[فـهـد...]

بسم الله الرحمن الرحيم

السلام عليكم ورحمة الله وبركاته ،،،

مثال اخر عنوان حبيت ان اكتبه ،،،،


المهم المثال هذا حصل لي انا شخصيا ( شكلكم اشتقتوا )

كنت مرة في احد مزارع اقربائنا ( عندنا مزرعة لكن تعرفون الواحد مايحب الروتين نغير من المزارع)

المهم مالكم بالطويلة ، فإذا اشوف قفص من نوع كبير للحمام ( احب الحمام لكن مااحب كثرته)

جاتني مباشرة فكرة اني احط في مزرعتنا حمام واربي هالحمام (طائر السلام) ، وبعدها قلت

لقريبي عطني وحده من هالحمامات اللي عندكم علشان اجيب لها ذكر واحطها عندنا ، المهم

( قريبي مايسمع فيني ) - هذا طبعا من شدة غلاه لي - المهم (كني كثرت من المهم صح ؟؟!!)

المهم قال ادخل واختر اي وحده ، دخلت واشووف هالانثى المغرورة للاسف - عرفت بعدها ان

الطبيعة السيكولوجية للانثى ( معجبتني كلمة سيكولوجية راح اكثر منها انتبهوا ) وجود الغرور فيها

سواء كانت طيرا او حيوانا من ذوات الاربع او إن؟؟؟ (تعرفون الاغلبية هنا ماشاء الله ) علشان

كذا تقتضي السياسة عدم ذكرها ( نخاف التمرد ) ،، المهم فلما شفت هالانثى معها ذاك الذكر جالس

يتغزل فيها ويلاحقها ( المسكين طبعا ) وهي تهرب منه بغرور ( قاطعه قلبه لكن وين اللي يقدر )

قلت له ابي هذي ، فلما اسرع قريبي ومسكها واعطاني هذي الانثى فسبحان الله فإذا بهذا الذكر

يطير فوووقي ولسان حاله يقول : تكفى يا ... ( مايحتاج لانه ماعرف اسمي ) خلها لاتاخذها ترا

والله لأذبح نفسي ,, قلت له ياخي وش تبي منها عذبتك معها بغرورها اتركها ، ورد علي ( باقي

في لسان الحال ) انك والله ماتدري اني امووو ( وزاد في الواوااات ) ووووووت فيها ،، سفهته قلت

له شوفلك غيرها ،، طلعت من القفص وهو باقي يلووح عند الباب .. والانثى في يدي ولسان حالها

يقول : الحمد لله رب العالمين عساك ماتنهبل ( تقصد الذكر ) ... المهم طلعت بالانثى واحس كذا انها

مو معبرة بهادنيا ، ولما اخذتها للمزرعة دخلتها القفص وحدها ومعها مجموعة من الشبان المتميزين

لأني شريت لها مجموعة ايضا متميزة يعني حمام خارجي ( كندي وبلجيكي) وكثير .. ولما دخلتها

تعرفون عاد الاجنبي شاف هالعربية وبدا يسوي عليها ظغوطات وقوانين للاسف قلت في نفسي

حتى الحمام العربي ماسلم من سيطرتكم .. ( احس اني طولت عليكم ) وبعد ايام رجعت لمزرعة قريبي

وسألته عن الذكر علشان الحمام الخارجي رفض العربي ( للاسف ) ،، قال لي تعال شف العجب

ولما بديت ادخل القفص قال وين قلت راح ادخل علشان اشوف الذكر ،، قال لا اطلع تعال هنا وقال

تشوف هذا قلت وش هذا ( شفت جثة هامدة ميتة قد أصابها الهزل والضعف والفتور في جميع اجزاء

جسدها ) قلت طيب وبعدين ،، قال هذا الذكر اللي اخذت انثاه ( معشووقته ) ،،، مباشرة اتى في

ذهني الطبيعة السيكولوجية للذكر حطوا (تحت كلمة الذكر عشر طعش خط) في جميع

الكائنات سواء الطيور او الحيوانات ذوات الاربع اوالانسان ،، الوفاء الذي يقدمه هذا الذكر من

جميع الكائناات سبحان الله والبعض يقول انه يفتقد ذلك من زوجه ,,

تتوقعون لو أخذت الذكر وتركت الانثى ؟؟ وش بيسير للانثى ؟؟

ملحووظة : وجوووود الكثير من العزاابية في القفص ( يعني يمدي تعووض)

[اريج المصطفى]

السلام عليكــم ورحمــه الله تعــالى وبــركاته

يعطــيك العــافيه أخــي...