[عبدالرحمن الحربي]

السلام عليكم ورحمة الله وبركاته


هذه أجمل قصائد قيلة في الزوجة وهي مشهورة

قصيدة الشاعر محمد بن لعبون وهي على قافية حزينة و صعبة وعلى البحر الصخري,,, الحزين ,,,


سقا صـوب الحيـا مـزن تهامـا=علـى قبـر بتلعـات الحجــازي
يعـط ابهـا البختـري والخزامـا=وترتـع فيـه طفـلات الجـوازي
وغنــا راعبيــات الحمـامــا=علـى ذيـك المشاريـف النـوازي
صـلاة الله منــي والسـلامــا=علـى من فيـه بالغفـران فـازي
عفيـف الجيـب مـاداس الملامـا=ولا وقـف على طـرق المخـازي
عـذولـي بـه عنـود مـا يرامـا=ثقيـل مـن ثقيـلات المــرازي
ابـو زرقـا علـى خـده علامـا=تحـلاهـا كمـا نقـش ابغــازي
عليـه قلـوب عشـاقـه تـرامـا=تكسـر مثـل تكسيـر الجـزازي
الا يا ويل مـن جفنـه علـى مـا=مضى لي عن لذيـذ النـوم جـازي
تكـدر مـا صفــا يامـا ويامـا=صفـالـي مـن تدانيـه المجـازي
ومـن قلبـه إلـى هـب النعامـا=يجرونـه علـى مثـل الخـزازي
ليالـي مشربـي صفـوا المدامـا=وثوب الغـي منقـوش الطـرازي
مضـى بوصالهـا خمسـة عوامـا=وعشـر كنـها احـزاة حــازي
بفقـدي لـه ووجـدي والغـرامـا=تعلمــت النيـاحـة والتعــازي
وصرت بوحشـة من ريـم رامـا=ومن فرقـاه مثـل الخـاز بـازى
عذولـي فـي هواهـا بالمـلامـا=يعـزونـي وانـا مانيـت عـازي
وكـل البيضـى عقبـه لو تسامـا=فـلا والله تسـوى اليـوم غـازي
سلينـا لا حــلال ولا حـرامــا=عليهـن الطـلاق بـلا جــوازي
حيـاة الشـوق فيـها والهيـامــا=وجعـد نوق منبـوز العجــازي
وخـدٍ تـم بـه بـدر التمـامــا=وقـدٍ منــه يهتــز اهتــزازي
فـلا بـي عقبـها لا زادو لا مـا=وجرت امن الهوى والغـي جـازي
وخضـت بحـور ليعـات تطامـا=خلاف الخل مـدري ويـن بـازي
نكيـف الهـم فـي قلبـي ترامـا=وجيـش البيـن بالغـزوان غـازي
أريـده وانكسـر كسـر السـلامـا=بسيـف جـره مـا هـوب هـازي
علـى بخـت الدهـر ليتـه تعامـا=وخـلاهـا وليتـه مـا يــوازي
وليتنـي حلمـت ابهـا ونـا مــا=بكيـت الهـا وفي قلبـي حـزازي
اسلــم لــه ولا رد السـلامــا=عزيـزٍ مـن عزيـزات اعـزازى
أظــل هـايـــمٍ دوم دوامــا=همـومـي فيـه تنحـاز انحيـازي
أبــاح الله يـا مــن بالمـلامـا=يسلـم يـوم تــرزاه الــروازي
وصـلات الله منــي والسـلامـا=علـى قبـر بتلعـات الحجــازي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,
وهذهي قصيدة محمد بن مسلم الحسائي

وهي على البحر المسحوب

البارحـه يــوم الخـلايـق نيـامـا

,,,,,,,,,,,,,,,,,,,,بيحت مـن كثـر البكـا كـل مكنـون

قمت اتوجد وانثـر المـاء علـى مـا

....................من موق عين دمعهـا كـان مخـزون

ولـى ونـة مـن سمعهـا ماينـامـا

....................كني صويب بيـن الأضـلاع مطعـون

وإلا كمـا ونـت كسـيـر السـلامـا

........................خلـوه ربعـة للمعـاديـن مـديـون

فـي ساعـة قـل الرجـا والمحامـا

...................في ما يطالـع يومهـم عنـه يقفـون

وإلا كمـا ونـت راعبـيـة حمـامـا

......................غـاد ذكرهـا والقوانيـص يرمـون

تسمـع لهـا بيـن الجرايـد حطامـا

.................من نوحها تدعـي المواليـف يبكـون

وإلا خـلـوج سايـبـة للهيـامــا

...............على حوار ضايع في ضحـى الكـون

وإلا حــوار نشقـولـه شـمـامـا

...................وهـي تطالـع يـوم جـروه بعيـون

يـردون مثلـه والظوامـي سيـامـا

.....................ترزمـوا معهـا وقـامـو يحـنـون

وإلا رضـيـع جـرعـوه الفطـامـا

...................توفـت امـه قبـل اربعينـه يتمـون

عليـك يـا شـارب لكـاس الحمامـا

.....................صـرف بتقديـر مـن الله مــأذون

جاه القضاء من بعـد شهـر الصيامـا

.................وقاموا عليـه مـن الترايـب يهلـون

راحـوا بهـا حـروة صـلاة الامامـا

..............عند الدفـن قامـوا لهـا الله يدعـون

بـرضـاه والجـنـة وحسنالخـتـام

.............ودموع عينـي فـوق خـدي يهلـون

حطـوه فـي قبـر غطـاه الهـدامـا

...........في مهمة من عرب الامـات مسكـون

يـا حفـرة يسقـي ثـراك الغمـامـا

...............مزن مـن الرحمـة عليهـا يصبـون

جعـل البختـري والنفـل والخزامـا

...........ينبت على قبـر بـه العـذب مدفـون

مرحـوم يالـي مـا مشـي بالملامـا

...........جيران بيتـه راح مـا منـه يشكـون

يا وسع عذري وأن هجـرت المنامـا

.......ورافقت من عقب العقل كـل مجنـون

أخـذت أنـا ويـاه سبعـة اعـوامـا

...........مع مثلهـن فـي كيـف مالهـا لـون

والله كنة يـا عـرب صـرف عامـا

.........يا عونة الله صـرف الأيـام وشلـون

وأكبـر اهمومـي مـن بـزور يتامـا

......وإن شفتهم قـدام وجهـي يصيحـون

وأن قلـت لا تبكـون قالـوا علامـا

.......نبكـي ويبكـي مثلنـا كـل محـزون

لاقلـت وش تبكـون ؟ قالـو يتـامـا

........قلـت اليتيـم ايـاي وانتـم تسجـون

قمـت اتشكـا عنـد ربـع العـدامـا

....وجوني علـى فرقـا خليلـي يعـزون

قالـوا تجـوز وانـس لامـه بلامـا

.....ترى العذارى عـن بعضهـم يسلـون

قلـت إنهـا لـي وفقـت بالـولامـا

........ولو حمعتـم نصفهـن مـا يسـدون

مـا ظنتـي تلقـون مثلـه حـرامـا

....ايضا ولا فيهن علـى السـر مامـون

وأخـاف أنـا مـن عاديـات الذمامـا

ا.....للي على ضيـم الدهـر مـا يتاقـون

أوخبلـة مــا عقلـهـا بالتمـامـا

تضحك وهي تلذغ على الكبد بالهـون

تـوذي عيالـي بالنـهـر والكـلامـا

......وانا تجرعنـي مـن المـر بصحـون

والله لــولا هالصـغـار اليـتـامـا

....وخايف عليهم مـن الدجـه يضيعـون

لقـول كـل البيـض عقبـة حرامـا

واصبر كما يصبر على الحبس مسجون

عليـه منـي كــل يــوم سـلامـا

.....عدد حجيج البيـت واللـي يطوفـون

وصلـوا علـى سيـد جميـع الانامـا

.....على النبي يللـى حضرتـوا تصلـون
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’

وهذ قصيد نمر بن عدوان في زوجة وضحى
وهي على البحر المسحوب

سار القلم ياعقاب بالحبر سـارا

.............وبزيزف القرطاس يا مهجتي ســـار

سار القلم بالنويهدات الصغــارا

...............ياعين وكري وحش حين ما طـــار

اكتب جوابٍ مثل قطف الثمـارا

.............من قيل ابن عدوان نظم له اسطــار

من ضامري كنه وقيدات نــارا

................يا نيرة النمرود تشبه لهـــا نــار

لكن ينهش بي غليث السعــارا

................والحال مني تقل يبراه نجـــــار

اكتب وليفي ولع القلب نــــارا

.................خلان بالدنيا وحيدٍ ومحتــــــار

ياعقاب من فقده عيوني سهارا

,,,,,,,,,,,,,,,,لكن فيها ذر شبٍ وزنجــــــار

أعْول عويل الذيب ليل ونهارا

,,,,,,,,,,,,واحن حن الجيد ثاوٍ على الـــدار

على حبيبٍ بالترايب تــوارا

,,,,,,,,,,,,,,خلان مشتاقٍ وحيدٍ ومحتـــــار

والله لا كذب ولا هو اقمــارا

,,,,,,,,,,,,,,,,ايضاً ولانا بالتماثيل هـــــذار

وخلاف ما بيـن البسيطة اوزارا

’’’’’’’’ومن طاف في طيبــه وللبيت زوار

انا ان نظرته راميٍ للجمـــارا

..... كن القمر في موق عيني الى انـدار

ياعقاب لو تجمع جميع العـذارا

’’’’’’’’’’’’’’’’من اليمن لديار نجدٍ لسنجــــار

ومن بصرة الفيحاء إلى قندهارا

,,,,,,,,,,,,,,,من غير وضحا مالك الله تختــار

أجل جل الزين حسن المسـارا

,,,,,,,,,,,,,,,راعي ثليلٍ فوق الارداف نثـــار

العنق عنق اللي تقود العفـــارا

,,,,,,,,,قايد اخشوف الريم في دوّ الاقـفار

يا غصن موزٍ تحته الماي حارا

،،،،،،،في وسط بستانٍ دنت منه الاثمار

ياعقاب ما والله مدير النهــارا

........مجرى سفينة نوح في غب الابحـار

لو جَن بنات البدو صفٍ تبـــارا

...............على الحنايا دللن كل حــــوار

ولو جَن بنات الحضر مثل المهارا

..........سطر الذهب بأرقابهن تقل نــوار

ولو جَن بنات اصليب فوق الشهارا

............زياما حلا بشفيهن دق الأوبــــار

ولو جَن بنات الترك هن والنصارا

,,,,,,,,,,والهند واللي سكن كل الأمصــار

جنى ضحى العيد وسط النهـارا

,,,,,,,,وقالوا لنا يا نمر قم طب واختــار

ما أخذ سوى مضنون عيني اخيارا

,,,,,,,,الصاحب اللي فر عقلي معه طـار

فيها خصالٍ وافياتٍ كثـــارا

,,,,,,,,,,ومثايلٍ فيها التفاكير تحتـــــار

شيمة فهودٍ وبه زعانف نمـارا

,,,,,,,ومن الجمال اليوسفي فيه تفكــار

حسه صخيفٍ مثل جني الثمارا

,,,,,,,,,,,يسبي البيب منادمه تقل سحــار

قلت آه وا ويلاه مر المـــرارا

,,,,,,,,,,,,,,من مي زقومٍ جرعته له إمــرار

من فقد مسلوب الحشاشين سـارا

..............غروٍ كما بدرٍ لها النور نشـــار

ياليتني وياه نتنى المشــــارا

.........فوق السبايا وأشهب الملح زجـار

لاكن ملك الموت جانا اغتـارا

...........فرق وشتت وأودع القلب محتـار

ريحة جسدها مثل ريح البهـارا

.............وبين اشفتيها تقل حص محـــار

لولا ضلوعي فر قلبي وطـــارا

...............لكن ينشر ثومة القلب نشــــار

من لامني به ثور أو هو حمــارا

..............والثور أخير ان قيل له دير يندار

صلاة ربي عد وحش القفـــارا

...................والا عدد نبتٍ يروى بالاقفــار

على النبي المبعوث سر وجهــارا

..................سيد البشر اللي قهر كل جبــار ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,

وهناك قصايد اخرا ولكن قد تكون هذه أبرزها من ناحية الشهرة و الجمال

وسلامتكم

[بونوره]

شكرا لك اخي الغالي على الموضوع الذي فيه اعذب ماقيل في الزوجه.

[عبدالرحمن الحربي]

المشاركة الأصلية كتبت بواسطة بونوره شكرا لك اخي الغالي على الموضوع الذي فيه اعذب ماقيل في الزوجه.

أبا نورة مرورك هو الأروع

[المبهره]

قصيدة البارحة مطلعها جميل الله يعطيك العافية

[عبدالرحمن الحربي]

المشاركة الأصلية كتبت بواسطة المبهره قصيدة البارحة مطلعها جميل الله يعطيك العافية

الجمال كله في مروركم الراااااااااائع

[,, غــب البـحــر ,,]

الشكر لك ولاهنت.

[back2allah]

توقعتك ستضع قصيدة جرير في رثاء زوجته
على العموم جزاك الله خير
:)

[شمس نجد]

وعليكم السلام ورحمة الله وبركاته

سلمت يمناك على هذا النقل

دمت لنا بألف خير

[عبدالرحمن الحربي]

المشاركة الأصلية كتبت بواسطة ,, غــب البـحــر ,, الشكر لك ولاهنت.

شاكر لك هذا المرور الراااااااااااااااااائع

[عبدالرحمن الحربي]

المشاركة الأصلية كتبت بواسطة back2allah توقعتك ستضع قصيدة جرير في رثاء زوجته على العموم جزاك الله خير :)

على العموم ولا يهمك نجبلك قصيدة جرير في زوجته



مرورك رااااااااااائع