[nory]

السلام عليكم ورحمة الله وبركاته

بدخل في الموضوع سيده

انا اكره عمري واكره شخصيتي


دائما اعتذر للناس

ما عاد انه ابي اصرخ في ويهم


ودائما اكون اول وحده اتنازل لو فيه جدال


ودائما ماارقد في الليل الا بعد ساعتين من تعذيب النفس : ليش قلت جي ؟ ليش سويت جي ؟ ليش طالعت افلانه؟ وليش اهي طالعتني جي؟ هل الاسئله الل اعذب عمري فيها

ودائما اذكر ابو المتوفى من اربع سنوان جدام الناس بصيغة الحاضر مثلا ما ايتكلمون عن ابوهاتهم اقول اي ابوي قال جي وسوى جي

ولما اذكره اجوف الشفقه في اعيونهم او انهم يسكتون

واكره طيبتي الزايده للناس كلما اكون طيبه معاهم ايزودونها معاي وايبشكروني يعني ايحمروني يعني ايجوفوني حماره جدامهم ف اضطر انه احطهم عند حدهم بان اصرخ عليهم

و دايما اشتكي في البيت وااايد اشتكي حق خواتي وامي حتى اني امللهم

واكره حد ايطالعني في ويهي انا مب جميله ووااايد بس الناس يلتفتون علي وايد وايتمون ايبحلقون جني منافسه لهم

عشان جي اتم متنقبه حتى في وسط حريم او لما اضطر اشل النقاب اتم امحطيه عيني في الارض طول الوقت لاني اكره نظراتهم

وووو اخر شي ما احب اطلع مكان فيه نساء اكره اهلنا

مثلا في العيد مثلا باجر العيد كم وحده ببوس واكره ما عندي ابوس حد او في الاعراس اكره الاعراس لان لازم لما اندش العرس انبوس درازن من الحريم عشان جي ما احضر عرس ابدا ولا اعايد ماقمت اعايد من 3 سنوات او ازيد

لا نسيت هذا اخر شي

انا متينه بس مب امبين علي اني متبينه حتى لما اقول حق خواتي انا امتينه وشكلي بشع ايقولون لا انتي متنج حلو اموت قهر لما ايقولون هل الجمله

احب اللبس الثياب متعتي الثياب والشراي بس ما اقدر لان قياساتي مش موجوده في السوق

واموت واحيا لما اشوف خواتي يلبسون ثياب طبعا ما احقد عليهم بس خاطر اللبس شي واتنطط

سويت كلشي يخطر على البال ايسونه عشان اضعف بس ماشي فايده

وخواتي كل يوم يشترون وايبدلون من بيناتهم الا انا على صوب

واللبس العباه دايما او نفس الجنز حتى لونه بغى ايروح

-------------------------------------------------------------------------------------------------




طبعا قلت قصه حياتي واعرف محد بيرد

واللي بيرد بيقول ( الله ايعينج او الله ايفرج من كربتج ) خخخخخخخخخخخ

<--- مدام تعرفين جي ليش كتبتي الموضوع خخخخ انا اعرف المهم

انا كتبه بس جي ( جواب حلو صح )