[ندم ..]

وداع ناجح من مطار القريات
يوم اركبونا الطائرة واشلعتنا

لفت ودارت وامرجت بين لحظات
لولا الكراسيـ والمحازم رمتنا

طاروا بنا حمر العلابي خواجات
صغر العيون وجيههم هولتنا

تكفى تشهد يافهد واقرا آيات
الموت جانا والظروف اجبرتنا

جانا المضيف وقال وش في خدمات
قلت نزلونا بطونا موجعتنا

من قبل أشوف الغيم من دون السموات
واليوم أشوفه يافهد من تحتنا

عزالله إني ماحسبت الحسابات
والا ترى سيارتي موصلتنا

يازين ممشى الأرض لو هي مسافات
لنا بشعيب مجهزين قهوتنا

وش جابني للطائرة والمطارات
والله ماعود ركوبها ان نزلتنا

لو تنفجر قامت تذيع المحطات
رح عاد دور قشنا مع جثثنا

منقول

[كنان2]

لو تنفجر قامت تذيع المحطات
رح عاد دور قشنا مع جثثنا

ههههههههههههههه الله المستعان ..

[الورد الفواح]

ابيات رووووعة وصف كامل لحالة وهو في الطيارة

تسلمي

[عااابر سبيلـــــ]

سلمت اناملك

[ليتك معي دايم]

ماشاء الله ابداع في الوصف
والله من الفضاوه ماهو باحسن من الي قال طارت طياره بالجو العالي فيها مدرستي والشعر فله

[ندم ..]

اشكر الجميع على المرور

[عز الديار]

لو تنفجر قامت تذيع المحطات رح عاد دور قشنا مع جثثنا

اي والله صاادق صح لسااانه
يااحلو الأرض
شكرا على الموضوع الجميل

[ندم ..]

اشكرك عز على المرور

[ورده ذابله]

شـكــ وبارك الله فيك ـــرا لك ... لك مني أجمل تحية .

[بومبارك]

صح السانك جزله وماعليها كلام