ان تكون اول رد لي لك
وانشاء الله تكون في موازين حسناتك

[العبير2]

حافظة القران
ياهلا وغلا
اسعدني مرورك العطر

[تميميه))]

مشكوررررررررررررررر

[العبير2]

تميميه))

[SaDAnGeL]

ياااااااااااااه جزينة جزينة جدا جدا جدا ،، الله يرحم امه ياااااااااااارب