[الحمدي1]

السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين

شعر سطام بن بتلا


لـو كـل غلطـه تجينـا مانمشيـهـا
يشيب وجـه الزمـان معقّـد حجاجـه*
انـداري النـاس ونحـاول نراضيـهـا
وغيـر المشاريـه ماخذنـا وﻻ‌حاجـه*
لكـنّ هالسالفـه وش جـاب طاريهـا
غير أنت ياشمعـة الخفـاق وسراجـه*
ياتحفـةٍ ماوجـد تحـفـه توازيـهـا
ياملـح شعـري ويارمـزه وياتاجـه*
تعال شوف الحنايـا وش يجـي فيهـا
مـن لحظـة فراقنـا ﻻ‌وقـت نتواجـه*
تحصل به اشياء مدري ويش اسميهـا
خلت رجول الهجـوس الغبـر دواجـه*
اي والله اهـواك لكـن ويـش تاليهـا
مـادام كـل الـدروب اليـك منعاجـه*
>> مـن يـدك كـل الطعـون الله يحييهـا <<
اﻻ‌ طعـون الفـراق المـرّ وازعاجـه*
سنين عمـري قطفـت احلـى لياليهـا
واخـذت قلبـي ﻷ‌نـي كنـت محتاجـه*
اتسهّـر النـوم والضحكـه تبكيـهـا
والناس قالوا يعـد الشخـص ماواجـه*
سويت لك كـل حاجـه كنـت تبغيهـا
وانته شسويت ماسويت لي حاجه

[غيوم ممطره]

أكثر من رائعة ولامست المشاعر

الف شكر