[ام ساري]

كيف تزفين خبر حملك لزوجك؟؟افكار حلوة
أخواتي الغاليات هذه بعض الأفكار جمعتها لك لتختاري منها الأفضل والأجمل

وهي أفكار عن كيف تزفين خبر حملك لزوجك الغالي؟؟؟


#لما تسوين اختبار الحمل ويطلع ايجابي غلفيها بالبلاستيك الشفاف وحطيها بعلبة هدايا واهديها لزوجك..

#علبة هدايا وتحطين فيها رضاعة وتكتبين في ورقة بابا انا ارسلت لك الرضاعة مع ماما بس

لا تنسى اذا جيت ان شاء الله رجعها لي

***

#أعملي نفسك متضايقه و حزينه وبعدها قولي له إنه في سر أبي أقوله لك وقولي :

انا أحبك كثير بس للآسف في واحد ثاني دخل حياتي بدون استئذان و بدون ما اشعر

خلاني احبه و انا اسفه لانه اخذ شوي من مكانتك عندي سامحني الله يخليك وبعد كذا

قولي له اذا تبغى عنوانه هو موجود معي انت شوف يدي وين هو ساكن داخل, حطي

يدك على بطنك وبعدين راح يفهم المفاجاة

بس اللي تجرب هالطريقه تنتبه من زوجها احسن ما يكون سريع الغضب ولازم تقولين له

بسرعه قبل ما يزعل..واذا كنتي خايفه من ردة فعله لا تجربي هذه الفكرة..

***

#أول ما تعرفين إنك حااامل ، إطلبي من زوجك يوديك السووق ، وادخلي محل لبيع ملابس الاطفال

راح يستغرب ليش انتي داخلة هناك ؟؟ لا تتكلمي بس واصلي وروحي عند الملابس واختاري أي شي

وهنا راح يسألك لمنو تشترين ، قولي له حق البيبي اللي جاي في الطريق ههههههه طبعا راح يطير من الفرح ويمكن راح يشتري لك المحل كله

***

#ممكن تأخذين الرضاعه بالكرتونه ومع اغراض للبيبي وتكتبين معها بطاقه وتضعين معها نتيجة التحليل

#جيبي ورده حمراء وحطي معها كرت واكتبي في البدايه كلام حلو لزوجك بعدين اخر شئ اكتبي

انا احب اهدي لك هديه حلوه بس للأسف مااقدر اعطيك الهديه الا بعد تسعه شهور (أنا حامل)

#ممكن تجيبين علبه فارغه ومغلفه ونكتب عباره داخل العلبه(لا يمكن استلام الهدية الا بعد تسعة اشهر )

لاني احملها في بطني؟؟؟....

***

#ممكن تسوين حفله بسيطه ويكون فيها ثلاث شمعات وتكتبي تحت كل شمعه اسمك واسم زوجك

واسم البيبي اذا كنتم مختارين اسمه أو تكتبي ابننا القادم ان شاء الله...أو تسوين

كيكة وتكتبين فيها مبروك الحمل ...

***


اللـه يرزقكم بالاطفال الصالحين المتعافين يارب ويسعدكم مع ازوجكم

دمتم

م ن ق و ل

[متفائلة بفضل الله]

الله يعطيك العافية

[اطايب]

افكار رائعه بحق

[العمرلحظة]

افكار روعة الله ييسرلي واحمل واسويها
يارب ياكريم انك تفرحني اناوزوجي عاجلا غير آجلا
اللهم آمين

[ترنيمات انثى]

ما شاء الله مبدعة

[الودق]

كل الافكار حلوة .. الا الأخيرة اذا كان شغلها ماعليه لكن اذا بتوصي محل بلاها هههههههه
لازم كل اللي في محل الكيك يعرفون انها حامل